/  
بیریمجی صحیفه » خبرلر » اورمولو گئنج سوئییس ده دوزنلنن اينوواسيون ياريشماسيندا بيرينجي سئچيلدي (دانيشيق

اورمولو گئنج سوئییس ده دوزنلنن اينوواسيون ياريشماسيندا بيرينجي سئچيلدي (دانيشيق

اوغوز تي وي: گونئي آذربايجانين اورمو شهريندن اولان مهدي بشيري ایسوچره ده(سوئیس) دوزنلنن دونيا اينوواسيون ياريشيماسيندا ديشچيليک اوزره گليشتيرديگي ايجاتلارلا بيرينجي و ان ياخشي تحقيقاتچي موکافاتي قازانيب.

ايننوواسييا دونياسيندا آپارديغي مختلف ايشلري ده اولان و استانبول آيدين دانشگاهيندان مأذون اولوب و حالي حاضيردامجاريستانداياشييان بشيري اوغوز تي وي موخبيري ايله دانيشيقيندا حيس لريني بو شکيلده ايفاده ائديب: “بو موکافاتي ايننوواسييا دونياسيندا 2 ايلدير کي، مشغول اولدوغوم ايشلر نتيجه‌سينده آلديم. بورادان باشقا، مختلف مسابقه و کنگره لره قاتيليب، اورالاردان دا موکافاتلار آلميشام. بير سونراکي هدفيم نوبل اؤدولونو آلماقدير”.

ديش ساحه سينده‌کيايلک بولوشونو بو مسئله ده تحصيل آلمادان اول ائتديگيني بيلديرن مهدي بشيري، “کشفيمله باغلي مصلحت ائتديگيم بير متخصيصين منه دئديکلري حياتيمي دييشديردي. منه اطرافيمدا گؤردويوم هر شئيين بير فيکير اولدوغونو گؤستردي. احتياج کشفين آناسيدير. من ده ديش فيرچاسيني دييشمک ايسته‌ديم و بو اختراعي ائتديم. داها سونرا ديش حکيمليگي بؤلومونو اوخوماق ايسته‌ديم. يولوما چيخان مانع‌لر، مني هئچ بير زامان قورخوتمادي. بوتون چتينليکلره راغمن يولوما داوام ائتديم و بوندان سونرا دا ائده‌جگم.

اينانيرام کي، بير گون دونياني سارسيداجاق بير ايجاديم اولاجاق. 18 پروژه صاحيبي يم و بو پروژه‌لر يالنيز ديش حکيمليگي ساحه سينه محدود دئييل. طب، خوصوصي تحصيل و طبي لوازيماتلار ساحه سينده ده ايشلريم وار” دئيه‌رک سؤزلريني سون قويدو.

Comments,Baxışınız
oguz gif telegram
Play All Replay Playlist Replay Track Shuffle Playlist Hide picture