/  
Ön yapraq » خبرلر » آذربایجان مدنیت ائوی” سالماس شهرینده هفته لیک “دده قورقورد و ادبیات دونیامیز ” آدلی اوتورمولارا باشلاییب

آذربایجان مدنیت ائوی” سالماس شهرینده هفته لیک “دده قورقورد و ادبیات دونیامیز ” آدلی اوتورمولارا باشلاییب

اوغوز تی وی:دده قورقورد تانیتیم و اوخونوش سلسله اوتوروملاری ایشه باشلادی.،دده قورقورد تانیتیم و اوخونوش سلسله اوتوروملاری ایشه باشلادی.

دده قورقورد اثری، شوبهه سیز ادبیاتیمیزین ان اوجا زیروه سی دیر.

بو اثر او قدر اؤنملی و ده یرلی بیر اثردیر کی اونونلا تانیش اولمایان بیر شخص ادبیاتیمیزلا تانیش اولدوغونو ادعا ائده بیلمز.

دده قورقورد کیتابی تکجه داستان کیتابی یوخ، بیزیم دیلیمیز، ادبیاتیمیز، دوشونجه دونیامیز، توپلومسال یاشامیمیز و بوتون معنوی دیرلریمیزین ائنسئکلوپئدی سی حساب اولونور.

دده قورقورد اثری اوغوز بویلارینین یازیلی کیملیک بلگه سیدیر.

بو اثرین داشیدیغی اؤنم و ده یره گؤره “آذربایجان مدنیت ائوی” سالماس شهرینده هفته لیک “دده قورقورد و ادبیات دونیامیز ” آدلی سلسله اوتورمولارا باشلاییب دیر. بو بحثلرین اوستادی، تانینمیش دده قورقورد اثری متخصیصی جناب دوکتور حسین پناهی دیرلار.

دده قورقورد و ادبیات دونیامیز آدلی آردیجیل اوتوروملاریمیز هر هفته سه شنبه گونلری آذربایجان مدنیت ائوی نین دفترینده قورولور. بوتون ماراقلی اولان دوستلاریمیزین یولونو گؤزله ییریک.

Comments,Baxışınız
oguz gif telegram