/  
بیریمجی صحیفه » مقاله لر و باخیشلار » بوگون کي حالدا اورمو گؤلو اوچون ميلي فعاللار نه ائتمه‌ليدير؟
اورمو گؤلو اوچون ميلي فعاللار نه ائتمه‌ليدير؟

بوگون کي حالدا اورمو گؤلو اوچون ميلي فعاللار نه ائتمه‌ليدير؟

اوغوزتی وی: اوشاقدا بیلر کی اورموگؤلونون قصدا قورودولماسی فارس مولا رژیمینین آنتی تورک و ضدآذربایجان سیاستی نتیجه سینده دیر. یاراتدیقی بو قورخونج فاجيعه دن بئللی هدفلرگودور و بول بول سیاسی و ایقتیصادی قازانجلارگؤزلويور.بو هدفلرین باره سینده یوزلر میلی‌ فعال ومتخصص مینلر دفعه دانیشیب.

اورمو گؤلو قورورسا, آرتیق آزربایجان تورک میللتی ده, اونون کشکینده اولان میلی‌ حرکت ده, چوخ شی‌ ایتیرجک. داها آجی سی‌ زمان کچیدیکجه بو فاجعه نین وردیی ضررلرینین تلافیسی و جبران ایمکانی و احتمالی‌ صیفراولور. آنجاق اورمو گولونون قصدا قورودولما فاجعه سینده دیگربیرگروپوندا بویوگ گناهی وتاثیری وار! اودا میلی فعال آدیلا اورتادا گئزئن بعضی شخصلردیر.

بعضیلری کی اوزلرینه میلی‌ فعال دیللر, آزربایجان تورک لرینین ۱۳۹۰ تا ۱۳۹۲جی‌ ایلرده حاقلی و چوخ موثر خیابان اعتراضلارین دوردورماق اوچون روحانی وغاصب ایران رژیمنین دادینا چاتدیلارو فارس رژیمینه وکیل کیمی‌ گرونوب آزربایجانلیلاری اوده اتورمقا و روحانی‌يه آرخایین اولمالارینی ساغلادیلار , فارس رژیمیندن داها چوخ ازربایجانلیلارین بو یالان وعده لره اینانمالارینا و خیابان اعتراض لارینا سون ورملرینه زحمت چکدیلر .بو آزینلیق طیف, آزربایجانلیلارین اورموگؤلونون قصدا قورودولماسینااعتراض اولارق, کچیردیکلری موثر خیابان اعتراضلارینین قاباغین آلماق اوچونده , هر دونا گیردیلر،خیابان تظاهراتی دوزنلینلره خشونت طلب ،جاهل آدلاری قویدولار، یا گوردوک کی‌ میلی فعال آدیلا ملتی ایکنجی دوره انتخاباتدا شرکت ائلمغه و روحانینین یالانلارینا ایناماغا دعوت ائتدیلر.حتي روحاني اوچون ديگر ميللي فعاللارا سالديرديلار و حرکتده تفرقه لري آرتيرديلار.

بوگون اورمو گولو اعتراضاتلاریندا توتوقلو یا حوکوملو ویا شکنجه اولوموش ملی فعالاریمیز وار.گؤرسئن بو اوتانمازلار نجه بو اینسالارین و اونلارین عایله لرینین اؤزونه باخایرلار؟

بوگون اورمو گولو اولاییندا و رژیمین بو قدر یالانچی لیغی اورتایا چیخدیقی بیر حالدا نیه سوسوبلار ؟

آذربايجاني فارس رئژيمينين صانديقينا چکمک اوچون هر هاوا چاليديلار.ایرانین اینتیصابی و نیمایشی رئیس جمهور سئچيملردن(۱۳۹۲-۱۳۹۶ جی ایللرده ) چیخان قاتل و تولکو روحانی‌نین سؤزده قازانماسيندان سونرا, کيملر ميللي فعال آدينا بونو ميللي حرکت ين باشاريسي آدلانديرديلار؟

اورمو گؤلونون قورودولما پروژه سينين دوردولماسي و حتّي جانلاديرماسي ( احياسي ) حاقيندا وئريلن پوپوليستي شوعارلار و يالان وعده لر ايله, ميلتي آلداتان رئژيمي قينانامامق بير کنارا قالسين, بيرده بو يالان وعدهلري رئژيم يئرينه تبليغ ائديب آلقيشلايانلار, اورمو گؤلونون قورودولماسيندا رئژيم قدر گوناهکار دئييللرمي؟

ميللتين باشيني پوشآلی و قوندارما فراکسيون ايله قاتان و فراکسيونو تشکيل ائدن رئژيمين آداملارينا ميللي بزک ووران، بونودا اوتانمادان حرکتين اوغورو آدلانديران سؤزده ميللي فعاللار, ۲۳ تير اولاييندان نقدر درس آلا بيلديلر؟قاضيپورلاردان, بهادري لردن, حضرت پورلاردان پزشکیانلاردان روحانی‌ لردن و رئژيمه قولوق ائدن بوتون مانقورد و قولاقی توکلولردن ميللي و قهرمان ياراديب ميلتين اصيل قهرمانلارينا لکه آتانلار نييه بوگون لال اولوبلار؟

