/  
بیریمجی صحیفه » خبرلر » ايران رئژيمي کؤچري کوردلرين الي ايله اردوغانا و تورکييه دؤولتينه سالديردي،آذربايجان ايسه تورکييه‌يه تام دستک وئردي

ايران رئژيمي کؤچري کوردلرين الي ايله اردوغانا و تورکييه دؤولتينه سالديردي،آذربايجان ايسه تورکييه‌يه تام دستک وئردي

اوغوز تی‌وی :سون گونلر سورييانين شيمال- غرب ينده تورک اوردوسونون کئچيرديگي نظامی  آنتي تئررور عمليياتلاري ،ايران رئژيميني غضبلنديريب. بونلا علاقه دار رئژيم ماشا ائتديگي کؤچري کوردلرين بيراباشا ايمضاسيلا، ب.م.ت( بيرلشميش ميلتلر تشکيلاتي- سازمان ملل ) باشقانينا آچيق  آنتي تورکييه بيانات وئريبلر.


ايران آدلانان اؤلکه‌نين پارلمئنتينده ,فارس رئژيمين الي ايله سياسي  مشروعیت قازانان کؤچري کوردلر، وئرديکلري بياناتدا,تورکيه جومهوريتيني فاشيست , جومهور باشقاني اردوغاني ،قان ايچن ديکتاتور و تورک اوردوسونو ايشغالچي و تاجيزجي آدلانديريبلار.اونلار کورد تئررورچولاريني “معصوم” کوردلر کيمي قلمه وئره‌رک، ب.م.ت دن بونا قارشي تدبير آلماسيني ايسته‌ييبلر. آنجاق تورکييه سيلاهلي قوووه‌لري طرفيندن حياتا کئچيريلن “زئيتون بوداغي” عملياتي تورک اؤلکه‌لرينين ايجتيماعيتي، ائلجه ده بؤلگه‌ده صولح و ثابيتليک طرفداري اولان خاريجي قوووه‌لر طرفيندن جيدي شکيلده دستکلنمکده‌دير.

 آذرتاج خبر آژانسی نین  وئرديگي معلوماتا گؤره ،قوزئي آذربايجاندا بو عملياتا رسمي شکيلده گؤستريلن دستک و ايجتيماعيتين ريي ده تورکييه‌ده بؤيوک رغبتله قارشيلانيب.  تورک  آپاريجي تلويزيون کاناللاري آذربايجان خاريجي ايشلر نازيرليگينين “زئيتون بوداغي” عملياتي باره‌ده آچيقلاماسينا داير اينفورماسيياني گئنيش شکيلده ياييب. يئرلي مئديا آذربايجانين بو دستگيني قارداشليق موناسيبتينين تظاهورو کيمي تقديم ائديب.
رسمي معلوماتا گؤر، “زئيتون بوداغي” عملياتي سورييانين شيمال‌قربينده يئرلشن آفرين بؤلگه‌سينده پکک/کجک/پيد-يپگ و ايشيد قروپلاشمالاريني ضررسيزلشديرمک مقصدي ايله حياتا کئچيريلير. بو بؤلگه‌ده‌کي تئررورچو قروپلاشمالار تکجه تورکييه اوچون يوخ، سورييانين يئرلي اهاليسي، ائلجه ده منطقه نين ديگر اؤلکه‌لري اوچون ده جيدي تهلوکه منبعييدير. چوخسايلي فاکتلار اساسيندا دئيه بيلريک کي، خوصوصيله پيد-يپگ و ايشيد تئررور قروپلاشمالاري قادينلاري و آزياشليلاري موختليف واسيطه‌لرله‌، او جومله‌دن زور گوجونه اؤز سيرالارينا قاتماقدا داوام ائدير. بيلديريلير کي، ايشيد قوووه‌لرينين حاضيردا ان سيخ يئرلشديگي منطقه افرين بؤلگه‌سيدير.

تورکييه ،قوزئي و گونئي آذربايجان ايجتيماعيتلرينده بؤيوک روح يوکسکليگي وار. تورک ميلتي سوسيال مئدييادان تورک اوردوسونا تام دستک وئره‌رک بو آنتي تئررور عمليياتي تقدير ائديبلر.گونئي آذربايجان تورکلري ايران رئژيمينين کورد اويونجاقلارينا قارشي سوسيال مئدييادا گئنيش تبکيلر گؤستريب و کؤچري کورد تئررورونو تورکييه‌-گونئي آذربايجانين اورتاق سورونو آدلانديبلار .گونئيليلر تورک اوردوسونون عمليياتدا باشاريلارينين خبرلريني،تورک عسگرلرين وجومهور باشقاني اردوغانينين شکيلريني گئنيش ياياراق آنتي تئررور عمليياتي قوتلاتيب, ايران اويونجاقلاري اولان کؤچري کوردلري قيناييبلار.
تورکييه تورکلري, قوشونلارين حرکت ائتديگي بؤلگه‌لرده کوچه‌لره چيخاراق حربيچيلري آلقيشلارلا يولا ساليب. بونون باشليجا سببي تورکييه‌نين تخمينن ياريم عصره ياخين بير زامان کسيگينده تئرروردان بؤيوک ازيت چکمه‌سيدير. عوموميتله، تورکييه تئررور سببيندن ان چوخ اينسان ايتکيسينه معروض قالان و ماددي ضرر چکن اؤلکه‌دير.

Comments,Baxışınız
oguz gif telegram
Play All Replay Playlist Replay Track Shuffle Playlist Hide picture