/  
بیریمجی صحیفه » مقاله لر و باخیشلار » تئهران يا ديه-آران ،آزربایجانین تاريخي اراضی‌سی- تهراندا یاشییان آذربایجانلیلار و میللی اویانیش
تئهران يا ديه-آران ،آزربایجانین تاريخي اراضی‌سی- تهراندا یاشییان آذربایجانلیلار و میللی اویانیش

تئهران يا ديه-آران ،آزربایجانین تاريخي اراضی‌سی- تهراندا یاشییان آذربایجانلیلار و میللی اویانیش

اوغوزتی‌وی:تئهران يا يئرلي قدیم آذربايجان تورکلرينين دئييمي ايله ديه-آران (ديکاران)،آزربایجان تاريخي اراضی‌ سینین ان مرزی توپراق لاری و قاجارسولاله‌سينين آتا بابا یوردو, تورکلرين اينشا ائتديگي تورک شهريدير! تئهران شهري آذربايجان تورکونون باکيدان سونرا ياشاديغي چوخونلوق شهير، عئيني زاماندا، دونيا تورکلرين تورکلرين نين ايستانبولدان سونراياشايان ايکينجي بؤيوک شهريدير. شهرين اهاليسينين ان آز ۶۵ %-اي تورکلر تشکيل ائدير.

تئهراني ايلکين اولاراق,تورک امپراتورو  قاجار سولاله‌سينين ايلک سلطانی  آغا محمد شاه قاجار,  اوز دولتی اوچون باشکند  سئچميش و بو شهری تیکمیش دير. اونون سونونجو پايتاخت تاريخي ۱۲۹۹ تورک امپراتوریسی‌ قاجار, انگلیس طرفیندن ییخیلیب و دولت  فارسلار طرفیندن غصب اولدوقدان سونرا فارسلار بو اراضی‌ نی‌ غصب ادرک  اوزلرینه  تهرانی‌ پایتخت اولاراق سچیبلر.بو  تاریخدن سونرا  فارس دیلی رسمی‌ اولور و فارسچیلیک ,آریا چیلیق و الئجده تزه یارانان ایران و ایرانچلیق , تهرندا بیرینجی مُدا مینیر.ایشلره یانلیز یاخچی  فارسی بیلئن  آلینیر و بللیکله  فارسلار تهرانا آخین ادیر و تهران دا فارس جمعیتی نچه قاتا آرتیر .

تئهرانين شهرسالما قورولوشوندا دوزبوجاقلي شبکه عمله گتيرن کوچه‌لر، مئيدانلار، باغلار، فوواره‌لر، قديم آذربايجان تورکلرينين آبيده‌لري و آذربايجان و موعاصير آوروپا معمارليق اوسلوبوندا تيکيلميش چوخمرتبه‌لي مئهمانخانالار، بانکلار، اينضيباطي بينالار، مولک‌کوتتئجلر و ۱۰-۱۵ مرتبه‌لي ياشاييش ائولريندن عيبارت محلله‌لر (۱۹-۱۸-جي عصرلر-تورک امپراتوریسی‌ قاجار دورو) اوستونلوک تشکيل ائدير. 

 

ايندي ايسه ايران فارس دؤولتينين رسمي استتییک وریلرینه (آمار لارینا) نظر سالاق. ائلبروزون يا فارسلاشميش البرز ؤن حيصه سينده،دماوند داغينين اتگينده،۱۱۰۰-۱۳۰۰ م. هوندورلوکده يئرلشن تئهران شهري يا يئرلي قدیم آذربايجان تورکلرين دئييمي ايله ديه-آران شهرينين بو گون تخمينن ۱۶ ميليونا ياخين اهاليسي وار. سؤزسوز بو استتییک وریلرینده (آمار لارینا) تورکلر قصدن آز گؤستريليب، آما يئنه ده سايلاري آز دئييل. آزربایجان تورکلرین  آزینلیک (اقلیت ) دمئک هم بویوک تحقیر هم ده میلی‌ حاق لارینی انکار و غصب اتمک دیر .

