/  
صفحه اصلی‌ » اخبار » ایرانلی مسوللارین کفایتسیزلیغیندان بو یول عزارییلی حالا جان آلیر

ایرانلی مسوللارین کفایتسیزلیغیندان بو یول عزارییلی حالا جان آلیر

 اوغوز تی وی:اهر یولوندا پژو ایله ال۹۰ آراسیندا باش وئرن تصادفدا ۳ نفر اؤلوب ۲ نفر یارالانیب.

اوغوز تی وی نین  شرقی آزربایجان‌ین اورژانس ایداره‌سیندن آلدیغی بیلگی‌یه گؤره بو گون بهمن آیی‌نین ۲۰-سینده ساعات ۱۳:۱۰ ده خوجه –اهر یولونون ۱۰ کیلومئترلیگینده بیر مینیک پژو ایله ال۹۰ مارکالی  ماشینلارین تصادفلاری اثرینده ۳ نفر اؤلوب ۲ نفر یارالانیب.
آرتیرمالییق اهر جاده‌سی آذربایجانلی مسوللارین کفایتسیزلیغی نتیجه‌سینده ایللردیرکی مینلر بؤیوکلو –کیچیکلی٬ یوخسولو‌وارلی اینسانلارین اؤلوم مرکزینه چئوریلیب٬ مجبورییت اوزوندن بو یولدان ایستفاده ائدن اینسانلار حتما کی اؤلوملرین گؤزلرینین قاباغینا آلیرلار٬ امما آذربایجان‌ین دؤولتی مسوللاری و مجلیس نماینده‌لری یالنیز وعده‌لر وئریب ٬ هئچ بیر ایش گؤرمورلر.
قارداغ سونگون معدنلرینه گؤره آذربایجان‌ین ان زنگین و ایران‌ین میللی خزانه‌سینه بؤیوک مقداردا گلیر تؤکن بیر بؤلگه دیر٬ امما ایقتصادی باخیمدان ایران‌ین ان دالی قالمیش بؤلگه‌لریندن بیری دیر.

Comments,Baxışınız
oguz gif telegram