/  
بیریمجی صحیفه » مقاله لر و باخیشلار » تئیمور توختامیشا: سن من‌دن آذربایجانی آلماق ایستدین
تئیمور توختامیشا: سن من‌دن آذربایجانی آلماق ایستدین

تئیمور توختامیشا: سن من‌دن آذربایجانی آلماق ایستدین

اوغوزتی‌وی:قیزیل اوردا خانی توختامیش ۱۳۸۲-جی ایلده کولیکووو دؤیوشوندن سونرا موسکوانی توتاراق یاندیرماسی و کئچمیش حیمایه داری امیر تیمورلا اوزون مدت قددار موباریزه آپارماسی ایله مشهوردور.

گنجلیینده (قیزیل اوردانین گله‌جک حؤکمدارینین آتاسی حاکمیته اطاعتسیزلییه گؤره اعدام ائدیلدیکدن سونرا) توختامیش سمرقند امیری تیمورون یانینا قاچاراق اوندان کؤمک ایستییر. تیمور اوزون مدت توختامیشی حمایه ائدیر. اصلینده ائله امیر تیمورون کمکی ایله ده توختامیش قیزیل اوردا تاختینا صاحب اولور.

بئله‌لیکله، ۱۳۸۸-جی ایلده‌ن اعتباراً قیزیل اوردا خانی کئچمیش حیمایه داری ایله موباریزه آپارماغا باشلاییر. توختامیش خان زاقافقازییا و غربی ایران تورپاقلارینین بیر حیصه‌سینی اله کئچیرسه ده، تئزلیکله تئیمور اونا گوجلو بیر جاواب وئریر. ۱۳۹۵-جی ایلده تئرئک چایی ساحلینده دؤیوشده قیزیل اوردا قوشونلاری آغیر مغلوبیته دوچار اولور. مغلوب اولان توختامیش خان تاختدان محروم اولور و همچینین تیمورون تعیین ائتدیی خانلارلا دایمی موباریزه آپارماق مجبوریتینده قالیر و فاتح تئیمورا صولح اوچون یالواریر.

کولت. آذ «وئستنیک کاوکازا» ایستینادا امیر تیمور و توختامیش خانین یازیشماسینی سیزه تقدیم ائدیر:

?بیرینجی مکتوب

«مرحمتلی و رحیم‌لی اللهین آدی ایله! خییرخواهلیغی سایه‌سین‌ده بیزی قارداش ائد‌ن و بیر آغاجین تومورجوقلاری، کؤکلری کیمی بیزی اؤز حاکمیتی آلتین‌دا بیرلش‌دیره‌ن اللها حمد اولسون!

بو مکتوب شرفلی، ایسلامین قالاسی تیمور گورگانا گؤندریلیب!

سیز بؤیوک و حؤرمت‌لی سلطان – الله یئنی‌لمز قوت صاحبی اولان هر سؤزونوزدن راضی اولسون. منیم اوچون حقیقتا آتامی عوض ائتدینیز و اوزریمده حاقینیز دونیادا حسابلانا و تعیین اولونا بیله‌جک هر شئیدن اوستوندور. من صادق و ایطاعتکار اوغلون ایندی سنه کئچمیش سهولریمی باغیشلاماغین اوچون یالواریرام.

ایندی صمیمیتله باغیشلانماغیمی قبول ائتسه‌نیز، ایستی هاوادا قورودولان باغ اوزرینه یاغان موبارک یاغیش کیمی اولاجاغام، همیشه و هر شئیده ذات-عالیلرینه اطاعت ائد‌جه‌یه‌م.

باغیشلایین! حؤرمتله توختامیش!

۱۳۹۱-جی ایلین قیشی».

?ایکینجی مکتوب

«مرحمت‌لی و رحیم‌لی اللهین آدی ایله! اللهین قودرتی و موسلمان ایمانینین لطفو ایله!

قودرتلی توختامیش خان مکتوبوندا منیم مودریکلییمدن چوخ دانیشسا دا، اگر اونون وعدلرینه ایناناجاغیمی دوشونورسه، دئمک، منی آخماق حساب ائدیر. سن بو سؤزلری منه دفعه‌لرله وئرمیسن و هئچ واخت دا سؤزونو توتمامیسان. پیس آغاج یونانین همیشه بالتاسی گوناهکار اولور. توختامیش خانین دا همیشه مصلحتچیلری گوناهکاردیر!

من سنی اوغلوم کیمی قبول ائد‌رک گومان ائده بیله‌جکلریندن داها آرتیغینی سنه وئردیم. آذربایجانی مندن آلماق ایستدین، داها سونرا خوارزمی منه قارشی آیاغا قالدیردین، امیرلریمی منه قارشی چیخارتدین، نهایت، منه خیانت ائد‌رک ماورانهرده آرخادان ضربه ائندیردین. ایندی سن‌دن اوز دؤندردییم زامان من‌دن اولانلاری اونوتماغیمی ایستییرسن و خوش سؤزلر یازیرسان. من بو سؤزلره اینانمیرام! توختامیش خان خنجری توللاماییب، او خنجرینی بالا باتیریب.

سلطان جمشید تیمور گوراگان.

۱۳۹۱-جی ایلین یازی».

?اوچونجو مکتوب

«مرحمتلی و رحیم‌لی اللهین آدی ایله! خیرخواهلیغی سایه‌سین‌ده بیزی قارداش ائد‌ن و بیر آغاجین تومورجوقلاری، کؤکلری کیمی بیزی اؤز حاکمیتی آلتین‌دا بیرلش‌دیره‌ن اللها حمد اولسون!

اللهین قودرتی و موسلمان ایمانینین لطفو ایله! بو مکتوب شرفلی، قودرتلی، ایسلامین قالاسی تیمور گورکانا گؤندریلیب!

منی دوستلوغوندان و حمایندن محروم ائد‌ن بؤیوک سهولریمدن پئشمان اولماق‌دان ال چکمه‌یه‌جه‌م. لاکین منیم بو سهولر اوچون چوخ آغیر بدل اؤددیی‌می سیز اؤزونوز بیلیرسینیز. من باش وئره‌ن هر شئیی اونوتماغینیزی و خییرخواهلیق گؤسترمیینیزی ایستییرم. سیزین مودریکلیینیز بوتون دونیایا معلومدور و بونا گؤره سیزه بوتون حادثه‌لرین اصل گناهکارینین سیزی و منی آلداداراق آرامیزا دوشمه‌ن‌چیلیک سالان، لیاقتسیز امیر ایدیکو اولدوغونو سؤیله‌مه‌یه احتیاج یوخدور. ایندی هر کسه معلومدور کی، بوتون بو یاشانانلاردان بیر تک او منفعت الده ائدیب. اگر سیز منیم گوناهلاری‌می باغیشلانما سیاهیسینا علاوه ائتسه‌نیز، او زامان من اطاعت یولون‌دان هئچ زامان آزمارام.

هر شئی سیزین مودریک سؤزلرینیزله حیاتا کئچسین، قودرتلی امیر!

توختامیش. دکابر ۱۴۰۴-جو ایل».

۱۴۰۵-جی ایلده امیر تیمور دونیاسینی دییشیر، بیر نئچه ایلده‌ن سونرا ایسه توختامیش اؤلدورولور.

Comments,Baxışınız
oguz gif telegram
Play All Replay Playlist Replay Track Shuffle Playlist Hide picture