/  
بیریمجی صحیفه » خبرلر » کرکوک تورکمنلری شیمیایی سلاحلا وورولدو

کرکوک تورکمنلری شیمیایی سلاحلا وورولدو

  اوغوز تی وی :داعش کرکوکون طوزخورماتو بؤلگه‌سینه شیمیایی سیلاح سالدیریسی گرچکلشدیردی

 

داعش ایسفند آیی‌نین ۱۹-ده سحر باشلاری ۴۰ کاتیوشا گوله‌سیله کرکوکون طوزخورماتو بؤلگه‌سینه حمله ائدیب٬ کرکوک تورکمنلرینه اولان شیمیایی حمله لر اثرینده ایلک اوشاق اؤلدو.

 عراق تورکمن جبهه‌سی‌نین قوه‌لریندن آلدیغی بیلگی‌یه دایاناراق خبر وئریرکی ٬ تورکمن جبهه‌سی‌نین باشقانی ارشد صالحی دئییب: شیمایی یارالیلاریندان اولان ۲ یاش یاریملی فاطمه آدلی قیز اوشاغی بو گون کرکوکون مریضخاناسیندا اؤلوب٬ کرکوک استانداری دکتر نجم الدین کریم دئییب : داعش‌ین ایشلتدیگی شیمایی سیلاحلارین اوستونده آراشدیرما آپاریریق ٬ آراشدیرمالارین سونوجلاری بو تئزلیکده یاییلاجاق.
  اوغوز تی وی نین آلدیغی بیلگیلره اساسا اؤزلرینه نیظامی قوه قورماغا ایمکان وئریلمه‌ین تورکمن‌لر عراق‌ین مرکزی دؤولتی وریندن قورونمور٬ کورد شبه نیظامی قوه‌لری ده تورکمن توپراقلارین غصب ائتمک اوچون داعش ایله منطقه‌نی تورکمنلرین الیندن آلماق عملییاتلاریندا ایش بیرلیگی آپاریرلار. کورد مئدییا لاری داعش‌ین شمیایی حمله‌سیندن اؤز نفعلری اوچون ایستفاده ائتمک اوچون کورد مئدییاسی فرات نیوز کرکوک تورکمنلرین شعیه کورد آدلاندیراراق یازیب: داعش شعیه کوردلرینه شیمایی حمله ائدیب.
کرکوک بیماریستانین باشقانی دوقتور کریم ولی دئییب : مریضخانادا یاتیردیلان مریضلر بونو گؤستریرکی حمله‌ده شیمایی سیلاحلاردان ایستفاده اولونوب.
سوریه و عراق‌ین بعث حزبی‌نین یوکسک افسرلری و امنیتی قوه‌لری وریندن قورولان داعش آدلی تئرور اؤرگوتو سوریه و عراقدا۲ ایله یاخین دیر کی تورکمنلره قارشی آغیر قتل عام عملییاتی آپاریر.
اوغوز تی ویی ت رت تورکه ایستینادا  خبر وریر کی تورکیه، داعش ترور اورگوتونون ایستیفاده ائتدیگی اینسان‌لیق دیشی یؤنتملری شدتله قینادی. خاریجی ایشلر باخانلیغین‌دان وئریلن آچیقلامادا، داعشین کرکوکون طوزخورماتو بؤلگه‌سینه شیمیایی سیلاح سالدیریسی گرچکلشدیردیگینه دایر خبرلردن جدی راحاتسیز‌لیق دویولدوغو ایفاده ائدیلدی. قونو حاقیندا بؤلگه‌دکی عراق‌لی تورکمن یئتکی‌لی‌لرله یاخین تماس حالیندا اولوندوغونون ایفاده ائدیلدیگی آچیقلامادا، تورکمن یئتکی‌لی‌لرین الده ائتدیک‌لری تاپقی‌لاری بیرلشمیش میلت‌لر تشکیلاتی‌نین عراق‌داکی نماینده‌لیگینه چاتدیردیق‌لاری قید ائدیلدی.
آچیقلامادا، “هر زامان اولدوغو کیمی تورکمن قارداش‌لاریمیزا معا‌لیجه و اینسانی کؤمک قونوسوندا لازیم دستگی وئرمه‌یه حاضیریق” دئییلدی.

آرتیرمالییق  ایکی تورکمان اللری (باتی وی‌ دوغو ) آزربایجان تورکلرینین بیر بویو دور کی‌ ۱۶۰۰ ایللر صفوی دورو آزربایجان دن آیریلیب عثمانلی و  سونرادان عراق و سوریه  ترکیبینه دوشموشدورلر. کرکوک (دوغو تورکمان الی) ٬ ۳ میلیون نفوذو اولان دوغ تورکمنلرینین مرکزی دیر امما بو بؤلگه صدام زامانی عربلر و صدامدان سونرا کوردلرین ال ایله غصب اولونماقدادیر.

اوغوز تی ویی سالدیریدا حیاتینی ایتیرن قارداش باجی لاریمیزا آلله‌دان رحمت، آجی‌لی یاخین‌لارینا دا باش‌ساغ‌لیغی‌نین دیلندیگی بیلدیریر.

 

This slideshow requires JavaScript.

Comments,Baxışınız
oguz gif telegram