/  
بیریمجی صحیفه » خبرلر » گری ده قالان ۲۰۱۶ جی ایلده گونئ آزربایجان میلی حرکتی

گری ده قالان ۲۰۱۶ جی ایلده گونئ آزربایجان میلی حرکتی

اوغوز تیوی:بو ایلده آزربایجان ملی حرکتی بیر آدیم داها ایررلییب. ۲۰۱۶_ینجی ایل آزربایجان اوچون چوخ فرقلی بیر ایل اولاراق کئچدی. بو ایلده بؤیوک ایتکی لریمیزله بیرلیکده بؤیوک باشاریلاریمیزدا اولدو. بو ایل ده میلی کمپین لر، فارس رژیم ینین سوزده مجلیس سئچکیلرینده میلی حرکاتین تأثیر بوراخماغا چالیشماق، اعتراض لار، قاراباغ جبهه سینده نائیلیتلر و گونی آزربایجانین اونا دستکلری و تاثیری، اورمودا فارس رژیمینین قوردوغو  کورد تئروریزم اویونونا قارشی مجلیس سئچکیلرینده بیرله شیب و فاری اشغالچیلارین و کورد تروریزمینین اویونلارینا قارشی غلبه چالماق، دوشونجه آلیش وئریشینده بؤیوک آددیملار و… 

بونونلا بیرلیکده میلی اولاراق آجی گونلر و حادثه لرده آز اولمادی، میلی محبوسلاریمیزین آجلیق آکسیالاری، میلی فعاللاریمیزین توتوقلانمالاری، مطرح شخصیتلرین وفاتی و…

بونلارین هامیسی ایله بیرلیکده آزربایجان میلی حرکتی بوتون چاتیشمازلیقلار و باسقی لارا باخمایاراق یئنه ده میلتیمیزه اؤنجوللوک ائتمه یه دوام ائتدیردی و توپلوموموزا اؤز میلی تاثیرینی بوراخماقدا باشاریلی اولدو. یئنی سایبئر اولاناقلار ایسه بو ایل حرکتین گوجلنمه و ائتگی دایره سینی گئنیشلندیرمک ده بؤیوک یاردیمچی اولدو.

دوشمنین بوتون باسقی سینا باخمایاراق اؤتن ایل آزربایجان سوسمادی و اونا وورولان زنجیرلری قیرماغا چالیشیغی، قهرمانجاسینا دوام ائتدی. بئله لیک له کئچن ۲۰۱۶ینجی ایل میلی مقاومت، میلی موباریزه و آزربایجانین میلی آماج و حاقلاریندان مدافعه ایلی اولاراق تاریخه کئچدی.

کئچن ایل آزربایجان میلی حرکتی بونو ثبوت ائتدی کی، بوتون محرومیت لره باخمایاراق آزادلیق سئودالیلاری و وطن_میلت فدائیلری اؤز اراده لرینی اورتایا قویاراق دوشمنلریمیزه مئیدان اوخوماق سویه سینه یوکسلمه یی باشارا بیله جک حدینده دیرلر. آزربایجان تورک میلتی بو ایل تورکلویون موباریزه جبهه سینده اؤنجوللوک ائتمه یه و اؤن صف ده دورماغا یئنه ده موفق اولدولار.

آزربایجان بونو ثبوت ائتدی کی، فارس شونیزمینین اراده سیز کؤله سی یوخ بلکه اسیری دیر و هر زامان بو اسارت دن قورتولماغا چالیشان و فداکارلیق گؤسترن ایگید اؤولادی واردیر. آزربایجان بونو ثبوت ائتدی کی آزادلیق اوچون هر نه دن اؤنجه آزادلیق سئوگیسی و میلی اراده گره کلی دیر.

اؤتن ایل آزربایجانین میلی موباریزه تاریخینده شانلی بیر ایل اولاراق قالاجاقدیر. چونکی ۲۰۱۶ینجی ایل سوسقونلوق و رکود ایلی یوخ تام ترسینه الده وار اولان اولاناقلار و قوشوللاری نظرده آلاراق موباریزه و میلی آماج و هدفلر اوغروندا چالیشیق و فداکارلیق ایلی ایدی. آیدینلیق

Comments,Baxışınız
oguz gif telegram
Play All Replay Playlist Replay Track Shuffle Playlist Hide picture