بو آزینلیق طیف,اما بعضا منفی‌ تاثیر بیراخاجاق گوجه مالیک اولان طیف, اورموگؤلونون قصدا قورودولماسی سورونو کیمی‌ , آزربایجانین دیگر حساس موضوع لاریندا دا,آزربایجان میلی‌ منفعت لرینه قارشی فعالیت ادیرلر و آزربایجان چاغداش میلی‌ آزادلیق حرکتینه‌ منفی‌ تاثیربیراخایرلار.
بو طیف میلی‌ حرکت اوچون یالان و جایدیریجی سیاسی هدفلر تعریف ادیر و اونا میلی‌ بزئک ووراراق میلی‌ فعال لاری او مصنوعی (اما قولاقا خوش گلجک )هدف لره چکمک اوچون,حرکتده ینی‌ شکاف لار و فرعی یول لار آچير(مثلا ايران تورکلوگونوآزربایجان تورکلویو یرینه پمپالاماق و آذربايجان وطن آنلاييشيني ايرانلا دئيیشمک کيمي ,ایران رژیمینین قانون اساسی‌ سی‌ چرچیوسینده فعالیت ائتمک کيمي ، رژیمین پارالل تشکیلاتلاریندان حمایت ائتمک کيمي..) ,ایران آدلانان اولکده هر اوشاق دا بیلیر کی‌ شورای نگهبانین آزربایجان تورک لرینه میلت وکیلی اولاراق معرفی الئدیغی آزربایجانلیلار ,رژیمین اوزونون تربیت الئدیغی صاديق مانقوردلاردیر .

اونلاری آزربایجان تورکلرینین میلت وکیلی اولاراق گورمک اخماقلیق, اونلاری آزربایجان پرست اولارق تانیماق کورلوک و اونلاری آزربایجان تورک لرینه میلی‌ قهرمان کیمی‌ تانیتماق ایسه خیانت دیر.
اونوتماياق کي اونلار آذربايجانلي یا تورک اولا بيلرلر آما تورکه و آذربايجانا قارشي الوب و دوشمن خيدمتينده‌ديرلر.هر زامان دئميشم کي هر تورک دوغولان ، تورک اولاماز.

بویوک آتا تورک دئيير کي نه موتلو تورکوم ديينه! دئمير نه موتلو تورکوم دوغولانا !
تورک دوغولماق تورک اولماق اوچون يئترلي دئييل. بوگون اطلاعاتدا بيزيم گئنجلري ايشکنجه ائدن ،محکمه‌لرده ميللي فعاللاري زيندانلارا محکوم ائدن، ميلتيميزه خيابانلاردا سيلاح چکن ،وطن توپراغيني ساتان مسئوللار، میلی‌ فعال آدینا آرامیزا سیزیب میللتچی لری ساتان و موخبیرلرین.. هاميسي مانقورد تورکلردير کي فارسا و ايرانچيليغا قوللوق ائديرلر.
اونلار سوي اولاراق آذربايجانلي یا تورک اولا بيلرلر آما تورکه و آذربايجانا قارشي اولوب و دوشمن خيدمتينده‌ديرلر.
نه یازیق کی‌ اصیل آزربایجان سئور میلی‌ فعال لار آراسیندا اختلاف سلیقه ، باخیش اختلافی وار. اما اصیل و گئرچک بیر آزربایجان میلی‌ فعالی, آزربایجانی ایرانچیلیق قوجقینا آتماز! ایران ایشغال رژیمیندن مدد گوزلئییب اسیر و استعمار اولأن میلتینی غاصب رژیمینین رئیس جمهورونون دالیجا چکیب و اونون یرینه اونون یالان وعدهلری تبلیغ ادیب, میلتی آلداتماز!

 

بوگون کي حالدا اورمو گؤلو اوچون ميللي فعاللار نه ائتمه‌ليدير؟
۱- آذربايجانين بوتون شهرلرينده‌ اورمو گؤلو اوچون دواملي و هدفلی خيابان اعتيراضلاري ترتيب ائتمه‌ليک بونونلا ياناشي خاريجده بوتون اؤلکه‌لرده تظاهرات و سياسي گؤروشلر کئچيرمه‌ليک و گونئي ده اولان اعتيراضلاري دونيايا يايماليک.اورمو گؤلونو ۱۳۹۰-تا ۱۳۹۲ جي ايللر کيمي بوتون دونيا دؤولتلرين ديقيتينده ساخلامالييق.
هدفلی خيابان اعتيراضلاري ندير؟ هدفلی اعتيراضلار اولماق اوچون ۲ اؤنملي سوالا جواب وئرمه‌ لیک
الف: بيز ميلت اولاراق بو اعتيراضدا نه هزینه وئريب نه اله گتيره‌جيک و هدف ميز اعتيراضدان نه اله گتيرمکدير؟
ب:نئجه باشاريلي اولاجاييق؟

