/  
بیریمجی صحیفه » مقاله لر و باخیشلار » بابالاردان قالان ، یادیگار ائله یادلاری چووروب، قاتانا لعنت – شهبازی

بابالاردان قالان ، یادیگار ائله یادلاری چووروب، قاتانا لعنت – شهبازی

اوغوزتی وی : :لعنت شعری بیرانتقادی شعیردی کی من آنا یوردومون آدلارینی تورکودن فارسا دونمه سینه یازمیشام. بو ایشلرین چوخو پهلوی حکومتینین زامانیندا اولوب. بو سؤزلر شاعر ناصر شهبازینین “لعنت” آدلانان شعری حاقیندا دئدیی ایفاده‌لردیر. گونئی آذربایجادان اولان شاعر بو شعریده تورک منشالی یئر آدلارینین دییشدیریلمه‌سینه اعتراض ائدیر، آتالاردان قالان عادت-عنعنه‌لره دؤنوک چیخانلاری تنبه ائدیر.بو شعری اوغوز مدیا قروپو سسلی اولاراق دا گنیش یایمیشدی. اونون سؤزوگئدن شعرینی تقدیم ائدیریک:


بابالاردان قالان ، یادیگار ائله
یادلاری چووروب، قاتانا لعنت
تورکو یئر اولکه نین،تورکو اوبانین
آدلارین چووروب، قاتانا لعنت
*
بابالار تورکو آد، قویدی هریانا
اوشاغی یِکَلیب، یوردونو قانا
کئچمیشین بیله او، باش اوجا قالا
بابالار قایداسین ، آتانا لعنت
*
خائیینه پاخیلا ، باتا بیلمیرم
آتالار قایداسین ، آتا بیلمیرم
ائلیمی قاتالار، یاتا بیلمیرم
وطنی داغیلیب ، باخانا لعنت
*
یوردومون آدلارین ،بوتون قاتدیلار
ساتقینلار دینجلیب، پولون آلدیلار
هر ائلین گوزو یاش، اولار شادیلار
حقیقت بیناسین، ییخانا لعنت
*
منیم ده یوردومدو،گوزل اوجانیم
سهنده دایانیب، اورَییم جانیم
بوستان آباد دِییر، اوجانی دانیم
اوز دیلین آیریا، ساتانا لعنت
*
سرسکند پوزولدی، اولدی هشته رود
آجی چای سیلیندی، اولدی تلخه رود
بیلمیرم سیلَن نر ، گورورلر نه سود
حاق دئین سسلری، بوغانا لعنت
*
توفارقان نَییدی، آذرشهر اولدو
خانا دا چوورولدو، پیرانشهر اولدو
او گوزل خیاو دا، مشکین شهر اولدو
قره عینی چالدوران ، قویانا لعنت
*
ملک کندی یاندی، چیخدی ملکان
بَی کندین چووروب، ادیلَر بوکان
بزکلی گون دوغان، اولدو کندوان
کیمسه اوز کوکونه توخانا لعنت
*
اورمودا قوشاچای، آدی سیلیندی
یازدی میان دو آب، تزه دیلیندی
تیکان تپه چونوب، تکاب بیلیندی
سولدوزو نقده، توتانا لعنت
*
آراز باردا ارس، بارانا دوندو
ساری داش سیلیندی، سردشته چوندو
ساوه لر بزندی، ساووج دا سوندو
آراز چایین ارس، یازانا لعنت
*
سویوق بولاغ قالسا، هر دین قاریشار
مهاباد اولونسا، ائللر باریشار
صایین قالا اوچوب،شاهین دژ یاشار
دین آدینا دیلی ، سویانا لعنت
*
میشوو داغی گئدیب، میشاب یازیلدی
قدس اوجالدی، قره آغاج پوزولدی
زنجان گلدی زنگان، آدی قازیلدی
ائله ایکی جه لیک سالانا لعنت
*
گوزل ماراغانی مراغه بیلدی
یاشیل موغانیمی پارس آباد سیلدی
گئدی ساوالانیم سبلان گلدی
حاق یولدان قیراغا آزانا لعنت
*
قزوین گلیب غازویینی یاندیریر
دئییر شیطان اووا طالاغانلیدیر
اوبانی آبیک ائدیب قاندیریر
پهلوی باشیندا پالانا لعنت
*
بیلمیرم قاتدیلار ، نییه ائلیمی
چایلاری داغلاری ، آنا دیلیمی
بابالاردان قالان، او تورک یئریمی
حاق سوزه قولاغین ، یومانا لعنت
*
تورکو آد سیلیندی، یالان دوورارا
یالان دیلده آدلار، ائله قورولا
اوشاغلار یِکَلیب، تورکدن یورولا
دوز سوز یئرینده،! یالانا لعنت
*
ایسته دی ائلیمنن، آرالی اولام
یوردومدا تک قالیب، یارالی اولام
اوزو هارالیدی ، اورالی اولام
تورکونو آذری ، یازانا لعنت
*
آچ گوزوو اویان، تورکون بالاسی
پهلوی خائییندی ، خائیین تولاسی
هارای سال تیتره سین یالان بیناسی
میلتلر حاقینا، باتانا لعنت.
*
بوتون میلتلری ، بوغان پهلوی
اوزونن بیر تاریخ ، دوغان پهلوی
حاقدان اوجالانی ، اوغان پهلوی
بیر یالان یوخودا ، یاتانا لعنت
*
آشیق اوغلو دییر، سوزلرین عیان
یاتما یالانلارادا ، یوخودان اویان
اینسان کیمی یاشا، آزاده بیان
یالانی یازانا ، یامانا لعنت.

https://t.me/oguztv/8065

Comments,Baxışınız
oguz gif telegram