/  
بیریمجی صحیفه » خبرلر » خورداد قیامینین شانلی خاطیره سی!

خورداد قیامینین شانلی خاطیره سی!

اغوز تی‌وی: گونئی آزربایجان  میللی آزادلیق حرکتینین دیره نیش مرحله سینین سیمبولو اولان خورداد قیامی، تاریخی، سوسیولوژی و سیاسی آچیدان گوزده ن کئچیردیکده، اوزونه خاص بیر یئری اولدوغو اورتایا چیخیر. بو تاریخی ضرورتدن دوغان حرکت توپلوموموزون بوتون صنیف و کئسیملرینی ایچینه آلدیغی و آزربایجان تورکونون سیاسی و مدنی حاقلارینی جانی باهاسینا قوروماسی  ،گونئی آزربایجان آچیسندان بیرایلک ایدی.

غئیرتلی و شرفلی آزربایجان تورک میللتی ۱خورداد دا  ، عملده گوستردی کی ، تاریخینی، دیلینی ، وارلیغینی هئچ بیر شئیدن قورخمادان قورویوب یاشاتمایا لایقدیر. نیه کی، قورخان اینسان دوز دوشونوب. میللت اولدوغونو ثابیت ائدیب، آزاد یاشایا بیله مز. خوردادقیامیندا میللتیمیز قورخو دئییله ن اسارت زنجیرنینی قیرماغی باجاردی. او تاریخی گونده ،بوتون آزربایجان تشکیلاتلاری ، میللی شخصییتلری ، میللتیمیز ایله ، چیین ـ چیینه وئریب بیرلیکده ایشغالچی ـ تئروریست تهران رئژیمینه بونو گوستره بیلدی کی ، گونئی آزربایجان داها آزاد و مستقیل یاشاماق ایسته یر، اسارتده یاشاماقدا یوخ! .
قهرمان آزربایجان تورک میللتی ،هارای ـ هارای من تورکم دئمه سیله بونو وورقولادی کی. ایلردیر ایشغالچی رئژیم و اونو یونه تن اولکه لرین ،اوز ایچینده اریتمه(آسیمیلاسیون) ، توهین و تحقیر سیاستی  تاثیرسیز اولوب. زیرا  میللتین ایسته یی ، ایستیقلال ، آزادلیق و باغلی سیزلیقدیر ، عین زاماندا بوگونه قده ر بو مقدس یولدا چکیله ن زحمتلرین ، توکولن قانلارین ، دوسداقلاردا ایشکنجه ائولرینده باش وئریب ، دوشمنه سیر وئرمه ین قیز و اوغوللاریمیزین چکدیکلری امکلری نین بوشا گئتمه دی یینین شاهیدی اولدوق. زیرا اونلار ایلک دفعه اولاراق ، ایران دئییله ن اولکه  اوچون یوخ ، تکجه آزربایجان آدلی وطنیمیز اوغروندا جانلارینی فدا ائتدیلر.
تاریخ یارادان ایگیت میللتیمیز!
دونیانین ان گئریجی ، ایرتیجاعی و فوندامنتالیست رئژیملریندن بیری  ساییلان بو رئژیم  و اونا دایاغ  اولان  چیخارجی دولت لر و سوزده ساغ وسول  ایچ اپوزیسیونو بیر گروب ـ ناموسونو، شرفینی پولا ، بیر نئچه گونلوک مقاما ، عنوانا ساتان قاتیل و جینایتکارلاردیرلار. و بو گون آرتیق نه آزربایجان تورکلری و نه باشقا غیر فارس میللت لر و حتی عقلی سلیم فارس میللتی (شوونیست لر خاریج) بونلارا اینانمیر. بیر تک سوزله دئسک بو رئزیمین ایشلتمه(مصرف) تاریخی سونا گئلمیشدیر.
بیز نه ائتمه لی ییک؟ !
بیزیم نهایی ایستک و یولوموز بللی دیر.داوامیز آزادلیق و ایستیقلالییتیمیزین داواسیدیر. بو هدفه چاتماق اوچون بیرلیکده حرکت ائتمه لی ییک ، دوشمن بیزی پارچالاماغا چالیشیر. بیز ایسه داها چوخ بیرلشمه لی ییک .میللی تشکیلاتلار آراسی امکداشلیق ، و ایش بیرلییی آرتمالیدیر و بوتون موباریزه شیوه لریندن یارارلانمالییق، اوزه للیک ایله مشروع مدافعه قوه نی یاراتماق  گونوموزون شرطیدیر.
یوردوموزون  دوشمنی ساییلان تهران رئژیمینین استراتژی و تاکتیک لرین نظره آلاراق ، اونلارا قارشی دوزگون و اویقون تاکتیک لر و موباریزه شیوه لری سئچمه لی ییک. اوز وارلیغینی ،حاکمیتینی تهلوکه ده گوره ن رئژیم تیکرار هر بیر جینایته ال آتا بیله ر( سوریه ده گوروروز). بیزبونا حاضیر اولمالی ییق. بو بیزیم میللتیمیز اوچون اولوم ـ قالیم ساواشیدیر. قورتولوش اسکی یونتملر ایله یونه تیله بیلمز ، حرکتین چیخیش و قورتولوش یولو هئچ شبهه سیز سون بیر فارس ایشغالچیسینی آزربایجانیمیزین تاریخی اراضیلریندن چیخارمایانا قده ر دوام ائده جکدیر،
او تاریخی گونون ۱۰ –جی ایلدونومونده بیزه وار اولمانی ، تورک اولمانی و دیره نمه نی جانلاری باهاسینا اوره تنلره قارشی وفا بورجوموزو آزدا اولسا اوده مک اوچون.
۱-هر ایل ۱خورداد دا شهید لریمیزین مقدس مزارلاری باشیندا حاضیر بولوناراق یولاری یولوموز دور دییه  آند ایچاق.
۲-شهیدعائله لرین زیارت ائدیب اونلاا بوتون آزربایجان تورک اولادلارینین معنوی عائله لری اولدوقلارینی آنلاتاق .
۳- دوسداقلاردا ایشکنجه ائولرینده باش وئریب ، دوشمنه سیر وئرمه ین قیز و اوغوللاریمیزین عائله لرینین گوروشونه  گئده لیم.
یاشاسین ۱ خورداد قیامینین شانلی خاطیره سی!
۲۹.۰۲.۱۳۹۵
Comments,Baxışınız
oguz gif telegram
Play All Replay Playlist Replay Track Shuffle Playlist Hide picture