/  
صفحه اصلی‌ » اخبار » ورزقان‌ین میس مجتمعی‌نین اوره‌تدیگی محصول، میس کونسانتره‌سی‌دیر.

ورزقان‌ین میس مجتمعی‌نین اوره‌تدیگی محصول، میس کونسانتره‌سی‌دیر.

اوغوز تی وی:گونئی آزربایجان منطقه‌سینده اریتمه کرخانالاری اولمادیغندان، بوتون بو محصول یوکله‌نیب کرمانا ساری گؤتورولور
نئچه آی بوندان اؤنجه، رضا علیزاده، ورزقانین ملت وکیلی آچیقجا دئمیشدی “آذربایجان معدن‌لری‌نین منفعتی تهران‌لا کرمانا گئدیر و آذربایجانلی جوانلار اؤز معدن‌لرینده بیله ایشچیلیک ائتمه‌یه حق‌لری یوخدور”. دنیانین میس ذخیره‌لری ۶۳۰ تون تخمین ائدیلیر، ایراندا ۲۰ میلیون تون میس وار کی، ۴۰%-ی ورزقاندا سونگون میس معدنلرینه عایددیر. بو آمارلاری توتوشدوراندا بللی اولور کی، دنیادا موجود اولان میسین ۵/۱% -ی سونگونده وار اولماقدادیر.

ورزقان و خاروانا ملت وکیلی رضا علیزاده، شهرستانین اقتصادی مقاومت ستادینین جلسه‌سینده‌کی تازا دانیشیغیندا، ورزقان میسینین وضعیتینه گؤره دئدی: ایران ملی میس شرکتینین بیر نئچه مجتمعی واردیر. ورزقان دا اونلاردان بیری‌دیر. ورزقاندا تولید اولان میس اورانینا گؤره ده حمایتی قایناقلار شهرستانا وئریلمه‌لی‌دیر.
او دئدی: ورزقاندا ایلده ۲۰۰ میلیارد تومنلیک، بلکه ده چوخ پیمانکارلیق ایشلری گؤرولور. بو ایشلرین ۹% ارزش افزوده‌ی واردیر، بوندان ۳% شهرستانین پایی‌دیر و شهرستانینن اؤز داریی‌سینا آرتیریلسین. آنجاق تاسفلر اولسون کی، باشقا شهرلرین داراییسینا تؤکولور. البته بو قونودا شهرستانلارین اؤز دارایی‌لری ده قصور ائدیرلر.
او آرتیردی: ایرانین ملی میس شرکتی‌نین نئچه مجتمعی اولاسا، بیری ده ورزقان‌دیر و اوره‌تیمدن (تولیددن) اولان پایلاریینا گؤره، حمایتی قایناقلاردان دا بؤلگه‌نین نصیبی اولمالی‌دیر.
علیزاده یئرلی جوانلارا چالیشما اورتامی یاراتماق اوچون انسانی قایناقلار و باشاراجاقلی مدیرلر ائییتمه‌یین گرکلی‌لیگینه وورغولایاراق آرتیردی: سونگون میس معدن‌لرینده بیزلر جماعتین باسقیسی ایله قارشیلاشیریق، اونلار گنجلرین ایشسیزلیگیندن اینجیک‌دیرلر.
ورزقان و خاروانا ملت وکیلی سؤزلرینین اردینجا دئدی: میس شرکتی ایله گلیشمه تاساریملاری (طحهای توسعه) ایله ایلگیلی گنه‌ل آنلاشمایا (توافق کلی) یئتیشمیشیک. بو آنلاشما ایرانین ملی میس شرکتینه ابلاغ اولونوبدور و بئله قرار آلینیب کی، سونگونده ۱۰۰ مین تون کاتودی میس تولید ائتمک اوچون میس ایشلمه تکنولوژیسینه اییه اولان ۱۰ خارجی شرکتدن، اؤنردیکلری قیمتی بیلدیرسینلر و بئله‌لیکله ان اویقون اؤنرینی سونان شرکت ایله سؤزلشمه‌یه گئچیلسین.
او دئدی: اساس یاتیریم یاتیردان و فانانسئر میس شرکتی اؤزو اولاجاق و سؤزلشمه ای. پی. سی فورمتینده اولاجاقدیر، و آرتیردی: هر قوشولدا، ۱۰۰ مین توت شمش‌ین تولیدینین ائمیسیونلاری (آلایندگی تولید) مهارلانمالی و چئوره‌یه ضرر یئتیرمه‌مه‌لی‌دیر.
علیزاده بَلیرتدی: تخمینا ۱۰۰ هکتار یئر حاضیرلاماغا چالیشیریق کی، کاتودی میس تولید اولماق همن مختلف محصولاتا چئوریلیب، شرکتین قاتما ده‌یرینی (ارزش افزوده) آرتیرسین.
دئمه‌لیدیر کی، شرقی اذربایجانین صنایع و معدن‌لر اوزمانلاری سوگون میسی‌نین مستقیم اشتغال میزانینی ۲۰۰۰ نفر، و بو بؤلگه‌ده باشقا میس صنعتلری ایجاد اولوغو حالدا ۲۵۰۰۰ پئشه ساحه‌سی‌نین یارادیلماسی اعلان ائدیبلر. شبهه‌سیز بو کاپاسیته‌دن یارارلانماق، اریتمه و آریتما صنعتلرینین (صنایع ذوب و پالایش) ایجاد اولماسی آذربایجانلی گنجلره ایش یارادیب،
کارلیلیق (سود آوری) ساغلایاجاق.
وورغولانمالی‌دیر کی، ورزقان ایرانین ان یوخسون (محروم) بؤلگه‌لریندن دیر کی، آذربایجاندا معدنی داشلارین اوره‌تیم و استحصالی اوچون لازم اولان آلت‌یاپیلارین ایجاد اولماماسیندان دولایی، آذربایجان و اؤزللیکله ده ورزقانین معدن داشلاری محصولاتی کرمان و فارس منطقه لرده استحصال اولونور.

Comments,Baxışınız
oguz gif telegram