ايران آدلانان اؤلکه‌نين ۴۰ فايزه ياخيني يئنه آذربايجان و ديگر تورکلردن عيبارتدير. بو سؤزلري بيز دئميريک.  
فارس دؤولتينين رسمي استتییک وریلرینده رقملرده تئهرانين دا آدي خوصوصي اولاراق چکيلير. بئله کي، پيتاخت اهالينين ۵۰-۶۰ فايزينين تورک اولدوغو بيلديريلير کي، بو رقملره ديقت يئتيرسک، ان آزي ۵،۵ – ۶ ميليون نفر تورکون اولدوغونو تخمين ائتمک مومکوندور. بئله کي، پايتاختدا ۱۱ ميليون ۱۷۶ مين ۲۳۹ نفرين ياشاديغي ستاتيستيک حساباتدا عکسيني تاپيب.
فارس دؤولتينين رسمي استتییک وریلرینده شرقي آذربايجان، اردبيل و زنجان اهاليسينين هاميسينين تورک اولماسيني نظره آلاراق بو بؤلگه‌لرده عوموميليکده ۵ ميليون ۵۳۰ مين ۴۲۴ نفر تورکون ياشاديغيني قئيد ائديب. غربی آذربايجان  ايران هؤکومتينين يوروتدويو سيياست نتيجه‌سينده اراضييه چوخ سايدا  کؤچري کوردون کؤچورولمه‌سي پروسئسي ايللرله داوام اتسده اهالینین ۹۰ % تورکلر دیر.فارس دؤولتينين رسمي استتییک وریلرینده تورک اهاليسينين ۲ ميليون ۱۲۱ مين ۸۷۲ نفر اولدوغونو گؤسترير. کردستان آدلی ایران ایالت لرین بیرینده ۴ آزربایجان بویوک  شهری بیجار – قوروه سونقور وار و بو  قوندارما ایالتین اهاليسينين ۲۰% تورکدور .

فارس دؤولتينين مقصدی ايران اشغالینده اولان اذربایجانین باتیسینی‌ کردلشدیريب و اذربایجان تورکلرين تورکييه و قوزئي آذربايجان تورکلري ايله علاقه لريني محدودلاشديرماق اولوب کي، سرحد کندلرين، تورکلرين دده‌بابا تورپاقلارينا کوردلرين کؤچورولمه‌سي پروسئسي ده بو سببدن ووسعت آليب.  
“تئهران پايتاخت اولماقلا ياناشي همچنين تيجارت، صنايع و سيياست شهريدير. اگر ۱۹۵۱-جي ايلده بو شهرين اهاليسينين ۳۵ فايزيني تورکلر تشکيل ائديرديس، ۱۹۷۸-جي ايل اينقيلابيندان سونرا گونئي آذربايجاندا ايشسيزليک، سوسيال‌ايقتيصادي گئريله‌مه سببيندن پايتاختا کؤچ ائدن اهالي بو رقمين ۶۰ فايزه قالديريلماسينا تکان وئردي. تئهران اطرافيندا سون ايللرده قورولان و سورعتله بؤيوين ياشاييش يرلري ده نظره آلينماليدير. بئله کي، ايسلامشهرده ۲۶۵ مين ۴۵۰، رسمي سندلرده قودس کيمي گؤستريلن، اهالي آراسيندا ايسه قالا حسنخان کيمي تانينان شهرده ۱۳۸ مين ۲۷۸، تئهرانين ايچريسينده‌کي کرج، مئهرشهر و رجاييده ۹۴۰ ۹۶۸ نفر اهالي اولدوغو بيلديريلير. بونلار بؤيوک تورک شهرلرينه اؤرنک اولاراق گؤستريلير. بو سببدن تئهران ويلايتينين ۶۰ فايزينين تورک سويلو اولدوغو قبول ائديلير کي، بو دا ۶ ميليون ۷۰۵ مين ۷۴۳ نفر دئمکدير”.

دونیادا آزادلیق ، دمکراسی ، اینسان مقامینا وحقوقونا حوُرمت واوُنو قوُروماق پروسئسی گوُن به گوُن گوُجلئنیب دئیشیلمز و اینکار اوُلونمازبیرقایدا قانونا چئوریلدیگی زاماندا ، شرق عالمینده آزادلیق ، دمکراسی بایراقی ایله باشلانان مشروطه اینقلابی ایرتیجاع وایستعماروسیله سی ایله سوُنومغلوبییته اوغرادیقدا ایران آدلانان یئرده اوُزون ایللردن بئری آزادلیق ، دمکراسی ، اینسان حاقلاری مستبد حاکیمییتلروسیله سی ایله تاپدالانیب یاساقلاناراق آزادلیقدان مدافعه ائدن بوتون صینفی دمکراتیک تشکیلات لار،سندیکالار،آزاد مطبوعات آزاد عقیده لری اوُلان اینسانلارلا بیرلیکده یاساقلانیب یوُخ ائدیلمیشدیرلر.

