/  
بیریمجی صحیفه » خبرلر » خوجالی سوی قیریمی.فوتو شکیل
خوجالی سویقیریمی ارمنیستان الیله توردیلمیشدیر روسیا و ایران بو جینایت لره بیر باشا کمک اتمیشلر

خوجالی سوی قیریمی.فوتو شکیل

اغوز تی‌وی:خوجالی سوی قیریمی هم آزربایجان همده ائرمنیستانین تاریخینده اونودولماز قانلی بیر فاجیعه دیر. بو گونده آلتی یوزدن چوخ سیویل آزربایجان تورکو ائرمنیستانین سیلاحی قوه لری طرفیندن و روسیانین حربی کمکی‌ و ایرانین اقتصادی دستکلرینه دایاناراق وحشیجه سینه قتله یئتیریلمیشدیر. قتله یئتیریلن اینسانلارین ایچینده اونلارلا اوشاق و قادین اولماقلا هامیسی سیویل اینسانلار ایدی.
آما نییه ائرمنی لر قاراباغ ایشغالیندا بئله دهشتلی جینایتلردن چکینمه ییب و بونونلادا فخر ائدیرلر؟ بو سؤالين جاوابینی بلکه ده ائرمنیستانا حاکیم اولان سیاسی آتموسفرده آختارماق لازیمدیر.
ایرانلی لار کیمین ائرمنی سیاستینه حاکیم پسیخولوژی و ائرمنی چیلییین تملی اؤز خالقینی سئومک اساسیندا یوخ تورک میلتینه نفرت، کین و دوشمنچیلیک اساسیندا قورولوشدور. و نه قدر کی تورک میلتینه نفرت چوخالیرسا ائرمنی جمعیتی او قدر بیر بیر لرینه اؤزلرینی یاخین گؤرورلر. باشقا سؤزله ائرمنی ناسیونالیزمی آدیندا بیر شئی رئالدا یوخدور. وار اولان شئیین آدی ایسه ائرمنی فاشیزمیدیر. ناسیونالیزم اؤزونه دؤنوک، اؤز میلتینی سئومک و ده یر وئرمک مفکوره سیدیر. آما فاشیزمین تملی باشقاسینا نفرت و اونو محو ائتمک دیر. ائرمنی فاشیزم ینده ایسه بو نفرت ائده جک میلت تورک میلتی دیر. فاشیزم هر زامان میلیتاریزمه اوز گتیرمک مجبوریتینده دیر. چونکی فاشیزمین جایناقلاری هر زامان دوشمن ساندیقلارینین قانی ایله بزنمه لیدیر.
خوجالی داکی سوی قیریم ایسه بو یوز ایله یاخین تورک دوشمنلییی نین بیریکیمینین پارتلاماسی و میلیتاریزمی توجیه ائده جک و مشروع قیلاجاق ائرمنی فاشیزمی ایدی. چونکی ائرمنی جماعتینی بیر یئرده توتان عامل بیر_ بیرلرینه اولان سئوگی یوخ باشقاسینا اولان کین و نفرت دیر.

 

خوجا‌لی فاجعه‌سینی سوی‌قیریم اولا‌راق تانییان اؤلکه‌لر

اؤلکه‌لرین یانی سیرا بعضی آمریکا ایالتلری ده خوجا‌لی فاجعه‌سینی سوی‌قیریم اولا‌راق تانیییر

مکزیک: ۲۰۱۲.جی ایل فوریه آیی‌نین ۲سینده مکزیک سناسی‌نین قبول ائتدیگی قراردا خوجا‌لی شهرینده ۱۹۹۲.جی ایل فوریه‌نین ۲۵-۲۶سیندا باش وئرمیش فاجعه سوی‌قیریم اولاراق تانیندی.

پاکیستان: ۲۰۱۲.جی ایلده پاکیستان سناسی‌نین خاریجی ایلیشکیلر کمیته‌سی خوجا‌لی شهرینده سیویل اها‌لییه قارشی تؤردیلمیش سوی‌قیریمی پیسله‌ین قطعنامه قبول ائتدی.

کلمبیا: ۲۰۱۲.جی ایل آوریلین ۲۴ده کلمبیا پارلمانی ۱۰۲ میلت وکیلی‌نین له‌ینه سس‌وئرمه‌سی نتیجه‌سینده خوجا‌لی سوی‌قیریمینی رسما تانیدی.

چک جمهوریتی: ۲۰۱۳.جو ایل فوریه‌نین ۱۹دا چک پارلمانی خوجا‌لی سوی‌قیریمینی رسما تانیدی.

بوسنی و هرزگووین: ۲۰۱۳.جو ایل فوریه‌نین ۲۶سیندا بوسنی و هرزگووین پارلمانی خوجا‌لی سوی‌قیریمینی رسما تانیدی.

پرو: ۲۰۱۳.جو ایلده پرو جمهوریتی‌نین پارلمانیندا خوجا‌لی سوی‌قیریمی رسما تانیندی.

هوندوراس: هوندوراس اولوسال کنگره‌سی ۲۰۱۴.جو ایل ۱۷ ژانویه تاریخینده آذربایجان تورپاق‌لاری‌نین ایشغا‌لی و خوجا‌لی سوی‌قیریمینی تانییان قرار قبول ائتدی.

سودان: ۲۰۱۴.جو ایلده سودان جمهوریتی‌نین پارلمانی ۱۹۹۲.جی ایلده آذربایجانین خوجا‌لی شهرینده باش وئرمیش قان‌لی حادثه‌لری سوی‌قیریم اولاراق قبول ائده‌رک تانیدی.

رومانی: ۲۰۱۳.جو ایلده رومانی پارلمانی خوجا‌لی سوی‌قیریمی ایله باغلی بیانات قبول ائتدی.

۵۷ اؤلکه‌نین عضو اولدوغو ایسلام امکداش‌لیق تشکیلاتی دا خوجا‌لی سوی‌قیریمینی تانیدی. بونونلا باغلی تشکیلاتین بیر نئچه قطعنامه‌سی وار.

خوجا‌لی سوی‌قیریمینی تانییان آمریکا ایالت‌لری:

۲۰۱۱.جی ایلده تگزاس، نیوجرسی، ۲۰۱۲.جی ایلده جورجیا، مین، ۲۰۱۳.جو ایلده نیو مکزیکو، آرکانزاس، میسی‌سیپی، اوکلاهوما، تنسی، پنسیلوانیا، وستویرجینیا، کنتیکت، فلوریدا، ۲۰۱۴.جو ایلده ایندیانا، ۲۰۱۵.جی ایلده آریزونا ایالتلری خوجا‌لی سوی‌قیریمینی رسما تانیدی‌لار.

 

This slideshow requires JavaScript.

Comments,Baxışınız
oguz gif telegram