/  
بیریمجی صحیفه » مقاله لر و باخیشلار » “آزربایجاندا میللیتچیلیک”

“آزربایجاندا میللیتچیلیک”

اوغوز تی وی:اصلینده میللیتچیلیک پوپولیزمه(میللتچیلیک) دایانان میللتین حاقلارینی ساوونان بیر دوشونجه‌دیر. دونیادا بو دوشونجه‌نین اساس دیرلری:(ارزش ها) کیملیک(هویت)، دایانیشما(بقا) و اؤز آلین یازینی بلیرله‌مه (حق تایین سرنوشت) اولاراق بلیرلیدیر. چوخلو اینسانلارین دوشونجه‌سینده بو دوشونجه ایرقچیلیق(نژاد پرستی) یا همان راسیسم کیمی آنلاشیلیر آنجاق بو دوشنجه کوکدن یانلیشدیر. راسیسمه دایانان دوشونجه‌یه اینانانلار اصلینده اؤز ایرقلارینی اوستون توتارلار و باشقا میللتلری ازمه‌یه چالیشارلار آنجاق بیر میللیتچی هئچ بیر زامان باشقا میللتلرین حاقلارینی آیاق آلتینا آلماز.

اصلینده میللیتچی دوشونجه‌یه دایانان اینسانلاردا زامان زامان هومانیستی(انسان گرایی) رفتارلاردا گؤروشور.

دونیادا اؤزل بیر میللیته دایانان میللیتچی قوروم و تشکیلاتلارین بعضا باشقا میلییتلرین حاقلارینیدا ساووندوقلاری گؤرونموشدور.

اصلینده ایران ایچینده اولان آذربایجان میللی حرکتیده میللیتچی دوشونجه‌یه دایانان حرکتلردن بیریدیر و هر نه قدرده بعضیلر بو حرکتی ایرقچی و یا آشیریچی(افراطی،رادیکال) گؤسترمک ایسته‌سه‌لر بئله بو حرکتین اینسان حاقلارینا باغلیلغینی و اینسان حاقلارینین بو حرکته کیملییی، بقاسی و حق تایینه سرنوشت حاقی کیمی بیر دیر اولدوغونو اثباتلامیشدیر. بو حرکت ایران ایچینده یاشایان چوغونلوق ائتنیکی اولان تورک-آذربایجان میللتینین حقوقلارینی فارس شونیزمینین اؤنونده ساوونماق اوچون یارانمیشدیر و چوخلو زامانلاردادا ایراندا یاشایان باشقا حاقلاری باسدیریلمیش میللتلرینده حاقلاری اوچون ایشلر گؤردویو گؤرونموشدور.

سون زامانلاردا بیر چوخلو اینسانلار آذربایجان میللی حرکتینه باشقا نا مشروع و اینسانی اولمایان وجهه‌لر قازاندیرماغا و حتی حرکتین دوز و برنامه‌ریزیلی ایشلرینه “افراطی و احساسی” آدلاری قویماغا چالیشمیشلار آنجاق حرکتین ساغلیغی و گوجوندن دولایی کیمسه بو ایشه سبب اولا بیلمه‌ییب یانیسیجادا بعضیلر بو حرکتی تک قطبی یا تک محوری کیمی گؤسترمه‌یه چالیشیرلار آنجاق آذربایجان میللی حرکتی ضیالی و روشنفکری بیر جریاندیر و بو جریانین ایچینده هر تیپ اینسان یئرلرشیر نئجه کی دونیا استانداردلاریندادا میللیتچی حرکتلرین ایچینده “ائتنیک میللیتچیلر، کولتورل(فرهنگی)میللیتچیلر، لیبرال میللیتچیلر، آنارشیزمه دایانان میللیتچیلر، پوست ناسیونالیستلر، دیاپورا میللیتچیلر، رمانتیک میللیتچیلر، میللی محافظا کارلار، نئو میللیتچیلر، ناسیونال سویالیستلر و حتی سول میللیتچیلر و دینی میللیتچیلر بئله وار آذربایجان میللی حرکتینده‌ده بو اینسانلارین هر بیریندن اولا بیلر و حتی واردیر و کیمسه اونلاردان هئچ بیرینی ایناندیغی فیکری اوچون قینایا بیلمز و یا حتی دیشلایا بیلمز. ذاتا بو نئچه رنگلیلیک بو حرکتین گوجودو نه ضعفی آنجاق بوندان آجیقلانان فارس شونیزم نماینده‌لری بونو بیر ضعف کیمی گؤسترمه‌یه چالیشدیقلاری اوچون اؤز «دستنشانده» لرییله حرکت ایچینده بئله اولماغین ضعف اولدوغونو تلقین ائتدیرمه‌یه چالیشیرلار آنجاق بونا باخمایاراق کی آذربایجان میللی حرکتی بیر نهضت دیر و بیر نهضت ده هر قیشردن سمپادی و فعالی اولدوغو زامان گوجلودور.

نئچه رنگلی اولماق زامان زامان فیکیر آیریلیمینا سبب اولور و حتی بعضا حرکت ایچینده بیر-بیرییله اویوملو(هم آهنگ) اولمایان ایشلره سبب اولور و بئله اولایلاری شونیزم دستنشانده‌لری تفرقه کیمی گؤسترمه‌یه چالیشیر آنجاق هر بیر ضیالی حرکتده بئله اولایلار اولا بیلر و بو اولایلار داهاجا بیر حرکتین ایچینده دییشیک فیکرلرین اولماسینی گؤرسه‌دیر و یانیسیجادا توپلومون(جامعه) دییشیک قیشرلریندن بو حرکته قاتیلمالارینا و حرکتین مشروعلاشماسینا سبب اولور. بوندان دولاییدا فارس شونیزمی نماینده‌لری بو اولایلاردان راحاتسیزلانیرلار و بونون اؤنونده حرکتین دیرلی فعاللارینی حاشیه‌یه چکمک اوچون اؤز «دستنشانده‌لری» طرفیندن حرکتین فعالارینا رادیکال(افراطی)، احساسی، و حتی دوشونجه‌سیز آدلاری قویماغا بئله چالیشیرلار.

آنجاق میللی فعللار بو حاشیه‌ قونولارا قاتیلماق یئرینه حتی بو سؤزلر اونلارین دالسیجا دئییلدیکده بئله باشلارینی اؤز فعالیتلرینه و برنامه‌لرینه قوشدوقجا کیمسه بو حرکتی حاشییه‌یه چکه بیلمز.

آزربایجان مدنی جامعه‌سی طرفیندن(سینا حسنی)

Comments,Baxışınız
oguz gif telegram
Play All Replay Playlist Replay Track Shuffle Playlist Hide picture