/  
بیریمجی صحیفه » خبرلر » افرين عمليياتينا جواب اولاراق کورد تئررورچولاري گونئي آذربايجانا و تورکيه‌يه سالديريلار

افرين عمليياتينا جواب اولاراق کورد تئررورچولاري گونئي آذربايجانا و تورکيه‌يه سالديريلار

اوغوز تی‌وی:معلوم اولدوغو کيمي، تورکيه آزاد سورييا اوردوسونون ايشتيراکي ايله سورييانين آفرين شهرينده يپگ/پکک تئررورچولارينا قارشي “زئيتون بوداغي” آدلي عمليات کئچيرير.کؤچري کوردلرين تئررورچو قروپلاشمالاري بو عمليياتدا آغير ضربه‌لر آليب .


تئروريست کوردلر آغير ضربه‌لره جواب اولاراق , سورييادان تورکيه‌يه راکئت آتيب، اؤلن و يارالانانلار وار .سورييانين آفرين بؤلگه‌سيندن تورکيه‌ کيليس شهرينين راکئت آتشينه توتولماسي نتيجه‌سينده اؤلنلرين سايي ۲ نفره چاتيب.تورکيه مطبوعاتيندا ياييلان معلوماتا گؤر، حاديثه نتيجه‌سينده ۱۱ نفر يارالانيب. اونلارين حياتلارينا تهلوکه اولماديغي بيلديريلير.
دقيقلشديريلميش معلوماتا گؤره،  يئرلي واختلا ساعات ۱۸:۱۰ حدودندا قئيده آلينيب. شهره ۲ راکئت راکئت آتيليب، اونلاردان بيري شهرين مرکزينده‌کيمسجيده دوشوب.
عئيني زاماندا تورکييه و گونئي آذربايجانين اورتاق سورونو اولان کورد کؤچريلري وکورد تئررور قروپلاشمالارؤزونو همن گونئي آذربايجان اراضيسينده گؤستريب .گونئي آذربايجان و تورکيه سرحدينده يئرلشمغه چاليشان و بو توپراقلارا ايديعا ائدن کوردلر، گونئي آذربايجانين ان اؤنملي تورک قالاسي اولان اورمييه شهرينده فيتنه ياراتماغا جهد ائديرلر.تئروريست کوردلر فورصتچيلري باشاريلي آفرين عملياتيني بهانه ائده‌رک اورميه‌ده تورکيه کونسوللوغونون بيناسي قارشيسيندا آنتي تورک کئچيرمگي پلانلاشديريب.

کؤچري عراق کوردلري”اورميه‌نين ايجتيماعي-مدني فعاللاري” آدلانديران راديکال قروپون نوماينده‌لري، غربي آذربايجان واليليگينده فارس موللا رئژيمينين سياسي و تهلوکه‌سيزليک بؤلومونه موراجيعت ائده‌رک آذربايجان شهرينده تورکيه علئيه ينه اعتيراض ائيله‌مي ايسته‌ييبلر.
ايران رئژيمي بونا سياسي و امنييتي زمين و يارديم ياتاقليغي ائده‌رک اورمييه‌ده و آذربايجانين ديگر باتي شهرلرينده تورکييه عليهينه ائيلم کئچيرمک اوچون يئشيل ايشيقلار وئريب.بونون ديگر سياسي هدفي ايسه اورميه‌ني کورد شهري کيمي گؤسترمه‌يه چاليشيرلار و بوندان هم فارس لار هم کوردلر بيرگه منفعت آپاريلار.
ايران آدلانان اؤلکه‌ده گؤرونوشده آنتي تورکيه و آنتي آذربايجان ائيلملريني ائرمني و کوردلره هرزامان ائتسه‌لرده بونون آرخاسيندا فارس رئژيمينين بير باشا تدبيري ،پيلاني ،هيمايه‌سي اولوبدور.

خاطيرلاداق بير نئچه گون اؤنجه ايران رئژيمي کؤچري کوردلرين الي ايله  ,چوخ آچيق تورک جومهور باشقاني  اردوغانا و تورکيه دؤولتينه سالديردي .
ايران رئژيمينين آذربايجان شهررينه نيماينده کيمي وئرديگي کورد, محمد قسيم عوثماني ايران پارلامئنتده  ,هئچ اعتيراض اولمادان ,چوخ آچيق تورک دؤولتچيلي و تورک اوردوسو و و تورکييه‌نين جومهور باشقانينين عليه ينه آغير ايتتيهاملار سسلنديرميشدي.

فارس رئژيمين الي ايله عراقدان آزربايجانين گونئي-باتيسينا (ازربايجان تورکييه سرحدين)کؤچورولن و فارسلاردان وطنداشليقدان علاوه سياسي ستاتوس(مشروعيت) قازانان و هرزامان ايران دؤولتينين حمايه‌سين آلان کوردلر، ايران پارلمئنتيندئ بير بيانات وئره‌رک تورکيه جومهوريتيني فاشيست،جومهور باشقاني اردوغاني قان ايچن ديکتاتور و تورک اوردوسونو ايشغالچي آدلانديريبلار.
مهاجر کرد فرصت طلب لری ,کورد تئررورچو لاريني “معصوم” کوردلر کيمي قلمه وئره‌رک، ب.م.ت دن ( بيرلشميش ميلتلر تشکيلاتي- سازمان ملل دن ) بونا قارشي تدبير آلماسيني ايسته‌ييبلر. آنجاق تورکيه سيلاحلي قوووه‌لري طرفيندن حياتا کئچيريلن “زئيتون بوداغي” عملياتي تورک اؤلکه‌لرينين ايجتيماعيتيند، ائلجه ده بؤلگه‌ده صولح و ثابيتليک طرفداري اولان خاريجي قوووه‌لر طرفيندن جيدي شکيلده دستکلنمکده‌دير.

 

 

 

 

Comments,Baxışınız
oguz gif telegram