/  
بیریمجی صحیفه » مقاله لر و باخیشلار » بوگون ۱۷ ژانویه مدینه گلگون خانیمین دوغوم گونودور.
بوگون ۱۷ ژانویه مدینه گلگون خانیمین دوغوم گونودور.

بوگون ۱۷ ژانویه مدینه گلگون خانیمین دوغوم گونودور.

 

اوغوزتی‌وی: مدینه نورالله قیزی ( مدینه گولگون ) آزربایجان خانیم شاعیری دیر .مدینه خانیم گولگون ١٩٢٦-جی ایل ژانویه نین ١٧-سینده باکی شهرینده آنادان اولموشدور .ابتدایی مکتبی باکی دا بیتیریب ١٩٣٨-جی ایلده آیله سیله بیرلیکده گونئی آزربایجانا اردبیل شهرینه کوچوبلر .سونرا تبریز شهرینده یاشامیش . ١٩٤٥ و ١٩٤٦-جی ایللرده گونئی آزربایجان میللی حرکتینین فعال ایشتیراکچیسی اولوبدور و عومور بویو شعرلریله بو اینقلابین جارچیسی کیمی اولوبدور .

مدینه خانیم گولگون آزربایجانا چوخ باغلی اولدوغو اوچون اوغلونون آدینی دا آراز قویوب دور و تبریز حاقیندا چوخلو حسرت شعرلر یازیب مدینه خانیم گولگون دن “تبریزین باهاری ” ، ” ساوالانین اتکلرینده ” ، ”صولحون سسی ” ، ” یادگار اوزوک ” ، ” تبریز قیزی ” ، ” دونیامیزین صاباحی ” ، ”دورنالار قایداندا ” ، ” دونیا شیرین دونیادیر ” ، ” یورا بیلمز یوللار منی ” ، ” کونلومو اومودلر یاشادیر ” و اونلارجا دیگر شعر کیتابی درج اولونموشدور .کی بو کیتابلارین باشلیق لاریندا انسان آزادلیغی و تبریز حسرتی یئر آلیرمدینه گولگون ، آزربایجانین میلی حركاتی‌نین دؤورونده ، اؤز‌ل‌لیك‌له میلی حؤكومت زامانیندا گونئی آزربایجانین گؤركملی موباریز و مدنی قادین‌لاریندان اولموشدور.او خوصوصی ایله « آذربایجان» قازئتی‌نین موخبیری اولان زامان دورلوخیدمت‌لر گؤسترمیشدی.

مدینه خانیم هله قادین‌لار كولوبونون رهبرلریند‌ن سایاگلیردی.ائله بو زامان‌لاردا ایدی كی میلی مجلیسده، او مجلیسین وكیلی ، اولوشاعیر و چالیشقان آزربایجان اوغلو « بالاش آذراوغلو» ایله یاخیندان تانیشلیق‌ تاپیب ،سونرالار باكی‌یا موهاجیرت ائد‌ركن ١٩٥٠ـ جی ایلده بیر توكنمز سئوگی حیسی ایله ، بیرده موشترك علاقه‌لر اساسیندا اونونلا ائولنمیشدیر

مدینه گولگون ١٩٩٢-جی ایلده فوریه نین ١٧-ده باکی شهرینده وفات ائتمیش وفخری خیابانیندا دفن ائدیلمیش دیر مدنیه خانیمین روحو شاد اولسون

Comments,Baxışınız
oguz gif telegram