/  
بیریمجی صحیفه » خبرلر » ارمنیستان روسیه‌نی قاراباغ جنگ‌ینه چاغیریب

ارمنیستان روسیه‌نی قاراباغ جنگ‌ینه چاغیریب

اوغوز تی وی،ارمنیستان‌ین قازاخ ماحالی‌یندا حمله‌سینین قاباغی آلینیب، دؤیوشلر زامانی آزربایجان اوردوسوندان بیر رسمی کادر و بیر سرباز شهید اولوب. ارمنیستان اوردوسوندادا چوخلو اؤلن وار.

اوغوز تی وی-نین آزربایجان جمهوروسونون دفاع باخان‌لیغینین (وزارتی‌نین) سایتینا دایاناراق ً وئردیی خبره گؤره، سوْن گۆنلر اشغال اولونمۇش اراضی‌لرده خئیلی سایدا ایتکیلره معروض قالان ائرمنی طرفی اۇغۇرسۇزلۇقلارینین عوضینی چیخماغا جان آتاراق آزربایجان-ائرمنیستان دؤولت مرزینده تؤرتدیی حمله لرین سایینی آرتیریب: “عملیات شرایطینده اۆستۆنلۆیۆ ایتیرن دوشمن دؤولت مرزینده گرگینلیی آرتیرماقلا بعضی بین‌الملل قوروملاری، اوْ جمله‎دن ارمنیستانین اۆیه (عۆضو) اوْلدۇغۇ نیظامی-سیاسی سازمانا داخل اوْلان دؤولتلری ده مۆناقیشه‌ده اشتراکا سؤوق ائتمه‌یه چالیشیر. قوچون (فروردین‌ین)8-ده ارمنیستان سلاحلی قووه‌لرینین بؤلملری قازاخ ماحالی اراضیسینده دؤولت مرزینی پوْزاراق آزربایجان اراضی سینه سوْخۇلماغا جهد گؤستریب. بۇ یؤنۆده‌ (جهت‌ینده) یئرلشمیش بؤلملریمیزین ساییقلیغی سوْنۇجۇندا (نتیجه‌سینده) دوشمنین حرکتی قاباقجادان آشکار ائدیلیب و قارشیسینین آلینماسی آماج ایله موافیق تدبیرلر حیاتا کئچیریلیب. ایتکیلره معروض قالان اشغالچیلار گئری (دالی) چکیلمیه مجبور ائدیلیب”.

بیلگیدا بیلدیریلیر کی، دوشمنله باش وئرن دؤیۆش توْققۇشماسیندا آزربایجان سلاحلی قووه‌لریندن ایکی نفر شهید اولوب ، شهیدلرین بیری رسمی نیظامی و بیری ده سرباز دیر.

دفاع باخانلیغی (وزارتی) بیلدیریر کی، همین یؤنۆده‌ (جهت‌ینده) عملیات شرایطی قوْشۇنلاریمیزین تام نظارتی آلتیندادیر. آزربایجان طرفی بۆتۆن بین‌الملل سازمانلاری نؤبتی که‌ره (دفعه) ائرمنیلرین حمله‌لرینی قینایاراق باش وئرنلره موافیق قیمت وئرمیه چاغیریر.

Comments,Baxışınız
oguz gif telegram