/  
بیریمجی صحیفه » خبرلر » علی عزيزينين محکمه‌سي کئچيريلدي

علی عزيزينين محکمه‌سي کئچيريلدي

اوغوزتی وی:ايران رژیمينين عنعنه وي اوسولو اولان ميللي فعاللاريميزي محکمه‌لره چکمه سورجي داوام ائدير. هر دفعه گونئيين بير شهرينين فعاللارينا کؤکلنن رژمين بو ساختا محکمه اويونو، بو دفعه اورمولو فعاللارا نصيب اولدو.

بئله‌کي،دونن محکمه‌يه چاغريلان اورمولو ميللي فعال علی عزيزينين بوگون محکمه‌سي کئچيريلدي.

آلديغيميز بيلگييه گؤر، اورمودا تورک آدايلارين ظفر قوتلاماسيندا و اورمو والیبال تاکيمينين اويونوندا ايشتيراک ائتديگي اوچون ايتتيهام ائديلن علی عزيزي بو ايتتيهام لارين اساسسيز اولدوغونو بيلديره‌رک، قبول ائتمه‌ييب.

هله‌کي حؤکمو آچيقلانمايان ميللي فعال مووقتی آزادليغي بوراخيليب.

ايران رژیمي اسپور اويونلاريندا اؤز تاکيملاريني دستکله‌ين سويداشلاريميزي بئله محکمه‌لره چکمکله اينسانلاردا قورخو ياراتماغا چاليشماقدادي.

Comments,Baxışınız
oguz gif telegram
Play All Replay Playlist Replay Track Shuffle Playlist Hide picture