/  
بیریمجی صحیفه » مقاله لر و باخیشلار » آذربايجانلي اولماق آذربايجانچي اولماق آنلاميندا دئييلدير هر آزربایجانلی آذربایجان سئون دئیل
آذربايجانلي اولماق آذربايجانچي اولماق آنلاميندا دئييلدير

آذربايجانلي اولماق آذربايجانچي اولماق آنلاميندا دئييلدير هر آزربایجانلی آذربایجان سئون دئیل

اوغوزتی‌وی:آذربايجاندا ياشايان هر کس آذربايجان وطنداشيدير و ديندن، جينسيندن، ائتنيک کيمليگيندن، سيياسي و ايديولوژي گؤروشوندن آسيلي اولماياراق برابرحوقوقلو وطنداشدير و عئيني ائشيتليک حوقوقونا ماليکدير.

ميلليتيميز تورک وطنيميز ايسه آذربايجاندير. سونوجدا آذربايجاني مودافعه ائتمک (ازربايجانچيليق) عئيني حالدا تورکجولوکدور. اؤنجه‌ليکله قئيد ائتمک لازيمدير کي، يئر، مکان بيلديرن -لي سونلوغو ايله بيتن عوموميليکده اؤلکه‌نين آديندان آلينميش و بو تورپاقلاردا ياشايان ميلتلرين هاميسينا وئريلن ايسيمدير.

تاريخ بويو بو تورپاقلاردا ياشان يئرلي اهالينين تورکلر اولماسي تاريخي گئرچکليکدير. يني، ميللي منسوبيت تورک، وطنداشليق آدي ايسه آذربايجانليدير. بوتون تورک ميلتينين بير تک داواسي واردير- تورک بيليگي توران داواسي. لاکين بو بؤيوک قاورامين حياتا کئچيريلمه‌سي اوچون اؤنجه تورانا گئدن يولدا تورک ميلتلرينين اؤز حاقلي تورپاقلاريندا ملی‌ دؤولتلريني برپا ائتمه‌لري گرکدير.

آذربايجان ميللي حرکاتي دا اؤز تاريخي تورپاقلاريندا دؤولت قورماق و يا تاريخي موستقيلليگيني برپا ائتمک ايسته‌يير. بونون اوچونسه موعين جغرافي آرئال گرکدير. آذربايجان ميللي حرکاتي دؤولتچيليک عنعنه لرينه صاديق قالاراق اؤلکه‌ني تاريخي آدي ايله آذربايجان اولاراق آدلانديرير. بئله اولدوغو حالدا بو آرئلدا ياشايانلار ايرانلي دئييل، آذربايجانليديرلار. گونئي آذربايجان دؤولتينين قورولماسي تورانين ايشقال اولونموش بير پارچاسيني ايشقالدان آزاد ائديب بوتؤولشمه‌يه خيدمت ائتمه‌سي دئمکدير. بو ندنلده گونئي آذربايجان ميللي حرکاتينين تمل چيخيش نقطه سي آذربايجانچيليقدير.

آذربايجانلي، آذربايجانچي، آذربايجانچيليق اصطلاح لارین بير‌بيريندن فرقي ندير؟

ا

گونئی آزربایجان بوز قوردلار

يستر اؤلکه داخيلينده، ايسترسه ده اؤلکه‌دن کناردا قلباً و ايچدن اؤزونو آذربايجانلي بيلن هر کس آذربايجانليدير و بوتون وطنداشليق حوقوقلارينا ماليکدير. آذربايجاندا دوغولوب ياشايان و يا دونيانين هاراسيندا اولور‌اولسون آذربايجانلي آتا‌آنادان دوغولان هرکس آذربايجانليدير. باشقا آنلاييشلا دئسک آذربايجانليليق هئمان وطنداشليقدير يني آذربايجان وطنداشي .

بعضاً يولداشلاريميز آذربايجاليليقلا ، آذربايجانچيليغي قاريشديريب مثلا دئييلئر کي خامنه‌ای, گوگوش, موسوي, شيرين عبادی آذربايجانليدير،بو يا او آذربايجانليدير و البته‌ده کي آذربايجانليديرلار .

بونو نظر آلاراق آذربايجانلي لا آذربايجانچينين و يا آذربايجانليليقلا آزربايجانچيليغين فرقلرين آچيخلاماليييق. بوتون آزربايجان کؤکنلي، آذربايجانلي آتا آنادان دوغولانلار وئ آذربايجاندا دوگولوب ياشايانلار و يا آذربايجاندا دوغولوب کناردا ياشايانلارا، ائلئجه‌ده , آذربايجالي آتا-انادان کنار يئرئرله‌ده دوغولوب ياشاماقدا اولانلارا آذربايجانلي دئييلير.
بو آذربايجانلي ايرانچيدا اولا بيلئر، روسچودا اولا بيلئر ، آزربايجانچي و تورکچو اولا بيلر نئجه کي کسروي یا ایران رژیمینین مجلس نماینده لری آزربايجانليدير, آما ايرانچي و فارسچيديرلار.


