/  
بیریمجی صحیفه » خبرلر » قاراداغدا ائلات بايرامي داوام ائدير

قاراداغدا ائلات بايرامي داوام ائدير

اوغوزتی وی:عنعنه وي اولاراق هر ايل قاراداغين يايلاقلاريندا کئچيريلن ائلات بايرامي بو ايل ده تشکيل ائديلدي. اساسن کؤچري حيات سورن سويداشلاريميزين اؤز کولتورلريني، ياشام طرزلريني نوماييش ائتديرديکلري بايرامدا بو ايل ديقتلري داها چوخ ورني نوماييشي چکدي.

بو ائلات بايراميندا قاراداغ ائلاتلاري ايله ياناشي، باتي آزربايجان و اردبيلين ائلاتلاري دا ايشتيراک ائديب.

هر ائلات طايفاسينين اؤز کولتورونو نوماييش ائتديرديگي بو بايرامدا، چاديرلار قورولوب، آت ياريشلاري تشکيل ائديليب، موختليف يئمکلر بيشيريليب و ائلات طايفالارينا عاييد ورنيلر نوماييش ائتديريليب.

نوماييش اولونان ورنيلرده ديقت چکن ايس، ورنيلرين “اوغوز کاغان” تامغاسي کيمي تانينان قديم تورک تامغالاري ايله بزه‌ديلمه‌سي اولوب. دئمک اولار کي، گونئي آذربايجانين موختليف بؤلگه‌لريندن اولان ائلات طايفالارينين هاميسينين ورنيلري بو تامغالارلا سوسله‌نيليب.

هر ايل تشکيل ائديلن بو کولتور نوماييشينده حاقلي اولاراق ايرانا، فارسلارا عاييد هئچ بير نومونه‌نين يئر آلماماسي، هرزامان اولدوغو کيمي، يئنه ده رئژمين نارازيليغي ايله قارشيلاندي.

اؤز الالتيلاري واسيطه‌سي ايله دينج شکيلده کولتور بايراملاريني قئيد ائدن سويداشلاريميزارئژيم موختليف مانعلر تؤره‌دير.

سرگييه گلن اينسانلارا، سرگيده نوماييش اولوناجاق کوتورل اشيالارين گتيريلمه‌سينين قارشيسينين آلينماسي، رئژمين ائلات بايرامينا تؤرتديگي مانعلر سيراسيندادي.

بوندان باشقا رئژيمين مأمورلاري خالقدان نوماييش اولونان ورنيلرين اوزرينه ايران يازمالاريني طلبئتمه‌سي ده هاقلي اولاراق اينسانلارين اعتيراضينا سبب اولور.

لاکين بوتون مانعلره باخماياراق، 1 هفته‌دير باشلايان ائلات بايرامي هله 3 گون ده داوام ائده‌جک

This slideshow requires JavaScript.

Comments,Baxışınız
oguz gif telegram
Play All Replay Playlist Replay Track Shuffle Playlist Hide picture