/  
بیریمجی صحیفه » خبرلر » ايران رئژیمينين داها بير محکمه اويونو تاخيره ساليندی

ايران رئژیمينين داها بير محکمه اويونو تاخيره ساليندی

 اوغوز تی وی:خبر وئرديگيميز کيمي ايسفند آيينين ۲۰-سینده (۱۰ مارت) تهران ايالتينه باغلي باهاريستان شهرينين اينقيلاب محکمه‌سينده ۸ سويداشيميزين محکمه‌سي کئچيريله‌جکدي. 
اليميزه گلن بيلگيلره گؤره، بو محکمه تاخيره سالينيب. سؤزو گئدن ۸ ميللي فعالدان ۷-سی، بهنام شئيخي،عزيز فرشي،رستم کاظم پور،اکبر آزاد، علیرضا فرشي، حمید منافی نظرلو ومنصور فتحي تبريز واختي ايله سحر ساعات۰۸:۰۰-ده باهاريستانين اينقيلاب محکمه‌سينه گئديبلر. محکمه‌يه چاغريلانلار آراسيندا محمود اوجاقلو آدلي سويداشيميزين اولماماسي، محکمه‌نين بوگونکو ايجلاسينين تاخيره سالينماسينا سبب اولوب. محکمه‌نين نه زامان باش توتاجاغي ايسه بللي دئييل. 

ديقتينيزه چاتديراق کي، بو ۸ ميللي فعال ۱۳۹۲-جي ايلين ۲ ايسفندينده (۲۰۱۴ ۲۱ فئورال) نسيم شهرده کئچیريلن آنا ديلي گونو مراسيملرينه قاتيلديقلاري اوچون بوگون محکمه‌لره چکيليرلر. 

گونئي آذربايجان تورکلرينين باغيمسيزليق ایستگیندن قورخويا دوشن ايران رئژیمي،هر فورصتده ميللي فعاللاريميزي جزالانديرماق، اونلاري محکمه‌لره چکمکله ميلتيميزه گؤز داغي وئرمه‌يه چاليشير. 

Comments,Baxışınız
oguz gif telegram
Play All Replay Playlist Replay Track Shuffle Playlist Hide picture