/  
بیریمجی صحیفه » مقاله لر و باخیشلار » آزربایجانچیلیق میللی ایدولوژوموزدور”

آزربایجانچیلیق میللی ایدولوژوموزدور”

اوغوز تی وی :آزربایجان تورکلری نین ،آزربایجان میلتی نین میللی ایدورلوژیسی آزربایجانچیلیقدیر. بو تعصوب،آشیری باشقا میللتلره اوستونلوک(شوونیست ـ ایرقچیلیق) یوخ، میللی شعوردان قایناقلانان فلسفی و علمی بیر آنلامدیر (مفهومدور) .

او میللی ویجدان ، میللی منلی یی درک ائتمکدیر. میللی ده یه رلره ، قایدا ـ قانونلارا، آذربایجانچیلیق اخلاق ـ معنوییاتینا، کولتور وعنعنه لرینه ، تورک اولدوغونا باغلی لیقدیر. باشقا بیر سوزله دئسک آزربایجانیمیزین میللی ده یه لرینه ییه لنمک، میللی شعورا مالیک اولماق، میللی وارلیق مفهومونو آنلاییب، اونا سویکنمک، کیملی یینی تانیماق دئمکدیر.آنجاق اوندا هر بیر آزربایجانلی تورک اوز گوجونه پئی آپاریب، آزربایجانلی اولماقلا ایفتیخار ائدیب ، اونا غرور دویاجاقدیر. میللی وارلیغا صاحیب چیخان ، میللی منلی یه سویکه نن بیر میللت یئنیلمه ز، سارسیلمازدیر. اییلمه ز بیر پولاددیر. بئله بیر خالقا ـ میللته حاکیم اولماق ، آغالیق ائتمک ، ایمکانسیزدیر. ائله بونا گوره ده دئمیشلرکی : میللی منلی یینی تاپا بیلمه ین میللتلر باشقا میللتلرین اووو(شیکاری) اولورلار. ”
گورولدویو کیمی آزربایچانچیلیق اوزونو، میللتینی، کوکونو ـ سویونو تانیماق دئمکدیر.اوزونو تانیدیقدا حتا شخصی کیملی یینیده تاپمیش اولاجاقدیر. اوزونه دئدیینه ایمان گتیرمیش اولاجاقدیر. اوزونو میللی کیملی یینیده باشقالارینادا تانیتدیرماغا چالشاجاقدیر.اوزونه ،وارلیغینا، دیلینه، میللتینه ،کولتورونه،عنعنه لرینه و تاریخینه اووونه جکدیر.

 

 

Comments,Baxışınız
oguz gif telegram
Play All Replay Playlist Replay Track Shuffle Playlist Hide picture