Tehran

حاکیم دیسپوت لارین هجومونا معروض قالان غیر فارس میللت لراوُلسادا ، آنجاق شوینیسمین قانلی قیلینجینین ایلک هدفی آذربایجان تورکلری اوُلموشدور فارس ایرقچیلقی نین أمرینده اوُلان بیرعده شخصییت سیز لات لوت لومپنلر ، اوُغرولار، اوُلکه نی چالیب چاپیب میللتین ثروت لرین غارت ائدنلر، ظالم لر دیکتاتورلارلا ایش بیرلیگی ائدیب اوُنون جینایتلرینه آچیق مئیدان یاراد میشلار بوُیوک زحمتکش خالق کوتله لری هرگون یوخسوللوقا ، سفالته جوربه جور فسادلارا سوروکلئنرکن ، آیدین ضیالی اینسانلار زیندانلاردا سوُرگونلرده چورویوب ، عوُمورلری سوُنا چاتمیشدیر. عوضینده غارتگرلرین ثروتی هم شاه و هم اسلام رژیمینده داخیلده و خاریجده گون به گوُن یوکسئلیب نجومی رغمـلره چاتمیشدر. هر صینیف دن اوُلان قاباقجیل اینسانلاری اوُلدوروب ، یووالارین داغیدیب یوخُ ائدن پهلوی رژیمی نین عمللری نتیجه سینده ، مذهب آدی باشدا اوُلماقلا بیر سوُرو فوناتیک جانی و جبّارآداملارین حاکیمییته گئلمه سینه زمینه یاراندی ، وبوگوُنکو حاکمیت کئچمیش رژیمین قـدّارواریثی وآجی ثمره سی اوُلدو. اوُگوُنلرین جانلی شاهیدلری اوُلان بیزلر، اینقلاب آدلانان فلاکته نظرسالدیقدا ، گوُرونورکی اوُزون ایللر بوُیو تهراندا یاشییان آذربایجانلیلارین اینقلابدا و اونون ثمره چاتماسیندا اوُنئملی و تعیین ائدیجی نقش لری وارایدی وکیمسه اوُ نقش لری اینکارائده بیلمز.

آنجاق نه یازیق کی آذربایجان تورکلری اوزون ایللردن قاباق پهلوی لرین آسیمیلاسیون سیاستی نئدنیله اوُزآنا وطنلریندن دیدرگینلیگه اوُلوب تهراندا و فارس شهرلرینده أن چئتین حئیات شرایطینده و جوربه جور تحقیرلره توهین لره معروض قالیب یاشاماق نامی ایله عوُمور کئچیریردیلر.البته(بیرعده کیملیکلرین ایتیرمیشلردن باشقا) قالان بوُیوک آذربایجانلی کوتله سی مجبورییت اوُزریندن پهلوی رژیمی نین ظولملرینه وشوینیست سیاست لرینه قاتلانسالاردا ، آنجاق اوُره کلرینده همان رژیمه قارشی باریشماز نیفرت لری اوُلدوقدا ، اوُ قورقونون بیرآن أوول داغیلیب آرادان گئتمه سین آرزو ائدیردیلر، آیدین دوشونجه لی ، دمکرات اینسانلار بو سبب دن اینقلابدا ایشتراک اتدیلرکی پهلوی رژیمیندن سوُنرا اوُنون یئرینده بیر دمکرات حاکیمییت یارانسین ، نه اینکی اوزون عصرلربوُیو حیله گرلیک ، ریاکارلیقلا ، اینسانلارین دینی اینانجلاریندان سوء ایستفاده اتمئکله دین و شریعت پرده سی آلتیندا بیرسوُرو تجاوزکار قولدورلار میللتین سرنوشتینه حاکیم اوُلوب قانلار توکمئکله بوگوُنکو فاجعه لری یارادیب مظلوم ،شرفلی اینسانلارین سرنوشتینه حاکیم اوُلسونلار.

