/  
بیریمجی صحیفه » خبرلر » لطفی زاده‌نین دفن اولوناجاغی یئر آچیقلاندی
لطفی زاده‌نین دفن اولوناجاغی یئر آچیقلاندی آزربایجان تورکونون اوجا سئسی 👇 👈 اوغوزتی‌وی OğuzTV 🔗 @oguztv 📘📕📗

لطفی زاده‌نین دفن اولوناجاغی یئر آچیقلاندی

گؤرکملی آذربایجانلی عالیم لطفی زاده‌نین باکی‌دا دفن اولوناجاغی یئر معلوم اولوب.

آپا-نین خبرینه گؤره، لطفی زاده ۱-جی فخری خیاباندا دفن اولوناجاق.

باکی شهر اجرا حاکمیتی بیلدیریلیب کی، لطفی زاده‌نین مزاری ۳ گون اول قازیلیب.

علملر |آکادمیاسینین ویتسه-پرزیدنتی، آکادمیک عیسی حبیبلی دئییب کی، لطفی زاده‌نین جناطه سی بو هفته عرضینده باکییا گتیریلجک و اونونلا دؤولت سوییه‌سینده ویدا مراسیمی تشکیل اولوناجاق.

قید ائدک کی، دونیا شهرتلی آذربایجانلی عالیم لطفی زاده سنتیابرین ۶-دا آمریکادا وفات ائدیب.

لطفی زاده ۱۹۲۱-جی ایل فورالین ۴-ده باکیدا، رحیم علسگرزاده (۱۸۹۵-۱۹۸۰) و یهودی اصیللی روس اوشاق حکیمی اولان فیقا (فانیا) مویسیونا کورمانین (۱۸۹۷-۱۹۷۴) عائله‌سینده دونیایا گلیب.

لطفی زادنین آتاسی رحیم علسگرزاده ایرانین اردبیل شهرینده ضیالی عائله‌سینده دونیایا گؤز آچیب. بیرینجی دونیا محاربه‌سی ایللرینده اردبیلدن باکییا کؤچوب و بورادا تیجارتله مشغول اولماق قرارینا گلیب.

او، ایلک تحصیلینه باکی‌داکی ۱۶ سایلی مکتبده باشلاییب. ۱۰ یاشیندا عائله‌سی ایله بیرلیکده تهرانا کؤچوب. تهران اونیورسیتتینی بؤیوک اوغورلا باشا ووردوقدان سونرا آمریکا بیرلشمیش ایشتاتلارینا گئدیب و تحصیلینی ماسساچوستس تخنولوگییا اینستیتوتوندا داوام ائتدیریب.

لطفی زاده صونعی اینتلکت ساحه‌سینده غیری-سلیس منطیق نظریه‌سینین بانیسی، کالیفورنییا بئرکلی اونیورسیتتینین پروفسورو ایدی. او، بو عالی تحصیل موسسه‌سینین عمورلوک پروفسورو سئچیلمیش یئگانه شخصدیر. آمریکاداکی آذربایجان دیاسپور تشکیلاتلارینین فخری صدریدیر.

دونیا علمینه لطفی زاده‌نین ۶ مهم نظریه‌سی معلومدور. حاضردا اونلار علم و ایستحصالاتدا گئنیش شکیلده تطبیق اولونور. اونا دونیا شهرتی قازاندیران، اونون دونیا علمینده اینقیلاب حساب اولونان غیری-سلیس منطیق نظریه‌سیدیر.

۲۰ ایل آمریکا علمی اجتیمایتی طرفیندن قبول ائدیلمین غیری-سلیس منطیق نظریه‌سی، نهایت، ۱۹۸۰-جی ایللرده یاپون عالیملری طرفیندن بؤیوک ماراقلا قارشیلانیب.

بو نظریه بوتون دونیادا علمه، تکنیکا و تخنولوگییایا گئنیش نفوذ ائدیب. پالتاریویان ماشینلاردان توتموش، آوتومات سوروجویه کیمی یوزلرله، مینلرله سیستمده، قورغودا تطبیق اولونوب.

آذربایجان پرزیدنتی ایلهام علیئو، دولت و حکومت رسمیلری لطفی زاده‌نین وفاتی ایله باغلی باش ساغلیغی وئریبلر.

Comments,Baxışınız
oguz gif telegram