/  
بیریمجی صحیفه » خبرلر » قوزئی آزربایجاندان گؤرونن ساوالان – زیرودن زیرویه اؤتوشن محبت و حسرت- فوتو
قوزئی آزربایجاندان گؤرونن ساوالان – زیرودن زیرویه اؤتوشن محبت و حسرت-

قوزئی آزربایجاندان گؤرونن ساوالان – زیرودن زیرویه اؤتوشن محبت و حسرت- فوتو

اوغوز تی‌وی: قوزئی آزربایجانین لریک منطقه سینده جنوب آزربایجان همسرحد بؤلگه‌ده” زوواند” محلی یئرلشیر.  داغلارینین اتیینده، قیز یوردو و کؤمورگؤی زیروه‌لرینین احاطه‌سینده اولان بو دیار چوخ گؤزل طبیعته مالیکدیر. دونیانین ان قدیم و کؤکو کسیلمکده اولان بیتکی و حیوانات عالمی بورادا اؤزونو قوروماغی باجارمیشدیر. شاه ایسماعیل صفوی و بابک کیمی مشهور تاریخی قهرمانلارین دا مسکنی حساب اولونور.شاه ایسماعیل ختایی ده اردبیلین کلخوران کندینده، صفوی خانه‌دانیندا دونیایا گؤز آچمیشدیر و احتیمال اولونور کی، اردبیله قاییدارکن زوواند داغلاریندا وفات ائتمیشدیر.

زوواندین کلخان، کلوز، گؤیدره،آنبوردره، میستان و دیگر بیر‌نئچه کندی ایران ایشغالیندا اولان گونئی آزربایجان سرحد بؤلگه‌ده یئرلشیر. و بورالاردان نمین شهرینه ۱۵، اردبیل شهرینه ده ۳۰-۴۰ کیلومتر مسافه وار زوواند محلی همیشه ساوالاندان اسن سرین مهین توماری ایله جیلولنمیشدیر. ساوالان توپونیمینین معناسی دا ائله زیرودن اسن سرین مه دئمکدیر.

This slideshow requires JavaScript.

بو یئرلرین بولاقلاری، سرین کهریزلری سویونو ساوالان داغیندان آلیر. ایکی یوز ایله یاخین مدت عرضینده آیری‌آیری دؤولتلرین اراضیسینده یاشاسالار دا بو محلین اینسانلاری بیر خالقا مخصوص بو زیرونین سویوندان ایچیر ، هاواسی ایله نفس آلیر، عینی طبیعی نعمتلریندن قیدالانیرلار. ساوالان همیشه زوواندلیلارین گؤزو قاباغیندا اولموشدور. نئجه دئیرلر، «گؤز قاباغیندا اولان یارا همیشه گؤیندر».
بو تورپاقلارین هر بیر زیروه‌سیندن گؤرونن ساوالانی کلخان کندینین «قالا»سیندان داها عظمتلی گؤرمک اولار. بو داغ اونا گؤره «قالا» آدلانیر کی، حقیقتا قالایا بنزییر. طبیعتمی؟ تاریخمی؟

اونو مصر اهراملاری کیمی اینشا ائتمیشدیر. جنوبی و شیمالی آذربایجانین تن اورتاسیندا حسرت زیروسی ده دئمک اولار بو قالایا… ساوالان داغی و خزر دنیزی بورادان چوخ گؤزل گؤرونور و قریبه حسلر، اسرارنگیز دویغولار یاشادیر…
«قالا» اوریژینال معمارلیق اصلوبونا مالیکدیر. طبیعت عابده‌سی اولسا دا اینسان امکینین محصولونا بنزییر. اونو دا قید ائدک کی، همین اراضی «زوواند دؤولت یاساقلیغی» کیمی دؤولت طرفیندن قورونور.
«قالا» و ساوالان – زیرودن زیرویه آخان محبت، نیسگیللی حسرت و اسن سرین مه آذربایجان خالقینین اورتاق غرورو، گؤز قاباغیندا اولان یاراسیدیر…
موکافات یاقوبوو

Comments,Baxışınız
oguz gif telegram
Play All Replay Playlist Replay Track Shuffle Playlist Hide picture