/  
بیریمجی صحیفه » خبرلر » ایران فارس رژیمی چالدیران‌داکی کیلسه‌سینی ارمنی لر اوچون تعمیر ائتدیردی
آزربایجان تورکونون اوجا سئسی ? ? اوغوزتی‌وی OğuzTV ? @oguztv ???مراسم قره کلیسا ظاهری دینی دارد اما در پشت پرده اهداف شوم دیگری دارند - علی احمد زاده
مراسم قره کلیسا ظاهری دینی دارد اما در پشت پرده اهداف شوم دیگری دارند - علی احمد زاده آزربایجان تورکونون اوجا سئسی ? ? اوغوزتی‌وی OğuzTV ? @oguztv ???

ایران فارس رژیمی چالدیران‌داکی کیلسه‌سینی ارمنی لر اوچون تعمیر ائتدیردی

اوغوز تی‌وی : ‌گونئی اذربایجانین باتی آذربایجان ایالتینین چالدیران شهرینده یئرلشن قاراکیلسه معبدینه توپلاشان مینلرله ارمنینین دینی مراسمی باشا چاتیب.

 چالدیران شهر اجرا حاکمیتی باشچیسی کریم حسین‌زاده اعتيراف ائديب کي,«اؤتن گونلرده ۴ مین نفر یئرلی و خاریجی ارمنی قاراکیلسه کیلسه‌سینده کئچیریلن مراسیمه قاتیلیب. اجرا اورگانلاری مراسیمه ۲۰ گون قالمیش بؤلگه‌یه گلیب، مراسیم ایشتیراکچیلارینین رفاهی اوچون لازیمی تدبیرلری گؤروبلر. حتی قاراکیلسه‌ده ۵ میندن چوخ ارمنی زیارتچی اوچون حاضرلیق ایشلری گؤرولموشدو.

چوخلو سایدا رسمی شخص ارمنیلرین دینی مراسیمینده ایشتیراک ائتدی. بو گؤستردی کی، حکومت بو مراسیمه خصوصی دقت یئتیریر. مراسیم زامانی زووارلارین تهلوکسیزلیگی تام اولاراق تعمین اولون‌دو، اونلار حتی سرعتلی اینترنتله ده تعمین اولوندولار. بوتون بونلار ایسلام جمهوریتینین هر شئیه آچیق اولدوغونو گؤستریر»، – حسین‌زاده بیلدیریب.

او، همچینین فارس ایشغال چی‌ رژیمی‌ طرفیندن ارمنی لر اوچون قاراکیلسه‌نین تعمیر‌برپا ایشلری اوچون ۱ میلیارد ۵۰۰ میلیون ریال مبلغینده وسایت آیریلدیغینی سؤیله‌ییب.

قید ائدک کی، بوندان اؤنجه ایران ایشغالچی‌ رژیمی‌ ارمنیلرین قاراکیلسه‌ده دینی مراسیم کئچیرمه‌سینه ایزن وئرمه‌ سي ايله ياناشي, ارمنی لره هر تور سياسي و ايقتيصادي دستک‌ده وئريب .حتّي چوخ آيدين مسله‌دير کي فارس رئژيمي ايللرديرائرمنيلري و کوردلري آذربايجان تورک ميلتينه قارشي ،گونئي آذربايجان ميللي حرکاتينا قارشي ،قوزئي آذربايجان دؤولتينه قارشي ماشا و سياسي کارت کيمي ايستيفاده ائدير . کیلسه‌ده‌کی دینی مراسیم ۲۷-۳۱ ایول تاریخلرینده باش توتوب

Comments,Baxışınız
oguz gif telegram