/  
Ön yapraq » خبرلر » “ارمنیستان ایشغال ائتدیگی قاراباغ بؤلگه‌سینه پ‌کاکا یئرلشدیریر”

“ارمنیستان ایشغال ائتدیگی قاراباغ بؤلگه‌سینه پ‌کاکا یئرلشدیریر”

اغوز تی‌وی:اولوسلارآراسی اساس‌سیز ارمنی ادعالارییلا مباریزه درنه‌گی (آسیمدر) باشقانی گؤکسل گول‌بی، “ارمنیستان ایشغال ائتدیگی آزربایجان تورپاغی اولان داغ‌لیق قاراباغ بؤلگه‌سینده پ‌کاکا و باشقا هؤرگوت‌لری یئرلشدیره‌رک اؤزونه اوستونلوک تامین ائتمک ایسته‌ییر” دئدی.

گول‌بی، درنک بیناسیندا قازئته‌چی‌لره دانیشماسیندا، تورکیه‌نین پ‌کاکایا قارشی سون زامان‌لاردا ائتدیگی عملیات‌لاردان دولایی ترور هؤرگوتونون مرکز اولا‌راق ایستیفاده ائتدیگی قندیل‌دن ارمنیستانین ایشغا‌لی آلتین‌داکی آذربایجان تورپاغی داغ‌لیق قاراباغا یئرلشمه‌یه باشلادیغینی سؤیله‌دی.

سون زامان‌لاردا تشکیل ائدیلن عملیات‌لار سونراسیندا ترور هؤگوتو پ‌کاکانین (سؤزده) یوکسک سویه‌لی یئتکی‌لری‌نین بؤلگه‌ده سیخیشدیغینی، بو سببله اؤزونو داها گوونده حس ائتدیگی و ائییتیم کمپ‌لری‌نین ده اولدوغو داغ‌لیق قاراباغی سئچدیگینی ایفاده ائدن گول‌بی بون‌لاری قید ائتدی:

ارمنیستان ایشغال ائتدیگی آذربایجان تورپاغی اولان داغ‌لیق قاراباغ بؤلگه‌سینه پ‌کاکا و باشقا هؤرگوت‌لری یئرلشدیره‌رک اؤزونه آوانتاژ ساغلاماق ایسته‌ییر. ارمنی عایله‌لر، اوشاق‌لارینی او بؤلگه‌یه عسگر اولا‌راق گؤندرمیر. آیریجا آذربایجان اوردوسونون دا ایشغال آلتین‌داکی تورپاق‌لارینی گئری آلماق اوچون ساواشا حاضیر اولدوغونو بیلدیگی اوچون بو جور سیلاح‌لی هؤرگوت‌لرین گوجونه احتیاج دویان ارمنیستان، روسیا دستک‌لی اولا‌راق ایشغال ائتدیگی تورپاق‌لاری پ‌کاکانین مرکز اولا‌راق ایستیفاده ائتمه‌سینه ایجازه وئرمیش دورومدا. “

گول‌بی، ارمنیستان و روسیانین تاریخده ده تورکیه‌یه قارشی ائتنیک کارتینی ایستیفاده ائتدیگینی، روس‌لارین 1923-1929 ایللری آراسیندا داغ‌لیق قاراباغ بؤلگه‌سینده “قیرمیزی کوردوستان مختاریتی” آدی آلتیندا بؤلگه قورا‌راق، آذربایجان، ارمنیستان و ایراندا یاشایان کوردلرین ده او بؤلگه‌یه یئرلشمه‌لرینی تامین ائتدیک‌لرینی ایفاده ائده‌رک، بون‌لاری سؤیله‌دی:

تاریخ‌دن بری روسیا ایله ارمنیستان، قافقاز کوردلرینی مقصدلری اوغرونا قوللاناراق، قوردورماق ایستدیک‌لری قیرمیزی کوردوستان کارتینی یئنی‌دن پ‌کاکا ایله اویناماق ایسته‌ییرلر. بونون کوردلره فایداسی اولمایاجاغی کیمی بؤلگه اینسان‌لارینا دا فایداسی اولمایا‌جاق. روسیا و ارمنیستان، کوردلری و پ‌کاکانی چوخ ایسته‌دیگین‌دن دئییل ده تورکیه ایله آراسیندا اختیلافدان اؤترو بو دستگی وئرمکده‌دیرلر. قافقاز کوردلری بو اویونا گلممه‌لی‌دیر. تورکیه وآزربایجان دا بو قونودا لازیم‌ تدبیرلری آلما‌لی و روسیا ایله ارمنیستانین بو اویونونا سون وئردیرملی‌دیرلر.”

Comments,Baxışınız
oguz gif telegram