/  
بیریمجی صحیفه » خبرلر » رژیمین میللی فعال “اووو” داوام ائدیر

رژیمین میللی فعال “اووو” داوام ائدیر

اوغوزتی وی: بوگوناهرلی میللی فعال مهران خان‌زاده اهرین اطلاعتینا آپاریلیب.

میللی فعالین یاخین‌لارینین وئردیگی بیلگییه گؤره، سبب‌سیز یئره اطلاعاتا آپاریلان میللی فعال‌دان هئچ بیر خبر یوخدو.

دوست‌لارینین و عائله‌سی‌نین بیلدیردیگینه گؤره، بوگون سحر چاغی اطلاعات ایداره‌سینه آپاریلان فعاللا باغ‌لی خبر آلماق مومکون دئییل. هارادا و هانسی شرایطده ساخلانیلماسین‌دان هئچ کیمین بیلگی‌سی یوخدو.

بو آرادا اهر شهرین‌دن اولان میللی فعال میلاد عظیمی محکمه‌یه چاغری‌لیدی. بو میللی فعال اؤز میللتی‌نین ایران رژیمی طرفین‌دن تاپدالانمیش حاق‌لاری اوغرونا موباریزه آپاردیغی اوچون رژیم طرفین‌دن ساختا اتهام‌لار ایره‌لی سوروله‌رک محکمه‌یه چکیلیب.

میلاد عظیمی قارشی “خامنه‌ای نی تحقیر ائتمک” و “دؤولته قارشی فعالیت گؤسترمک” اتهامی ایره‌لی سورولوب.

اهردن گلن بیلگییه گؤره، میللی فعالا گلن محکمه بلگه‌سینده، اونون ۲۱ فروردین ۱۳۹۵-جی ایلده، تبریز واختی ایله ساعت ۰۹:۰۰-دا اهرین اینقیلاب محکمه‌سینده اولماسی ایستنیلیب.

hokum milad

Comments,Baxışınız
oguz gif telegram
Play All Replay Playlist Replay Track Shuffle Playlist Hide picture