/  
بیریمجی صحیفه » خبرلر » تراختور”انؤنملي و حساس گؤروشلريندن بيرينه حاضيرلاشير
تراختور"انؤنملي و حساس گؤروشلريندن بيرينه حاضيرلاشير

تراختور”انؤنملي و حساس گؤروشلريندن بيرينه حاضيرلاشير

اوغوزتی‌وی : صاباح دی‌ آیینین ۱۵ ده ( يانوار آيينين ۵ ده) ، تبريز واختيلا ساعات ۱۴:۳۰-دا (باکي ۱۵:۰۰-آنکارا ۱۴:۰۰)گونئي آذربايجانين “تراختور‌تبريز”فوتبال ييغماسي, ايرانين “ايستيقلال‌-تهران” ييغماسيني اؤز ميداني “قوردلار دره‌سي ,سهند “استادیوموندا قارشيلاياجاق.

۲۰۱۷ جي ايلين دئکابرين ۲۹ دا  “تراختور” –  “پئرسپوليس”ايله گؤروشده فارسلار طرفيندن آذربايجان تورکلرينه قارشي سيستئماتيک بير شکيلده سؤيوشلر و  تحقيراميز  شوعارلار سسلنديرديکدن سونرا, تراختور طرفدارلاري و آذربايجان ميللي فعالاري, تراختورون صاباح کي اويونونا دستک اوچون آذربايجان تورک ميلتيني موراجيعتلر ائده‌رک , قوردلار دره‌سي ,سهند استادیومون دولماسيني طلب ائديبلر.
سون ايللرده ايران آدلانان اؤلکه‌نين بوغوناق وضعييتينده گونئي آذربايجان ميللي آزادليق حرکاتينين تريبونونا چئوريلن تراختور اويونلاريندا عنعنه وي اولاراق ميللي فعاللار طرفيندن ديقتيله سئچديگي ميللي شوعارلار سسله‌نير.صاباح کي اويونادا, اويون بويو سئچيلن،

“سدلري سينديراق–اورمو گؤلون دولدوراق”
“هاراي هاراي– من تورکم”
“اورمو خزر بيزيمدير –  خليج عربلريندير”
“آذربايجان تالاندي– ائي تورک اويان آماندي”
“بيز قهرامان تورکلريک –  فارسلارا باش اَيمريک”
“آذربايجان ادب ديياريدي  –  تراختور  ايفتيخاريدير”
“آذربايجان يوردوموز–  تراختور بوزقوردوموز”
“غئيرت شرف بيزيمدير –  سؤيوش دئمک سيزيندير” 
“اورمو گؤلو جان وئرير– ايران اونون قطعلينه فرمان وئرير”
“بيز ساواشيب اؤلريک – ايرانچيليغا قوللوق ائتمريک”،
“تبريز باکي آنکارا –بيز هارا فارسلار هارا”
“آذربايجان بيزيمدير – کوير لوت سيزيندير”
“آذربايجان وار اولسون – ايستميين کور اولسون”
ميللي شوعارلار سسلنديريله‌جک.خاطيرلاداق کئچن جومه دئکابرين ۲۹ دا  “پئرسپوليس”- “تراختور” فوتبال ياريشيندا ۶۰ ميندن آشقين فارس رئژيمين اينتيظام قوووه‌لري طرفيندن هئچ بير چتينليکله اوزلشمه‌دن , بير باشا آذربايجان تورکلرينه سؤيوشلر سسلنديرمه‌لري و  ايران دؤولت تئلوزييون کانالينين بو نلاري سانسور ائتمه‌دن داها سسلي ائفره وئرمه‌سي آذربايجاندا تورک ميلتيني غضبلنديريب.

“Traxtur”ən önəmli və həsas görüşlərindən birinə hazırlaşır
Comments,Baxışınız
oguz gif telegram