خييابان اعتيراضلاري دواملي آرا وئرمه‌دن نچه گون چکرسه چکسين هدفه اولاشمادان گئري دؤنممه‌لي .(مثلا هدف لر سدلر آچيلمادان ائوه دؤنمک يوخ) ۶- گون ميلت ائوه گئتمه‌سه دؤولتين بوتون ايشلتيم مئکانيزمي دوراجاق, اوزامان یا رژیم ايستکلره بويون اَيه‌جک يا اييش داهادا آذربايجان خئيرينه ايررلييه‌جک. نه يازيق کي آذربايجاندا بيزييم تظاهراتلاریمیز هدفسيز و دوامسيز اولور.ميلتي يؤنلته‌جک ميللي فعاللار يوخاريداکي ندنلردن باشاريلي بير ايش گؤره بيلمه‌ييرلر .

۲-آذربايجانين بوتون متخصص لرين اورمو گؤلونو قورتارماقين تک يولونو اورمو گؤلونه تؤکولن چايلارين آچيلماسي اولدوغونو دئييلر.اورمو گؤلونه آخان چايلارين قاباغيندان, سئپاه پاسدارانين تيجاري سدلري گؤتورلمه‌ليدير. نه مصنوعی بولوت ،نه آراز سويونو چکمک،نه خزر سويون چکمک،و نه باشقا پوپوليستي شعار لاريلا اورمو گؤونو قورتارماق مومکون اولماز. خزرده سو چکيله‌جک ! اراز دان سو چکيله‌جک !هم علمي و هم عملي و همده سياسي باخيمدان غئيري مومکون اولان بئله شعار لارا اينانماق, ساده ليکدير.
دواملي اعتيراضلاريميزلا رئژيمي مجبور ائتمه‌ليک بو سدلري قالديرسين بو تيجاري سدلري افشا اتملیک.وئريلن مهلتدن سونرا ( چوخ ۳۰گون) سدلر قالديرماياجاقسا, متخصصلر ميللي فعالارا علمي اولاراق, سدلرين پارتلانماسيني اؤيرتمه‌ليدير. قابل اعتماد مسئولیتلی میلی‌ فعال لار,بیرلیک ایچرسینده بوائيلمي فورا یونتملیدیرلر کي,سدلردن آچيلان سو کندلره و اکینجی توپراقلارینا و حتی شهرلره ضرر وئرمه‌دن, اورمو گؤلونه آخسين.بير طرفدن خيابان اعتيراضلاري ديير طرفدن سدلري پارتلاتما خبرداليغي و حتي عملده ۱-۲ سدين قالديرلماسي ۱۰۰% نتيجه وئره‌جک و اورمو گؤلون سون قورتولوشودور. رئژيم بو ايکي فيشار اهرومو قارشيسيندا داياناماز.
بونون اوچون, آجيل ميلي بير کوميته يا قوروم يارانماليدير, چون۱ ایل ایچرسینده سدلر ییخیلیب, سولار آچیلمازسا ۱۵ میلیون آزربایجانلینی محو ادجک فلاکت باشلیاجاق و آرتیق بو فاجعهٔ نی انگلمک و آزربایجانی قورتارماق هئچ بییر ایش گورمئک مومکون اولمایاجاق.

اونوتماياق ,رژيمين دردي و قورخوسو گرچک ميللييتچي اولانلاردير, “وطن: آزربایجان” آدرسینی “ایران” ايله ترس سالمایان،جاني و بوتون وارليغي باهاسينا آذربايجاندان و عدالتدن آيريلمايان،هئچ بير سياسي اويونا گلمين، هرسیاسی و غیر سیاسی موضوعیا آزربایجان زاویه سیندن و تورک میلتینین میلی‌ منفعتلری اساسیندا باخیب تحلیل ائدن ,اؤزونو ايرانين سياسي تعريفلريله دئييل (هویت طلب -استقلال طلب- تجزیه طلب -فعال مدنی -پان تورک )اؤزميلتينين سياسي تعريف لريله تانيدان و دئيير وئرن(ميللتچي-ايستيقلالچي -يوردچو -تورانچي),ميلتچيليک پرئنسيبلريندن و اخلاقی‌ دئیئرلریندن آيريلمايان،توتودغو يولدا صبيرلي و عزملی اولان،اياغين باسديغي يئردن گئري آتديم آتمايان (ثابت قدم اولان), جسارت ایله اذربایجانین آزادلیغی و ایستیقلالیتینی دیله گتیرن، فارس رژیمینی آزربایجان دا ایشغالچی گؤروب رژیمدن هچ بیر حق طلب اتمیین, ملتینین غصب اولونموش حاقلاری آلماق اوچون رژیمدن حق طلب اتمئک یرینه اونونلا مبارزه ادئن ،سياسي اولاراق موخاليف ميللئتچيلره اخلاقلا ياناشان ,خائن لر و دشمن لردن باشقا بوتون میلتینی قوجاقلایان میلی‌ فعاللاردير.
آتاخان ۱۳۹۶

Comments,Baxışınız
oguz gif telegram