/  
بیریمجی صحیفه » خبرلر » فایننشال تایمز: مولا حسن روحاني گونئي آذربايجاندان رای آلماق اوچون گينه‌ده اورمو گؤلو مسأله سیندن سو استفاده ادیر

فایننشال تایمز: مولا حسن روحاني گونئي آذربايجاندان رای آلماق اوچون گينه‌ده اورمو گؤلو مسأله سیندن سو استفاده ادیر

اغوز تی‌وی : ايران آدلانان يئرده فارس رئژيمينين رئیس جمهوری موللا حسن روحاني گونئي آذربايجاندان سس آلماق اوچون يينه‌ده اورمو گؤلوندن  کارت کيمي يارارلانير.بو بيلگيني  آپريلين ۲۱ده بؤيوک بریتانیا  تانينميش قازئتي  “فایننشال تایمز” اؤز مقاله بؤلومونده درج ائديب.

“کچن دؤور روحانی آذربايجاندا اورمو گؤلونو قورتولما تهلوکه‌سينين حلی و ميلتين مادي و ايجتيماعي چتينليکلردن قورتارماق اوچون وعده لر وئريب و بئله‌ليکله (ازدا اولسا) آذربايجانين باتي ايالتيندن سس ييغيميشدير. بوگون اونون حاکمیتينده اولان وظیفه لیلر اورمو گؤلونو قورتارماغا فعالیت ائتديکلريني  ادعا ائديليسه‌ده اورمو گؤلو وضعييتي هله‌ده دييشمه‌ييب. همين  حسن روحانينين وظیفه لندیریگی شخص لر   (کوميتئه احیا دریاچه اورمیه )بو سئچيملرده  ازربايجان اهاليسيندن سس ييغماق اوچون اورمو گؤلو قورتولما مساله سيني وقورتارماق وعده لريني بير کارت و آراج کيمي ايستيفاده ائديرلر.ايراندا رئژيم سئچکي عرفه سينده آذربايجان اکينجيسيندن سس آلماق اوچون اورمو گؤلو اطرافيندا اکينچيلره آرتيق دها  آز اذیت ادیر و فشار گتیریر ، اونلارين رای و سسين آلماق اوچون سودان آز ايستيفاده ائتمه‌لري هاقدا آيلار اؤنجه کي کيمي باسقيلارين نئچه قات آزالديب.  روحاني ۲۰۱۳-جو ايل مايين ۱۹-دا اهالييه وعده ائده‌رک اعتيراف ائديب کي : اورمو گؤلو قورويارسا ۱۴ ويلايت دوز فيرتينالارينا معروض قالاجاق. بو باش وئرر سه‌ ،  اينسانلارين باشينا نه بلالار گه‌لر بير تصور  ائدين؟! دمیشدی …..ه. “- دئيه “فایننشال تایمز”يازيب. 

فایننشال تایمزاورمو گؤلو اطرافيندا چوغوندور اکينچيليگي ايله مشغول اولان مهدي آدلي بير سويداشيميزلادا موصاحيبه آپاريب .فایننشال تایمزقازئتينده گئدن موصاحيبه‌ يه اساسا مهدي دئيير: ” ايرانين ۸۰ ميليونلوق اهاليسينين اوچده بيري ۱/۳ تورکدور.اورمو گؤلو بيز اهالي اوچون اؤنملي اولدوغونا گورده مجبور روحانييه‌  اينانديق کي بلکه گؤل قورتولماقدان قورتولا. بو سس نه خاريجي سيياست و نه ده ايقتيصادي مسله‌لره گؤره ايدي.   بو گؤل منيم اوچون چوخ عزيزدير، بوتون اوشاقليق خاطيره‌لريم بو گؤل اطرافيندا کئچيب . خاطيرليرام کي ايستي ياي گونلرينده من قوهوم دوستلاريملا بيرليکده بو گؤل گليب اوزرديم.  “.

 

قئيد ائدک  کي، گونئي آذربايجانين اورمو گؤلو ايران رئژيمينين سئپاه دسته‌لري طرفيندن ايقتيصادي و مافييايي هدفلريله قوروتولور و بو مسله ايللردير گونئي آذربايجانليلارين اعتيراضلارينا و نيگرانچيليقلارينا سبب اولوب .ايران آدلانان اؤلکه‌نين حاضيرکي رئیس جمهوری حسن روحانينين ۴ ايل اؤنجه سئچکي قاباغي اؤز کامپانياسيندا (تبلیغات انتخاباتی ) اورمو گؤلونون قورتاراجاغي ايله باغلي  يالان ودلر وئردي کي ميلتي صانديق باشينا چکيب و خييابان اعتيراضلاريني بئله‌ليکله ائتکيسيز و خنثی ائتسين.آنجاق سورعتيله سئپاه اليله گؤل قوروتماغي دوام ائدير و بو گونه قدر گؤلون قورتاريلماسي اوچون هئچ بير عملي آدديم آتيلماييب و قورتولمايا سبب اولان تيجاري باراژلار و سدلر آچيلماييب.

Comments,Baxışınız
oguz gif telegram