/  
بیریمجی صحیفه » خبرلر » فارس رئژيمي ايله آمئريکا دؤلتي آراسيندا گرگينليک آرتير

فارس رئژيمي ايله آمئريکا دؤلتي آراسيندا گرگينليک آرتير

اوغوزتی وی: ايران آدلانان اؤلکه‌نين هفته سونوندا حياتا کئچيرديگي باليستيک راکئت سيناغينين ائتکيللري سورور. آمئريکا پرئزيدئنتي ترامپ، رسمي تیوتیر حسابيندان پايلاشديغي مئساژيندا، “ايران (ادلانان اؤلکه )اودلا اوينايير” ايفاده‌سيني قولاندي.

اوغوز تی وی نين آلديغي بيلگييه گؤره، ترامپ، آتديغي مئساژیندا، اؤزونو ايران فارس رئژيمينه قارشي،  باراک اوباما قدر “يوموشاق” اولماياجاغيني بيلديريب.بوگون آمئريکانين سئنا مجليسي ترامپ حاکمييتينه ايرانا نظامی موداخيله اجازه سی‌ چيخارتدي و  بونونلا ياناشي ترامپ حاکمييتي ايران آدلانان اؤلکه‌ني يئني قيسيتلامالارلا جزالانديردي.

 ايرانا قارشي يئني قيسيتلامالار(تحريم)گتيرمگي دوشونن ترامپ، دونن وئرديگي آچيقلامادا ايران آدلانان اؤلکه‌نين راکئت سيناقلاري موضوعسوندا “هر شئيين ماسادا” اولدوغونو بيلديرميشدي. کونقره‌ده‌ کي جمهوریتچي پارتييالار دا يئني قيسيتلامالار مسلسينده ترامپا دستک وئره‌جکلريني دئميشديلر.

 
آمئريکا دارايي-خزينه وزيري، ايران آدلانان اؤلکه‌نين باليستيک راکئت پروقرامينا  يارديم ائتديکلري سببيله ۱۳ شخص و ۱۲ فيرما حاقيندا يئني قيسيتلامالار(ياپتيريم‌تحريم- سانکسييا) قراري آلديغي بيلديريلدي.
ترامپين ايران آدلانان اؤلکيله باغلي آچيقلاماسيندان دقيقه لر سونرا ايسه تئهراندان جاواب گلدي.
 
ايران آدلانان اؤلکه‌نين ديشيشلروزيري، محمد جاواد ظريف، تیوتیر اوزريندن “ايران، گوونليگيني خالقيندان تمين ائتديگي اوچون تهديدلردن اذیت چکمز. يالنيز اؤز ساوونما آلتلريميزه گوونه بيليريک” دئدي.
Comments,Baxışınız
oguz gif telegram
Play All Replay Playlist Replay Track Shuffle Playlist Hide picture