/  
بیریمجی صحیفه » خبرلر » بذ قالاسیندا توپلو توتوقلانانلارین و یارالیلارین سون دورومو

بذ قالاسیندا توپلو توتوقلانانلارین و یارالیلارین سون دورومو

اوغوزتی‌وی:گونش تاريخيله جمعه ۹ تیر ۱۳۹۶ يعني اييونون ۳۰-دا گونئي آزربايجانلي ميللي فعاللار آتا بابک خوررمدينين آد گونونو قئيد ائتمک اوچون بابک بذ قالاسينا توپلاشميشلار.


آنجاق قاييديش يولوندا اونلارجا ميللي فعال ايران قولدور اينتيظام قووه‌لري طرفيندن وحشيجه دؤيوله‌رک توتوقلانميشدير.اوغوزتی‌وی موخبيري کليبردن خبر وئرير کي گونئيلي ايکي ميللي فعال اکبر جهانگيري و رحیم نووروزي ايسه ايران رئژيمي مأمورلاري طرفيندم آغير دؤيوله‌رک هوشلريني ايتيريبلر.ايکي ميللي فعال اوز گؤز قان ايچينده اطلاعات طرفيندن( اطلاعات ايران تهلوکه سيزليک و کشفيات نازيرليگي) توتوقلاناراق نا معلوم ايستيقامته گؤتورولوب.اوغوزتی‌وی موخبيرينين وئرديگي معلوماتدا اکبر جهانگيرينين باشي ياريلاراق چوخ قان ايتيريب.
حامد رواجی-سجاد صدقی-رحیم نوروزی- مرتضی پروین-اکبر جهانگیری-سیدآراز قاراداغی-محمد مردی-میلاد اکبری-رحیم زارعی-حسن قاراداغی-رضا آقایی- مهدی اکبری توتوقلانان ميللي فعاللارين آراسيندادير .اوغوز تی‌وی خبر اوتاغينا داخيل اولان معلوماتا گؤره اکبر جهانگيري و مرتضی پروین تبريزده يئرلشن ايران اطلاعات مرکزينه آپاريليب ورحیم نوروزی حامد رواجی میلاد اکبری و رحیم زارع ایسه ۱۵ میلیون تومن وثیقه قارشیسیندا اهر زیندانینا کوچورولوپ . بير چوخ فعاليميزدا توحید امير اميني کيمي يوخا چيخيب و اونلاردان هئچ بير خبر آلينمير.
قئيد ائدک کي، آزربايجانين تاريخي و ميللي قهرماني بابک خوررمدينين يا بابک شامانيستين آد گونو موناسيبتيله هر ايل اييون ایینین ۲۹-۳۰ دا بابک قالاسينا عنعنه وي يوروش کئچيريلير. آنجاق فارس رئژيمينين آغير باسقيلاري و بذ قالاسينين يوللاريني باغلاماسي سسببي ايله يوروشلر سون ايللرده اول کی‌ ايللر سوييه سینده دئييلدير .۲۰۰۳جو ايلده گونئيلي- قوزئيلي ميليونلارجا آذربايجانلينين بابک بز قالاسيندا توپلاشاراق بؤيوک ميللي قورولتاي کئچيرميشلردي .او تاريخدن سونرا وحشته دوشئن فارس ملّا رژيمي , هرايل اييون آیینین ۲۹-۳۰ دا کليبر شهرينه گيريش و چيخيش يوللاريني باغلايير و قالايا چيخيشی قدغن ادیر.
بابکین دوغوم گونونه هفته‌لر قالا, ایران رژیمی‌ تانيميش گونیلی ميللي فعاللاري تهديد ائدير وميللي فعاللارين ۲۹-۳۰ اييوندا هئچ بير فعالييتلري اولماماسي اوچون اونلارا و عاييله لرينه هده‌لر ياغديرير.

فارس ایشغال چی‌ رژیمی‌,بیر طور قالایا چیخان ميللي فعالاري دا مراسيم سونراسي توتوقلايير و اونلارا ايشگنجه و آغير زيندان حؤکملري وئرير.
اوغوزتی‌وی

This slideshow requires JavaScript.

 

 

Comments,Baxışınız
oguz gif telegram