  آذربایجان تورکلرینین «اینقلاب» دا فداکارلیقلا ایشتراک ائدیب ، اوُنون سرعتله غلبه قازانماسیندا بویوک سهم لری تاریخی نقش لری اوُلسادا ، آنجاق نه یازیق کی آزادلیق ، دمکراسی ، عدالت دویغولاری ایله جانلارین قوربان وئرن آذربایجانلی لارین ، اوُزلرینه عاید اوُلان ، آذربایجانچیلیق مفکوره سینه دایانان مستقیل میللی سیاسی تشکیلاتلاری نین یوخلوقو نئدنیله دوشمانلارین پرده آرخاسیندا حاضیرلانمیش سناریولاریندان خبرسیز قالدیقدا ، فوناتیک ، دینچی شوینیست لرین اوُیونلارینا یئم اوُلدوق ، بونوندا عمده سببی ۳۲ ایل موُدتینده ۱۳۲۵ اینجی ایلدن ۱۳۵۷ اینجی ایله قدر میللی ، آکتیو مستقیل آذربایجانچیلیق دویغوسونا دایانان تشکیلاتیمیز یوُخ ایدی و میللتیمیزگیزلی آشکار باش وئرن حائیثه لردن بیلگی سیزلیگینین حالیندا قالمیشدی . نتیجه ده ایران آدلانان یئرده یاشایان میللت لرین سرنوشتی نین بئله بیر فلاکته اوُغراماسی نین سببی تشکیلات سیزلیق و سیاسی شعورون یوخسول لوقوندان مئیدان گئلدی . اینقلاب باش وئردیگی چاقدا «ایران» جامعه سی هئله ۲۸ مرداد کودتاسی نین ۲۵ ایللیک خفقان پروسئسیندن اوُزون قورتارا بیلمه میشدی ، اوُنا گوُرادا جامعه ده درین سیاسی ، ایجتماعی رهبرلیگ بوُشلوقو حوُکم سورمئک ده ایدی .

 

۲۸ مرداد کودتا سیندان سونرا ایران آدلانان یئرده تام راسیست بیردیکتاتوُرلوق رژیمی ، پلیس ، ساواک ، آختاریش ، تفتیش جامعه یه حاکیم اوُلدو و هرگون داها آرتیق گوجلئنیب وحشی لئشدیب نفس لری بوغماقا داوام وئریردی .

۲ ـ بوُتوُن دمکراتیک مطبوعات ایسترتهراندا و یا هرهانسی شهرلرده شیدّتله یاساقلاندی ، مسئوللاری ، یازارلاری توتوقلانیب حبسه سالینیب و یا اعدام اوُلونوردولار.اینسانلار بیر جیلد کیتابی یا هرهانسی اعلامیه نی أله کئچیر دیکده اوُنو قورخو ایله گیزلیجه اوُخوماق مجبورییتینده قالیردیلار، شاهین ساواک تشکیلاتینین تفتیشی نتیجه سینده توتوقلانانلار ایسه أن بوُیوک و آغیر جزالارا محکوم اوُلوردولار، دوُولت ایداره لرینده ، کارخانالاردا ، خصوصی شیرکت لرده و یا هر هانسی خصوصی یغینجاقلاردا ، سیاست دن دانیشماق یاساق لانمیشدی ، حتی بازاردا ، توکانلاردا محله ده ساواکین أمری ایله بئله بیر تابلو یازیلیب گوُز قاباقینا قویولموشدو. (بحث‌های ۳۰ یا ۳۰ ممنوع )

۳ ـ آذربایجانا گئلدیکده : آذربایجاندا میللی حاکیمییت قورولدوقو گوندن فارس شوینیسمی و اوُنونلا بیرلیکده اوُزون آذربایجان میللتی نین قئییمی حساب ائدن توده پارتیسی نین گوُزونه اوُخ کیمی باتیردی ، بونا دائیر بوگوُن هئله لیک بیرچوخ جانلی شاهید لروار، بوسببدن روس سوسیال ایمپریالیسمی وتوده پارتی سینین خائین سیاستلری نتیجه سینده آذربایجان میللتی پهلوی رژیمی نین قانلی هجومونا معروض قالدیقدا ، میللتیمیزین ایگید قهرمان اوغول ، قیزلاری قان دریاسیندا بوغولدولارومیللی دوُولتیمیزی داغیتدیلار و سوُنرا لار خالقیمیز بیرداها اوُزونه گئله بیلمه دی وآذربایجاندا هئچ بیرمیللی باغیمسیز پارتیا و یا مستقیل تشکیلات یارانا بیلمه دی. میللی حاکیمییت داغیلدیقدان سوُنرا قوزئی آذربایجانا کوُچن دمکرات فرقه سینین کادرلاری و یا عضولری کرملینه نوُکر و کوُله اوُلان حزب توده نین اینحصاریندا قالدی و گئت گئده سیاسی باسقیلارلا پاسیف لئشدیلر .

