/  
بیریمجی صحیفه » مقاله لر و باخیشلار » آنا دیلیمیزی اؤیرنک – ۱ , آذربایجان  تورکچسینده نئچه سس وار
آنا دیلینی اؤیرنک - کار صامتلرین کار صامتلرله عوضلنمه سی

آنا دیلیمیزی اؤیرنک – ۱ , آذربایجان  تورکچسینده نئچه سس وار

اغوز تی‌وی:آزربایجان تورک دیلینین الفبا ترکیبینده ۱۵ صائت و٢۵ صامت واردیر. بو۴٠ سس آذربایجان تورکچسیلاتين  الفباسیندا حرفله اشاره ائدیلیر.آزربايجان تورکچه‌سي دانيشيلديغي کيمي يازيلار . آزربايجان تورکچه‌سينه لاتين آلفابئسي, عرب آلفابئسيندن داها ياتقين و اويقوندور . عرب آلفابئسي ايله يازيلان چوخلو تورکجه کلمه‌لر دوز اوخونمور  (Ölüm يا olum اولوم  )و يا عربجه ده اولان بعضي حرفلر آذربايجان تورکچه‌سينده يوخدورو(عث …) یا اونلاری ایشلتمغه نیاز یوخدور (س ص ث  یا  ز ض ظ ذ)( طهران  ,تهران – آذربایجان, آزربایجان).
آما بوگون چونکو گونئي آزربايجاندا گؤزلر لاتين آلفابئسينه اويگون و ياتقين دئييل اونا گؤره هله‌ليک عرب آلفابئسيله ديليميزي تانديماغا سعی گؤستره‌جگيک

آذربایجان تورکچسینده   ٩ قیسا(ی، و،ئ، ؤ، ه، آ، او،ي) و ۶اوزون (ی، ئ، ؤ، ه، آ، او) صائت واردیر. همین اوزون صائتلر انجاق آلینما سوزلرده ایشلنیر. سوزلرده وورغو بیر قایدا اولاراق سونونجو هجایا دوشور. آذربایجان دیلینده سوزون اولینده ایشلنمین ایکی حرف وار. ” ي” صائتی و “غ” صامتی. آذربایجان تورکچسینین مورفولوژی قورولوشونا اساس(اسم،صفت،سای، عوضلیک، ظرف،فعل) و کمکچی (قوشما، باغلایيجی، ادات، مودال سوزلر،ندا) نطق حصه لری داخلدیر.

آذربایجان تورکچسینده اسمین آلتی حالی (آدلیق، یییه لیک، یؤنلؤک،تاثیرلیک،یئرلیک،چیخیشلیق)، فعلین بئش ( شوحودی کئچمیش زمان، نقلی کئچمیش زمان ، یئنی ایندیکی زمان، یعنی گلجک زمان، یعنی غیری قطعی گلجک زمان) زمانی وار. آذربایجان دیلینین سنتاکتیک قورولوشونا گوره مبتدا جمله نین اولینده،خبر ایسه جملنین آخرینده گلیر. بوندان سونرا سلسله مقاله لریمیزده آذربایجان ادبی دیل یازی قایدالارینین وئریلمسی و اونلارین ایضاح ائدیلمسی یقین کی گونئیلی سویداشلاریمیز اوچون بیر تحفه اولاجاق. اونلار بو قایدالاردان استفاده ائتمکله متنلرین داها ساوادلی، باشا دوشولن ترزده و آذربایجان دیلینین یازی قایدالارینا اویغون شکیلده یازیلماسینا نایل اولا بیلرلر.

دوامی وار

آینوره حسن اوا

آذربایجان میللی علملر آکادئمییاسی دیلچیلیک اینستیتوتونون علمی ایشچیسی

Comments,Baxışınız
oguz gif telegram
Play All Replay Playlist Replay Track Shuffle Playlist Hide picture