اغوز تی‌وی آزربایجان میلی تی‌وی شبکه سی 
اوغوزتی‌وی :بو گون ۱۵ دی ۱۳۹۶ جی گونش اییلی(۵ يانوار ۲۰۱۸ جي ايل) تبريزين قوردلار دره‌سي- سهند استاديوموندا “تراختور” و ايرانين “ايستيقلال‌تئهران” يغمالاري آراسيندا کئچيريلن ياريشدا آذربايجانليلار ميللي شوعارلار سسلنديريب.
آذربايجان تورکلري بو بوغوناق شراييطده بئله”تراختور” تريبونويندان يارارلاناراق اوجا سسي و راديکال شوعارلار ايله اؤز ميللي ايستکلرين اورتايا قويوب.آذربايجانليلار”تبريز، باکي، آنکارا – بيز هارا فارسلار هارا!” ،”آذربايجان بير اولسون – مرکزي تبريز اولسون” ،”بيز اؤلمه‌يه حاضيريق، بابکين سربازيييق” ، “آذربايجان ميلتي چکنمز بو ذلّتي” ،”عرب کؤرفزي” ،و …کيمي شوعارلار سسلنديريب و “عرب کؤرفزي” ،”اؤلوم اولسون فارس شؤوينيزمينه “”ايرقيچيليغي همن دوردورون” ،کيمي پلاکاردلار آچيبلار.
بوتون تزييقلره باخماياراق گونئي آذربايجانين موختليف شهرلريندن تبريزين قوردلار دره‌سينه آخان و ايران رئژيمينين چوخ آغير يول کونترولوندان مينبير بلا کئچن ۶۰ مين آذربايجان تورکو ياريشدا ايشتيراک ائديب.اوغوزتی‌ویيه داخيل اولان بيلگيده ،فارس رئژيمينين تهلوکه‌سيزليک قوووه‌لري يوللارين اوزو باشکند تبريزه اولان و بوتون آذربايجانين باتي -دوغو عيالتلرينين شهرلرين آنا جادده‌لرينده (ماکي،تيکانتپه،بيکندي، سولدوز، مليککندي، اردبيل، ايليخچي،اهر ،مرند، کيمي شهرلرين تبریزه چیخیش جادده‌لرينده) دوردرمالار وار .ايران پوليسي تبريزه گلن آنا جادده‌لرين هاميسينين اؤنون کسميش و گلن ماشينلاري و اؤزه‌ليکله‌ده آوتوبوسلاري يوخلاما بهانه‌سي ايله ساخلاييب مينلرله سويداشيميزين تبريزه وارماسينا مانع اولوب.