۴-اینقلاب پروسئسینده تبریزده یارانمیش حزب خلق مسلمان ، تکجه آدی آذربایجان پارتیسی اوُلدوقو اوچون وحزب توده یه باش أیمه دیگینه گوُرا ، اوُز موقعین تهلیکه ده گوُرن حزب توده نین وحشتینه سبب اوُلدو ، نتیجه ده آذربایجان دوشمانی اوُلان لار ایله بیرلیکده خلق مسلمانی داغیدماق اوچون جوربه جورموذیانه ، داغیدیجی سیاسی فیتنه لره ، هجوملارا ، اتهاملارا باشلاندی و نهایتده حزب خلق مسلمان آذربایجانین آدین داشیدیقی اوچون غیرقانونی اعلان اوُلونوب ، اعضاسی توتوقلانیب اعدام اوُلوندولار و آردینجا آیت الله شریعت مدارینی تهرانا گئتیریب ، خسته لئندیریب اوُلدوردولر، بئله لیکله حزب توده ، حاکیمیت ایله بیرلیکده اوُزآنتی تورک و شوینیست هدف لرینه نائیل اوُلدولار.

۵ ـ آذربایجاندا حزب خلق مسلمانین یوخلوقو نتیجه سینده ، حتی تهراندا آذربایجان کلمه سیندن آد آپارماق تهلیکه لی حالا چئوریلمشدی ، تکجه ۱۳۵۸ اینجی ایلدن ۱۳۶۱ اینجی ایله قدربیرتعداد آیدین ضیالی آذربایجانلی شاعیر ویازیچی لاری نین ایش بیرلیگی و فداکارلیقلاری نتیجه سینده تهراندا آذربایجان انجمنی یاراندی ، بو انجمن ده فعالییت ائدنلرایللر بوُیو تهراندا یاشایان أن صداقتلی ، وطنلرین سئون ، میللتیمیزین میللی وارلیقینا وآذربایجانا وُورغون اوُلان اینسانلاراولدوقدا ، انجمن ایسه بوتونلوکله مدنی وادبی بیر قورولوش ایدی . اجمنین هفته لیک ایکی گوُن آچیق علنی یغینجاق لاریندا میللی موسیقی نین یاییلماسی ایله آذربایجان تورکجه سیند شعرلراوُخونوب ، یازیچیلاراوُز مقاله لرین سونوب ، تاریخ اوزمانلاری تاریخدن بحث لر ائدردیلر و هفته نین بیرگوُنو آنا دیلده درس کلاسی اوُلاردی ، یئری گئلمیشکن اوُ بویوک آذربایجانچی روحلو اینسان لاردان آدلارین چئکمئک هم ضروری و همده بیر میللی وظیفه دیر :
دونیالارین دئیشمیش رحمت لیک لر :
گئنجعلی صباحی معلیم ، دیل شیناس و آنا دیل اوُیرتمنی ، تیمورپیرهاشمی دیل شیناس و اوُیرتمن، تاریخ اوزمانی صمد سرداری نیا ، یازیچی و میللی شخصییت دکترسلام الله جاوید ، قودرتلی بوُیوک اینسان یازیچی شاعیر احمد نورانلی ( فرمان ) ناشر و یازیچی بویوک آذربایجان خادیمی دکترمحمدعلی فرزانه ،۲۵ ایل شاه زیندانیندا اشکنجه لر گوُروب تسلیم اوُلمییان آذربایجان فدائی سی احمد برادران ،هر تهرانا گئلدیکده انجمنی ده یوخلویوب سئویندیرن بویوک اینسان پروفسورذهتابی و آذرخش وچوخ ساید دئیئرلی آذربایجانلی یازیچی، شاعیر و ادبیات شیناسلار، هنرمندلرایشتراک ائدیردیلر، آنجاق حزب خلق مسلمان وتبریز حادیثه لریندن سونرا ، آردینجا تشکیلات لارا باشلانان هجوملارنتیجه سینده ، انجمن تهلیکه نی درک ائدیب دوزگون بیرتدبیرسئچئرئک هئچ ایسته مه دن اوُزفعالییتینه سوُن قویدو وچوخ سایدا اینسانلارین جانین قورتاردی .
بئله لیکله تورک دوشمانلارینا آت گوُتوروب مئیدان چاپمالارینا آچیق مئیدان و زمینه یاراندی و اوُنون دهشتلی قارانلیق تابلوسو بوگون گوُز اونونده دیر. حاکیمیت ایران آدلانان یئرده یاشایان میللت لره قارشی بوُیوک قانلی قتل عام هجوملاری نتیجه سینده هر طرفلی سیاسی ، ایقتصادی ، تفتیشلر و آغیرهجوملار، باسقیلارباشلاندی و گوُن به گون وحشی لئشدیکجه هئله ده شیدّت له داوام اتمئکده دیر.

