/  
بیریمجی صحیفه » خبرلر » تورک اوردوسونا قارشي ،بارزانينين تئروريستلري و ايرانين حشد شعبیسي عفرینه بيرگه يئني اوردو يئريديلر
تورک اوردوسونا قارشي ،بارزانينين تئروريستلري و ايرانين هاشدي شابيسي آفرينه بيرگه يئني اوردو يئريديلر

تورک اوردوسونا قارشي ،بارزانينين تئروريستلري و ايرانين حشد شعبیسي عفرینه بيرگه يئني اوردو يئريديلر

اوغوزتی‌وی:پ.ک.ک موسولون سينجار ماحالينداکي ياراقليلاري زورلا آفرينه گؤندرير.بو سؤزلري تئروريست باشي مسعود بارزانينين رهبرليک ائتديگي دئموکراتيک پارتيياسينين سينجار اوزره رسميسي قدير قاچاق “تورکيه آنادولو” آژانسی نا آچيقلاماسيندا دئييب.


“سينجاردا حشد شعبی قروپلاشماسي ايله پکک آراسيندا همريليک وار. حشد شعبی ياراقليلارين توپلو حاليندا آفرينه گؤندريلمه‌سي مسلسينده پکک-يا کؤمک ائدير. بو قروپلاشمانين اساس مقصدي ايسه سينجاردا واحيد گوجه چئوريلمکدير” ،- قدير قاچاق بيلديريب. رويتئرز خبرآژانسیينين وئرديگي معلوماتدا،سورييه کورد تئررور قروپلاري اولان “پ.ی.د PYD”و “ي.پ.ق “YPG ده اسد دؤولتي ايله آنلاشاراقدوغو طرفدن بيرگه اوردو يارديب تورکييه اوستونه يئرييه‌جکلر .
خاطيرلاداق حشد شعبی و بارزاني ايران رئژيمينين ماددي و سياسي حمايه‌سينيده‌دير.حشد شعبی ايران رئژيمينين بير باشا ياراديغي بير قروپدور.باخميياراق ايران رئژيمي کوردلرين عراقدا سؤزده رئفراندومونا اوزده قارشي چيخسا دا آنجاق ايللردير بارزاني و چته‌سيني اؤنده و آرخادا تغذیه ادن اساس دؤولتلردن اولوب.
پکک تئرور قروپو ايسه,ايران رئژيميله تورکیه علیه نه همکاری و ايش بيرليگيينده اولوب. ايللردير ايرانين پکک تئروريستلره سياسي و اطلاعاتی‌ کمکلئر ائتديي، وورقاچ يوللاري و مرزلری آچديغي، طبی ونظامی يارديملاري تامین ائتديگيني ميت طرفيندن و تورکيه دؤولتي طرفيندن دفعه لرجه آچيقلانيب.

 

تورکییه‌نین آوروپا بیرلیگی ایشلری اوزره ناظری عمر چئلیک دئییب کی: «هئچ کیم دوشونمه‌سین کی، ترورچولارا دستک وئره‌رک، تورکییه‌دن بیر داش آلاجا بیله‌جک، تورکییه‌نین گئری چکیلمه‌سینه سبب اولاجاق. اما دستک وئره‌نلر وار. اونلارا دئمک ایستییرم کی، هامیسی بیرلشیب اوستوموزه گلسینلر، جاوابلارینی وئره جه ییک»، – چئلیک بیلدیریب.

تورکییه باش قرارگاه رهبری هولوسی آکار سورییا سرحدینده یئرلشه‌ن هاتای و کیلیس ویلایتلرینه گلیب.آکار «زیتون بوداغی» عملیاتی ایله باغلی حربی هاوا قوه‌لری و قورو قوشونلاری کوماندانلارین‌دان معلومات آلیب. «موباریزه‌میز داوام ائدیر. عفرینده‌کی ترورچولارین سونو فاجعه ایله بیته‌جک»، – آکار بیلدیریب.

تورکيه اوردوسونا ايستينادن بيلديريلير کي، “زئيتون بوداغي” عملياتينين باشلانغيجيندان بو گونه کيمي آفرينده ۱۶۱۴ تئررورچو ضررسيزلشديريليب.قئيد ائديلير کي، حربي عملياتلار زاماني ۳۱ تورک عسگري شهيد اولوب، ۱۷۰ حربچي يارالانيب. تورکيه اوردوسونون آفرينده تئررورچولاردان آزاد ائتديگي ياشاييش منطقه لرينين سايي ۶۵-ه چاتيب.خاتيرلاداق کي، “زئيتون بوداغي” عملياتي بو ايل يانوارين ۲۰-ده باشلاييب.

Comments,Baxışınız
oguz gif telegram
Play All Replay Playlist Replay Track Shuffle Playlist Hide picture