/  
بیریمجی صحیفه » خبرلر » «آزربایجان تانیتیمی» آدلی اوجاق، اورمو بیلیم‌یوردوندا ایشه باشلادی

«آزربایجان تانیتیمی» آدلی اوجاق، اورمو بیلیم‌یوردوندا ایشه باشلادی

اوغوز تی وی:بوگون، اورمو بیلیم‌یوردو اؤیرنچی‌لری «آذربایجان تانیتیمی» آدلی اوجاغین ایشه باشلاما بیلدیریمینی بیلیم‌یوردو گئنلینده یاییملایاراق بو اوجاغین مجوز آلما خبرینی دویوردولار. اورمو بيليم‌يوردو اؤيرنچی‌لری‌نین دئدییینه گؤره، بو اؤیرنچی‌لرین یاخلاشیق اوچ ایل اؤنجه‌دن آذربایجان تانیتیمی اوجاغی‌نین چالیشما مجوزی‌نین آردینجا اولماسینا باخمایاراق، بیلیم‌یوردو سوروملولاری اؤیرنچی‌لرین ایسته‌یینی اولومسوز قارشیلامیشدیر. اؤیرنچی‌لرین چالیشمالاری سونوجوندا، بیلیم‌یوردو سوروملولاری بو اوجاغین “آذربایجان اقوام و ادیان درنه‌یی”نه باغلی اولماسی دورومدا «اقوام» آدی‌یلا دئییل، «آذربایجان تانیتیمی» آدی‌یلا چالیشماسینا مجوز وئرمک مجبوریتینده قالدیلار. اورمو بیلیم‌یوردو اؤیرنچی‌لری‌نین بو اوجاقلا ایلگیلی یاییملادیغی چاغیریش آشاغیداکی بؤلوملری ایچَرمکده‌دیر: “اورمو بیلیم‌یوردونون «آذربایجان تانیتیمی» اوجاغی کولتور، دیل، ادبیات، تاریخ و بنزری آلانلارا ماراقلی اولان اؤیرنچی‌لری بیرلیکده چالیشماغا چاغیریر. «آذربایجان تانیتیمی» اوجاغیندا اویه اولوب چالیشماق ایسته‌ین اؤیرنچی‌لر، هرگون ساعات ۱۲-۱۴، “مجتمع امور فرهنگی”ده آذربایجان تانیتیمی اوجاغی بؤلومونه باش وورابیلرلر.

Comments,Baxışınız
oguz gif telegram
Play All Replay Playlist Replay Track Shuffle Playlist Hide picture