ايراندا شورای نگهبانین بیزه وردیغی مجلس وکیلر ,سيپاه،بئسيج, اطلاعات دا ايشغال رئژيمينه قولوق ائليين بير چوخ آذربايجانلي وار و آذربايجان دوشمانيديلار.و يا فارس ايشغالچي منفعتلريني اوستون گؤرور و ايلک ايراني ساوونور و هر شئيي فارس حاکميتيني قوروماق عينکيندن و گؤزلوکوندن باخير.
بيز سئوسئکده! سئومئسئکد!ه ،قبول ائتسکده! ائتمسکده! اطلاعات دا بیزی شکنجه ائدنلر بئله آذربايجانليديرلار, آنجاق بئيين اولاراق،دوشونجه اولاراق, آذربايجانچي دئييل بلکي انچيديرلار. نتيجه‌ده آذربايجانليليق ميلي وطنداشليق نيسبتيني بيان ائدير.

 
آذربايجانلي اولماق آذربايجانچي اولماق آنلاميندا دئييلدير.
آذربايجانچي اوآذربايجانلييا دئييليرکي، آذربايجان ميللي منفعتلريني ایلک و اؤن پلاندا توتوب، هر زمان هر یرده هر شرایط ده ساوونوب، آذربايجانين آزادليغيني بوتونلوکله اؤزازادليغي کيمي قبول ائديب چابا گؤسترير. آذربايجانچي- (فرد، قروپ،مدیا، تشکيلات حاليندا) آذربايجانين آزادليغيني و آذربایجان میلتینین هر هانسي چرچيوه‌يه سالمادان و يا باشقالارينين منفعتلرينه قوربان وئرمه‌دن، قئيدسيز‌شرطسيز موباريزه آپاراراق، بوتون حاللاردا آذربايجانين منفعتيني آنا خط اولاراق قبول ائدندير.
آذربايجاني خاريجي موستقيليگي اولمادان ايران ايچريسينده مودافيعه ائدنلر آذربايجانلي اولسالاردا آذربايجانچي دئييللر.آذربايجانليلاري ايران تورکو آدلانديرانلار دا آذربايجانچي و يا تورکچو کيمليک داشيميرلار، يئنه ده ايران ايدئالوگيياسينا خيدمت ائدن ايرانچيديرلار.

 

Zəncan

چونکو میلی‌ کیملیک و ملیتی ظاهر ده قبول اتسده اما وطن آزربایجانی ایرنچیلارا قربان وریر آنا خطي آذربايجان دئييل، ايران توتور کي، بو دا ايران مولکيتيني، آغاليغيني، اوتوريتئسيني، ايران هژمونلوغونو( برتریت ) سيمگله‌مکده‌دير.
ايران اراضي بوتؤولوگونو هر هانسي فورمادا مودافيعه ائدنلر آذربايجانلي اولسالار دا آذربايجانچي دئييل ايرانچيديرلار. آذربايجان، آذربايجانلينين دير، اونون يئگانه صاحيبلري ده آذربايجاليلاردير. آذربايجان ايرانين، يا دا هر هانسي بير باشقا اؤلکه‌نين ترکيبينده گؤرنلر، آسيليليغي و اشغال آلتیندا اولماغی موستقيلليگيميزدن اوستون توتانلار آذربايجانچيليقدان دانيشا بيلمزلر.

آذربايجانچي آذربايجانين چيخارلاريني جغرافي، ايقتيصادي، سياسي، کولتورل، فرهنگی…‌ قيساجاسي بوتون ساحه لرده اؤن پلاندا توتاراق مودافعه ائدن، اونون دؤولتچيليگي اوغروندا چاليشان کسدير. گونئي آذربايجانين باغيمسيزليغيني هر هانسي بهانه‌لرله کؤلگله‌مک ايسته‌ينلر دآذربايجانچي اولا بيلمزلر. اؤزگه منفعتيني اوستون توتان، فارس ديليني رسمي و يا اورتاق ديل ساياراق آذربايجان ميلتينه تحمیل ائديب آذربايجان تورکجه‌سيني اونوتدورماغا چاليشانلار، فارس آغاليغيندا ياشاماغي اؤزگورلوغوموزدن اوستون بيلنلر آذربايجانلي اولا بيلرلر، آما آذربايجانچي دئييللر.

 

میلیتچی یول1

Comments,Baxışınız
oguz gif telegram
Play All Replay Playlist Replay Track Shuffle Playlist Hide picture