/  
بیریمجی صحیفه » خبرلر » حبسده اولان میللی فعالین عائیله‌سی سورغو-سوالا چکیلدی

حبسده اولان میللی فعالین عائیله‌سی سورغو-سوالا چکیلدی

اوغوزتی وی: بوگون، 4 ایسفند تبریز ساعتی 09:00-دا عباس لیسانی‌نین خانیمی روقیه لیسانی و ایکی اوغلو علی و مهدی ایله بیرلیکده اردبیلین اینقیلاب محکمه‌سی‌نین ایکینجی شؤبه‌سینه چاغریلیب.
عائیله قاضی طاهری طرفین‌دن سورغو-سوالا چکیلیب. قاضی اؤنجه روقیه لیسانینی سورغو-سوال ائدیب. روقیه خانیم وئریلن سول‌لارین هئچ بیرینه جاواب وئرمه‌ییب. بون‌دان سونرا اونون اوغلان‌لارینی سورغو-سوالا توتوب‌لار. اوشاق‌لارا “ائوینیزه کیم‌لر گلیر؟”، “ندن اونلارلا دانیشیرسیز؟” و س. کیمی سوال‌لار وئریب‌لر. اوشاق‌لاردان علی ائوه گلن قوناق‌لارین آتا‌لارینین فیکیرداش‌لاری اولدوق‌لارینی و بو قوناق‌لارا سایغی گؤسترمک اونلارین بورجو اولدوغونو بیلدیریب.
داها سونرا مهدی‌دن سوروشوب‌لار کی، “سیزین آیدا نورمال گلیرینیز اولسا سیز میللی ایشلردن ال چکرسیز؟” مهدی ایسه جاوابیندا بیز آتامیزین یولون‌دان دؤنمریک دئییب. علاوه ائدیب کی، بو ودلرینیزله بیزی آلدادا بیلمزسیز.
سورغو-سوال و محکمه‌لردن بئزن اوشاق‌لار مامورلارا دئییب‌لر کی، بیزی هر گون بئله راحت‌سیز ائتمک‌دنسه، بیزه ده آتامیز کیمی حبس وئرین، گئدک زیندانا. بئزمیشیک ائشیکده زیندانداکی کیمی یاشاماق‌دان.
خاطیرلاداق کی، ایران رئژیمی اؤزو حبسده اولان عباس لیسانی‌نین عائله‌سینه راحت‌لیق وئرمیر.

This slideshow requires JavaScript.

 

Comments,Baxışınız
oguz gif telegram
Play All Replay Playlist Replay Track Shuffle Playlist Hide picture