/  
بیریمجی صحیفه » خبرلر » ائرمنيلرله ايشبيرليگينده اولان نوماينده قاراداغ آدايي اولوب

ائرمنيلرله ايشبيرليگينده اولان نوماينده قاراداغ آدايي اولوب

اوغوز تی وی:ائرمنيلرله سيخ ايشبيرليکچي اولاراق تانينان ريضا علیزاده قاراداغ ماحالينين ورزیقان شهريندن سئچکييه قاتيليب. قارداغ بؤلگه‌سينده گونئي آزربايجانين باتي ايالتي کيمين ايرانين باشقا سيياستينين قورباني اولماق تهلوکه‌سينده‌دير.بو شهردن اولان ديگر آداي، دهقاني ايله ،بيرليکده ديگر ايره‌لي سورولن ائرمني لوبيسي علیزاده سؤزده ايران ميللي مجليسي اوغروندا موباريزه آپاريردي. لاکين ايکيسيده سئچکيلرين ايلک حيصه سينه کئچه بيلميه‌رک، ۲-جي دؤنمه قالديلار. ۲-جي دؤورده يئنيدن موباريزه آپاراجاقلار. 

ائرمنيستان و ائرمنيلرله هر زامان سيخ علاقه ده اولان، اونلارلا بؤيوک تيجارت ايشلري گؤرن علیزاده عئيني زاماندا آزربايجان دوشمه‌چيليگي ايله ده مشهوردو.بئله‌کي،مجليسده دونيادا ۳-جو بؤيوک ميس معدني اولان قاراداغين سونگون معدنيندن چيخاريلان ميسه ميس آزربايجان آدينين وئريلمه‌سينه اعتيراض ائدنلردندي. بوندان باشقا، اورمو گؤلونه سو چکيلمه‌سينين علئيهينه مجليسده سس وئرميشدي. 

سپاه و رئژيمدن بويوک دستک آلان علیزاده، ورزیقاندا اؤزونون يوکسک سويييه‌ده تبليغاتيني آپاريري. بو يولدا ايلک سئچکيده ساختاکارليقدان بئله چکينمه‌دي.

بؤلگه‌نين ميلتچي کسيمي ائرمني آدايا قارشي اولاراق و رئژيمين اويونون پوزماق حدفيله دهقانييه ياخينديلار،بونا گؤره ده، سپاه‌اين آداملاري ميلتچيلره حده‌قورخو گله‌رک بيلديريبلر کي، ورزیقانين نوماينده‌سي علیزاده اولماليدي. 

خاتيرالاداق کي، ائرمنيلرله سيخ علاقه سي اولان، هر دايم ائرمنيستان صفرلري ايله ديقت چکن علیزاده نین، ائرمني تاجيرلرله بيرليکده قوردوغو يوزلرله شيرکت و تيجارت ايشلري وار. 

بوندان باشقا،ه‌ليزادنينقاراباغ ساواشيندا ايران نوماينده‌سي اولاراق، ائرمنيستانلا ايشبيرليگينين اولدوغو دا سؤيله‌نيلير. 

بير زامانلار قوزئي آزربايجان مئدياسيندا اليزادنين ائرمني طرفي ايله اولان سيخ ايش بيرليگي گوندمه گلميشدي.

گؤروندويو کيمي، تورکون دوشماني اولانلار، تورک تورپاقلاريندا ثروتلريميزي تالاديقلاري آزميش کيمي، شهرلريميزدن ده نوماينده سئچيليب، اينسانلاريميزا داها دا ضربه‌لر وورماغي قارشييا مقصد قويوبلار. 

ديقتينيزه چاتديراق کي،يراندا سئچکيلر تامامن رئژيمين اؤز کونترولو و يؤنتيمده‌دير و ايران جوغرافيياسيندا اولانميلتلر، سئچکي زاماني سادجه رئژيمين اؤزنونون سئچديکلري آدايلارا سس وئرمه هاقلاري واردير. رئژيمين قبول ائتمه‌ين شخصلرينادايليق و نامزدليق ايره‌لي سورمه هاقينا صاحيب دئييللر، آديارين آدلارينين آدايليغا سورولسه‌ده”نگهبان شوراسي “آدلي قوروم طرفيندن آدايليغي رد اولوب سئچکي ياريشينا گيره بيلميه‌جکدير. 
سئچکيلرده ميلتلر ،سچگیده ايران رئژيمينين ترجيه لرينين آراسيندان سئچيم ائديرلر.آزربايجان تورکلري ايللردير ايرانين سئچکيلريني کوتلوي تحريم ائتميش و ايران رئژيمينين ائرمنيلشديرمه و کوردلشديرمه سيياستلري اولان بؤلگه‌لرده سچکييه فورماليته اولاراق قاتيليب تورک کؤکنلي اولانلارا سس وئرير . 

Comments,Baxışınız
oguz gif telegram
Play All Replay Playlist Replay Track Shuffle Playlist Hide picture