/  
بیریمجی صحیفه » مقاله لر و باخیشلار » تراختور آزربایجانا لازیمدیر.

تراختور آزربایجانا لازیمدیر.

اوغوز تی وی:”تراختورا” یالنیز فوتبال آچبسیندان باخماق دوغرو دئییل. چونکی تراختور یالنیز بیر فوتبال تاغیمی دئییل، تراختور آزربایجان تورکونون میلی کیملیک و میلی حقوق اساسیندا آپاردیغی موباریزه نین بروزه چیخمیش گؤسته رگه لریندن بیری دیر. تراختور بوتون تورک آزربایجان میلتینه و یوردونا اولان حاقسیزلیقلارا عصیان بایراغی و اعتراض مئیدانی دیر. کیملر بو تاغیمی یؤنله ندیریر، کیملر بو تاغیمین مالیک لری دیرلر، کیملر بو تاغیمدا اویناییرلار البته کی اؤنملی دیر، آما بونلاردان اؤنملی اولان، تراختور تاغیمینین میلتیمیزه و اونون میلی حقوق مجادله سینده بوراخدیغی تاثیر و اوینادیغی رولدور . تراختور بیر آرایا گلیب آزربایجان دوشمنلرینه بیر یئرده مئیدان اوخوماق سیمگه سی اولدوغونو اونوتماق، هامیدان چوخ میلتیمیزه و وطنیمیزه ضربه وورا بیلر. ائله بوناگؤره ده تراختور اویونلارینی تماشاچی لاری طرفیندن بایکوت ائتمک یا بایکوتا چاغیرماق ان بؤیوک و باغیشلانیلماز یالنیش حساب اولونا بیلر.

تراختور عینی حالدا بیزیم بیر آرایا گلیب و بیرلیکده سسلندیردیییمیز ایستک و شعارلارین مرکزی دیر ده. باشقا سؤزله دئسه ک تراختور بیر مئدیا واسیطه سی دیر. (رسانه دیر). بو واسیطه دن داها تاثیرلی و فایدالی، یارارلانماق اوچون پروقراملار حاضیرلاماق بیزلرین گؤره وی حساب اولونار. تراختورا صیرف ایدمان (ورزش) و فوتبال گؤزو ایله باخماق الیمیزده کی موباریزه آراجینی ایکی اللی، باشقالارینا تسلیم ائتمک دیر. بو گون نه گرکچه ایله اولورسا اولسون تراختور اویونونو تحریم ائتمه یه چاغیرانلار و بونا چالیشانلار ایللر سونرا بو باغیشلانماز، یالنیش و خطالاریندان هئچ بیر شکیلده دفاع ائده بیلمه یه جکلر. بونا گؤره ده تراختوردان کوسمک و یا تحریم ائتمک یئرینه اونا داها آرتیق ده ستک اولماغیمیز بؤیوک اؤنم داشیماقدادیر.
 
 
Comments,Baxışınız
oguz gif telegram
Play All Replay Playlist Replay Track Shuffle Playlist Hide picture