/  
بیریمجی صحیفه » خبرلر » سیامک میرزایی و گونئی آزربایجان میلی حرکاتینا باخیش اوز دیلیندن

سیامک میرزایی و گونئی آزربایجان میلی حرکاتینا باخیش اوز دیلیندن

خلیل ریضا اولو تورک دئییر:

سئوسن بیله جک سن ندیر بو جهان/
دولانماق، سورونمک، یاشاماق ندیر/
ان بؤیوک یاشاماق اصلینده باخسان/
آزادلیق اوغروندا موباریزه دیر.
عزیز دوسلار; من سؤزومو بیر سورو ایله باشلاماق ایسته ییرم. بیز ندن آزاد اولماق ایسته ییریک؟
بیزیم میللت یمیز ندن آزاد اولماق ایسته ییر؟
کئچمیشده استعمارین خاص بیر تعریی واریدیر. بیر باشقا اؤلکه گلیردی باشقا اؤلکه نی اشغال آلتینا آلیردی، اونو سوموروردو. بوتون یئر آلتی – یئر اوزلو ثروت لرین تالاییردی. بونا استعمار دئییردیلر. بو کلاسیک دونیانین تعریفی دیر. ایندی کی دونیادا یئنی تعریف لر، مفاهیم لر دوغولور. اولاردان بیری ده ایچ استعمار دیر. ایندی او بایاق دئدییمیز استعمار دیش استعمار تعریف له نیر. ایچ استعمار بیر اؤلکه نین ایچینده بیر گروپ توپلوم یا بیر میللت باشقا میللت لرین وارینی – یوخونو تاییرسا اوردا آنلام لانیر.
بو گون آذربایجان میللتی مرکزچی بیر سیستم ین الی ایله سومورولور. یئر آلتی – یئر اوستو قایناق لاری چکیلیر گئدیر تالان اولور٬ اسگی و گوجلو بیر کولتورو٬ آنا دیلی، یاساق لانیر، بایکوت اولونور. و سیاسی اختیارات لاری دئمک اولار یوخ حدینده دیر.
بیز ندن آزاد اولماق ایسته ییریک؟ طبیعی دیرکی بیز استعماردان، استبداد دان آزاد اولماق ایسته ییریک آمما بونلارین یوللاری دا بام – باشقا اولمالی دیر. بو گون لری بوتون میللت لر، گروپلار و دونیادا چوخلوحرکت لر وار چالیشیرلار حاقلی ایستک لرین الده ائده لر. آنجاق هره بیر یول سئچیر. هره نین بیر یؤنته می وار. آذربایجان میللتی نین یولو مدنی و دموکراتیک یولدور. بیز سئوینیریک کی آذربایجان میللت ینین یولو مدنی و دموکراتیک یولدور و بو استبدادی ییخماغا گورا بیر خشونته، هئچ بیر زورالیلیغا و هئچ بیر غیر دموکراتیک ایشلره ال آتماییب. آنجاق اومود ائدیریک کی بیزیم میللی حرکت ین ایچینده اولان اینسان لار، نئجه کی موباریزه ده – دیره نمه ده چوخ گوجلو داورانیرلارسا و بو بؤیوک موباریزه نی – بؤیوک دیره نیشی اؤنه سورورلرسه ان آزی اؤز ایچری لرینده ده دموکراتیک بیر فضانی یاشادا بیلسین لر.
سایین دوست لار; استبداد بیر شخص دئییل. استبداد یالنیز حاکمیت ده دیین بیر کارگزار دییک بیر دؤلت ارگانی دییک یا بیر باشقا شی دییک یالنیز بونلار دئییل. استبداد بیر تفکر دور. استبداد ذهنیت دیر. بیز بو استبدادلاری ایستر حاکمیت ده اولسون، ایستر اؤز ایچیمیزده اولسون، یعنی اؤزوموزدن ده باشلامالی ییق. بو ذهنی استبدادلاری سیندیرمایین جان، انتقادی تفکره اینانمایین جان، هئچ بیر گوجلو کولتورل ساواشی میزی اؤنه آپارانمایاجاییق.
عزیز یولداشلار; انتقادی تفکر دیینده بعضی لری باشقلارین تخریب ائله مک دن و قارالاماق دان و باشقا – باشقا بیر شی لردن اولا بیلسین کی ذهن لرینه گلیر. آنجاق یوخ، بیز دوشونجه لری – سلیقه لری هر بیر فکری تنقید ائله سک، همده بیر تنقیدکی منطق، استدلال و عقلانیت – ه دایانیر. او تفکر دوغرو – دوزگون یولا گئده جک او تفکر آذربایجانی قورتاراجاق. یوخسا بیز گلیب انسان لاری مقدس لشدیرسک هر بیر شئی قوتسال لاشدیرساق و هرنه یی چرچووه یه سالساق و همشه مستبد اولوب اؤزوموزدن آشاغی لارا زور دییه رک، اؤزوموزدن اوسته کی لره یونولاق. بو تفکر بیزی همشه مستبد ذهنیت یاشاماغا و مستبد فضانین یاشاماغینا دوغرو آپاراجاق. بیز فضالاری سیندیرمالی ییق ان آزی من دوشونورم اؤز ایچیمیزدن باشلامالی ییق، مندن بو قدر. چوخ ساغ اولون

Comments,Baxışınız
oguz gif telegram
Play All Replay Playlist Replay Track Shuffle Playlist Hide picture