/  
Ön yapraq » خبرلر » اردبیل‌ین تهرانلی و ضید آذربایجان نماینده‌سی اردبیل‌ین اوصولگرا لیستلرینین باشیندا

اردبیل‌ین تهرانلی و ضید آذربایجان نماینده‌سی اردبیل‌ین اوصولگرا لیستلرینین باشیندا

اوغوز تی وی :اؤز مصاحیبه‌لری و دانیشیقلار ایله آذربایجاندا ضید تورک و آنتی آذربایجان کیمی تانینان منصور حقیقت پور یئنه ده اوصولگرالارین وئردیگی لیست‌ین باشیندا یئرله‌شیب.
منصور حقیقت پور 1393-نجی ایل‌ین آنا دیلی گونو مناسبت ایله یول پرس آدلی سایتا وئردیگی مصاحیبه ده آذربایجانلی‌لارین تورک دیلی‌نین مدرسه‌لرده اوخونوب و ایراندا تورک دیلینه فارس دیل‌ینه تای فرهنگیستان آچماق دوشونجه‌سینه حمله ائدرک دئمیشدی: آذربایجانلی لار تورک دئییل لر٬ بیز آذری یانی فارس ایدیک سونرا تورک اولموشوق ٬ تورک فرهنگیستانی‌نین آچیلماسی ایرانا خیانت دیر٬ تورک دیلی گرک ازبکیستان و قیرغیزیستاندا آچیلا. بیز گرگ یاردیم ائدک تحمیلی تورک دیلی آرادان گئدیب و آذربایجان‌ین اصل دیلی اولان فارس دیلی بوردا گوجله‌نه.
بو تهرانلی نماینده اردبیل‌ین مرزلرینده یئرلشن آذربایجان جمهوروسونون ایقتصادی پتانسیل لریندن و دینی ٬ ایجتماعی اشتراکات یندان ایستفاده یئرینه مجلیس ده آذربایجان جمهوروسونون دوشمنی اولان بیر نماینده کیمی تانینیر. اردبیله گلن سلامت توریستی‌نین آزالماسیندا اصلی نقشی اوینایان نماینده لردن بیری دیر.
بو نماینده اوستان نماینده لر ایله بیرلیک یارادیب ایقتصادی پروژه لری قاباغا آپارماق یئرینه اوستان نماینده لر ایچینده نفاق عامیل ینه چئوریلیب. بیر حالداکی استانداری اولان زامان دب-دبه کب-کبه ایل اردبیل دمیر یولون تبلیغ ائدیردی ٬ احمدی نژاد دؤوروندن سونرا بو پروژه نین اصلی مخالیف‌ینه تبدیل اولوب و بو پروژه نین قاباغا گئتمه‌سینه انگل اولوب.

Comments,Baxışınız
oguz gif telegram