رژیم تام ایرقچی بیر موقع توتاراق آذربایجان تورکلرین یئنیدن شئیطانی متدلارلا آسیمیله اتمئگ اوچون جوربه جورباسقی ، تحقیر ، آنا دیلیمیزه توهینلر و اونو بوتونلوکله یوُخ اتمئگ و میللتی میزی اوُزمیللی وارلیقلارینا بیگان لئشدیرمئک و آنا دیللریندن اوزاق لاشدیریب اوُنواینکارائدیب فارسلاشدیرماق هدفی ایله چیرکین عمللره باشلادی و هئله ده داوام اتدیرمئکده دیرلر، گوُرورندوُگو کیمی بوگون تهراندا یاشییان آذربایجانلیلارین بیرچوخو اوُزآنا دیللرین اوُنودماق اوزرینده دیرلر. بو اوُ دئمئک دیرکی تهراندا یاشییان ۷ میلیونا یاخین آذربایجان تورکلرین رژیم مختلیف شیوه لرله فلج حالینا گئتیریب ائله کی تورکلره قارشی هرجورتوهینه یامانا ، جوکلارا ساکیت قالیب ، حتی اوزلری ده فارسلارا قوشولوب گوُلوب ، اوُزآنا دیللرینده دانیشماقدان ایمتیناء ائدیرلر.

بودورأن بویوک میللی فاجعه میز. تأسوف لراوُلسون کی اوُزلرین آذربایجانلی بیلن ، عین حالدا صداقت لرینده هئچ شئکیمیز اوُلمییان بیرتعداد آیدین ضیالی آذربایجانلی لار هانسی سببه لره گوُرا اوُزلرین توده پارتیاسی نین میللی حرکت ضیددییتینه قوشولوب ایران تمامییت ارضی ، ایرانچیلیق ، دوشونجه سیندن و چنگیندن اوُزلرین قورتارا بیلمیرلر.
آتا بابالاریمیز دئمیشکن : سو بیر چوخوردا قالسا قوُخویار.
علمی سوزله دئسئک :
بوتون پدیده لر حرکت ائدرکن حالدان حالا چئوریلیب دئیشیلیب تکامول تاپار ، حرکت اتمه ین دئیشیلمه ین پدیده لر اوُزایچیندن چوُرویئرلر . بوتعیین ائدیجی و تاریخی چاقیمیزدا میللی حرکت پروسئسینده آذربایجانین میللی وارلیقین ، گئله جئگین ومیللتیمیزین اوُزسرنوشتینه حاکیم اوُلماسین دوشونن و بو یولوندا مجادیله ائدن بوتون میللی تشکیلات لاریمیزدان آیدین ضیالی شخصییت لریمیزدن ، وطن و میللت نامینه بیرلئشمه لرین آرزو ائدیرم . تهراندا یاشییان آذربایجانلیلارا اوُز توتوب دئیرم ، عزیز تهراندا یاشییان آذربایجانلیلار ، اوُیانین ، آیاقا قالخین ، اوُز میللی وارلیق لارینیزدان آذربایجان آدلی عزیز وطنیزدن ، آنا دیلینیزدن مدافعه ائدین .

گئله جئک بیزیم دیر. یاشاسین آذربایجان

گوندرن:ممدمیانالی(داغلاراوغلو)

Comments,Baxışınız
oguz gif telegram