/  
Ön yapraq » خبرلر » پئشمرگه، مینلرجه عربین ائوینی داغتدی

پئشمرگه، مینلرجه عربین ائوینی داغتدی

گؤرونن او کی، پئشمرگه سالدیریلارینی عربلری کؤچه مجبور ائتمک اوچون باشلاتمیشدیر. وطنداشلارین کؤچه مجبور ائدرک ائولرینی ییخماق ساواش سوچو ساییلابیلر”

 
پئشمرگه عراق‌دا مینلرجه عربین ائوینی داغتدی.
اولوسلارآراسی عفو هؤرگوتو بیر بیلدیری یایینلایاراق، کوردلرین عراقین قوزئیینده وطنداشلاری بؤلگه‌دن قووماق اوچون مینلرجه عربین ائوینی داغیتدیغینی بیلدیردی.
عفو هؤرگوتونون بیلدیریسینه گؤره، ائولرین ییخیمی، داعشین بو بؤلگه‌لردن چئکیلمه‌سی و پئشمرگه‌نین دوروما حاکیم اولماسیندان سونرا باش ورمیشدیر.
بیلدیرییه گؤره، وطنداشلارین ائوینین داغیتیلماسی و ماللارینین یاغمالانماسی، داعش علیه‌ینه ساواشمانین بیر نشانه‌سی حالینا گلمیش، پئشمرگه، داعشه یاردیم بهانه‌سی ایله وطنداشلارین ائوینی پاتلادیر و سونرا دا بولدوزر ایله یئرله بیر ائدیر.
العربیه‌نین خبرینه گؤره، اولوسلارآراسی عفو هؤرگوتو اوزمانلاریندان دوناتیلا روویرا دئییر: “گؤرونن او کی، پئشمرگه سالدیریلارینی عربلری کؤچه مجبور ائتمک اوچون باشلاتمیشدیر. وطنداشلارین کؤچه مجبور ائدرک ائولرینی ییخماق ساواش سوچو ساییلابیلر”.
کوردلر آیریجا ساواشدان قاچانلارا ائولرینه دؤنمه اجازه‌سی وئرمیر. عفو هؤوگوتونون الینده نینوی، کرکوک و دیالی شهرلرینده بو سوچلارین ایشله‌ندیگینه دایر بلگه‌لرین اولدوغو بیلدیریلیر. بو شهرلر کورد بؤلگه‌سینین خارجینده‌دیر آنجاق عراق اوردوسو داعشدن قاچدیقدان سونرا کوردلر طرفیندن کنترل ائدیلیر.
Comments,Baxışınız
oguz gif telegram
Play All Replay Playlist Replay Track Shuffle Playlist Hide picture