/  
بیریمجی صحیفه » مقاله لر و باخیشلار » بوگون قورتولوش مرحله سینده اولکه میز بیزدن بیرلیک و برابرلیگی گوزله ییر

بوگون قورتولوش مرحله سینده اولکه میز بیزدن بیرلیک و برابرلیگی گوزله ییر

قهرمان میللتیمیز!
تئهران ایشغالچی رئژیم و اونون سوزده اوپوزیسیونی ایللردیر پیلانلی بیر شکیلده بوتون ایمکانلارایله گونئی آزربایجان آدینی ، میللتینی ، دیلینی ، تاریخینی و داها دوغروسو وارلیغینی اورتادان قالدیرمانی هدف اولاراق سئچمیش!
آزربایجانلیلار ایسه چئشیتلی تشکیلاتلار واسیطه سیله  بو آغیر باسقی و سیستماتیک آسیمیلاسیونا قارشی موباریزه آپاریرلار.
اما نه یازیق کی میللتیمیزی قورویان قوه نین بوشلوغوندان فایدالانان ایشغالچی رئژیم و بعضی سیلاحلی دسته لر، هر گون گوج قولاناراق اوز ایستکلرینی زورلا حیاتا کئچیرمه یه چالیشیرلار،و یا  بو گونلرده بیر داها گوروروزکی کورد سیلاحلی دسته لر چیخارجی دولتلرین فرمانی و لوجستیک دستک لریله  آزربایجانین تاریخی توپراقلارین اوز توپراقلاری اولاراق گوستریب، تئهران رئژیمی کیمی  سیلاحلی دسته لرینی بولگه میزه گوندریر.(بو ایش  خاریجی گوجلرین حمایسینه سیغیناراق سوریه و کرکوک ده ده اویقولایر.)
آرتیق اورمو سوی قیریمی، سیمیتقـو جنایتلرینی و ۲۱ آذر قتل عاملارینی بیرداها یاشاماماق و گونئی آزربایجانین قورتولوشو اوچون اوزوموزو مدافعه ائتمه قووه یه احتیاج اولدوغو قاچینیلماز دیر.
عزیز یوردداشلار:
میللی حرکتین بیر بولومو علنی و مدنی یوللارایله مجادیله ائدیرکن ، مطلقا بیرباشقا بولومو هر چئشید  آغیر شرطلره و سالدیریلارا حاضیرلیقلی اولمالیدیر،
اونوتمامامیز لازیمدیرکی، دوشمنلریمیز تاریخ بویو نه قدر آجیماسیز  و قان توکمکده ماهیر  اولدوقلارینی گوسترمیشلر.
بیر داها  میللی قیامیمیزین قان ایچینده بوغولماسینا ، میللتیمیزین قتل عامینا، سورگون  و دوسداق، و شیکنجه ائولرینه گونده ریلمه سینه  گوز یوماق ایسته میریک ، بئله بیر فاجیعه ،  اوز وئریرسه ،نه تاریخ و نه انسانیت  بیزلری باغیشلامایاجاقدیر.
بیز بوتون میللی حرکتیمیزین ایچینده یئر آلان تشکیلاتلارا  و اونلارین وئردیی مجادیله یه  حورمت قویور،   و امید ائدیریک  میللی حرکتین ایچینده کی بوتون تشکیلات و شخصلر یوردوموزون چیخارلارینی  اوز تشکیلاتی و شخصی چیخارلارینین اوستونده گوروب و بیرلیکده ایشغالچی دشمن و اونون متحدلر ایله قورتولوش ساواشیندا یان یانا اولسونلار، دوشونجه فرقلیلیکلریمیز، آزاد و مستقیل وطنیمیزده دئموکراتیک  یوللارایله هئچ شبهه سیز سوردورمه لیک.اما بوگون قورتولوش مرحله سینده اولکه میز بیزدن بیرلیک و برابرلیگی گوزله ییر.
۱۰.۰۵.۲۰۱۶

 

Comments,Baxışınız
oguz gif telegram