/  
بیریمجی صحیفه » مقاله لر و باخیشلار » ترک دیلی فراکسیون آزربایجان تورکلرینه و میلی‌ حرکتینه قورولان اویون ایچینده اویون -آتاخان

ترک دیلی فراکسیون آزربایجان تورکلرینه و میلی‌ حرکتینه قورولان اویون ایچینده اویون -آتاخان

اوغوزتی وی:کئچن آيلاردا ايران آدلانان يئرده، فارس رئژيمينين مجليسينده ۱۰۰-دن آرتيق سؤزده “تورکديللي مجليس نوماينده‌لرينين “ايشتيراکي ايله فراکسیونو  يارانيب. ايران حاکيمييتي بو فراکسیونو آذربايجان ميللي حرکاتينين اساس ايستکلريندن جايديريماق و آذربايجان ميللي حرکتيني ايستديغي يئره چکمک اوچون ياراديب.

  
فراکسیونو رئژيم آداملاري ياراديب،آذربايجان ميلتي دئييل بيرينجي ديقت ائتمه‌لييک کي بوتون بو نيماينده‌لر ايران دؤولتينين سوزکئشيندن کئچميش و آذربايجان ميللي حرکاتينا اوزاقدان ياخيندان هئچ ايلگيلري اولمايان  شخص لردير. 
بو فراکسييادا اولان سؤزده نيماينده‌لر ايران ايشغالچيليق رئژيمينين  مشروعیت يني و ايران اراضي بوتؤولوغونو و ايرانين دؤولتچيليک اساسلارينا اينانميش اينسانلاردير. حال بو کي آذربايجان ميللي حرکاتينين حتّي ايبتيدايي سياسي-ميللي ايستکلري  ايران دؤولتچيليک اساسلاريني لاخلاداجاق،ايران قونداراما کيمليکيني سيله‌جک، ايرانچيليق ايديياسي و تاريخيني و ياپيسيني اعتيبارسيزلاشديراجاق و حتّي ايراني کؤکوندن يوخ ائده‌جک گوجه و تاثیر-ائتکييه صاحيبدير.
ايرانين وار اولوشو،آذربايجان تورکلرينين (و ديگر غئيري فارس ميلتلرينين) اينکاري و يوخ اولوشو اوزره قورولوب ! آذربايجان(و ديگر غئيري فارس ميلتلر) وارسا ايران يوخ اولمالي و آرتیق  ايرانين سياسي و کيمليکسل آنلامي قالمير !ايران و ايرانچيليق وار اولماق ايسته‌ييرسه! آذربايجان وطن  آنلاييشي و تورک ميلتي يوخ اولماليدير .بيزيم وارليغيميز یوخ اولماسیندادیر کي ايرانين وارليغي آنلام تاپير. 

چونکو ۹۰ ايل اؤنجه‌دن (۱۹۲۵جي ايلدن) ايران دؤولتچيليغي و ايرانلي کيمليک (ميلييت+ وطن )انلاييشي آذربايجان تورکللرينين و ائلجه‌ده ديگر غئيري فارس ميلتلرين اينکاري و يوخ اولماسي اوزره يارانيب و بوگونده همين ايرانچيليق پرئنسيبلري و ايديياسي اوزره ايران دؤولتي و ايرانلي کيمليکي ياشايير. بونا گؤرده غئيري فارس ميلتلرين اؤزه‌ليکله‌ده آذربايجانليلارين هر هانسي بير ايبتيدايي ميللي حاقلارينين طلب اولونماسي، ايرانچيليق اساسلاريني و ایدئولوژی سین يئريندن اوينادير. اونا گؤره ايراندا هئچ بير زامان ميلتلرين حاقلاري وئريلمييب و وئريلمز. 

ايران آنلامي،ايرانچيليق ايديياسينا اساسا،اگر بير گون ميلتلرين هر هانسي بيریندٔه  تاپدالانميش ميللي حاقلاري تانيليررسا، اوزمان ايران و ايرانچيليق محو اولموشيا يوخ اولما عرفه سينده‌دير دئمکدير 

حتّي خيال بئله ائتسک کي فارس ايشغالچي رئژيمي و ايرانليلار دئموکراسييه دوغرو گئتمک ايستگيلر (سادئجه بوش خيالدير)اونلارين رفرم و دئموکراسييه اينانجلارينين بيرينجي شرطي و آتديمي بودور کي ايرانين ۷۰% جمعييتيني تشکيل ائدن غئيري فارس ميلتلري آزاد اؤزگور قويسونلار، تاکي اونلار اؤز ميللي کيمليکلريله اؤز ميللي وطنلرينده اؤز ميللي طالع لريني اؤز اللريله يازسينلار. 

آنجاق بيليريک کي نه گونوموزده‌کي فارس فاشيست رئژيمي و نده‌کي خيال ائده‌جگيميز سؤزده دئموکراتيک ايران يئني دؤولتي  و يا فارس آيدينلاري بئله شئيين دانيشيلماسينا تحمل  گؤسترميب و  هئچ زامان گؤسترمييه‌جکلر. 

چونکو اونلار ايرانين قورولوش فلسفه‌سيني و ايرانلي آدي آلتيندا ميلتلرين سؤمورولمه‌سينين( استعما ين) واقیتینی ،بيز غيري فارس ميلتلردن داها ياخشي باشا دوشولر.بيزيک کي بونو بيردفه‌ليک باشا دوشمه‌ليک کي ايران آدلانان يئرده بيزه هئچ زامان هئچ ميللي حاقيميز وئريلمييب وئريلمييه‌جک . 

آذربايجان ميللي حرکاتي سون زامانلاردا گوجلنديکجه رئژيمين اطلاعات ارگانی‌ و الجه بیت رهبرینی‌ و “امنييتئ ميللي ” آدلي تشکيلاتي داها دهشته دوشوبدور. 
ميللي حرکاتيميزين ايررله‌مه‌سيني زيندانلار،اشگنجه‌لر,سورگونلريله يوخ ائدمييجه‌ني آنلييان رئژيم، آرتيق يئني سيياستيله آذربايجانلا ساوشماغا گلير و ايلک آتديمدا اؤز دئيشلريله”کنترل بحران “آدلي ائسکي گئچيش سيياسته ال آتير. 

اطلاعات ين آدلانديرديغي “کنترل بحران “(هم شاه زاماني هم ايسلام رئژيمي ) بير کئچيد سيياسئتيدير کي ايران داخيلي و امنييتي سورونلاري اوچون بو آد آلتيندا سياسي اويونلار تاسارلانير( طراحی  اولونور) و زامان زامان بو سياستي موختليف تاکتيکلرده و شيوه‌لرده ايشه سالير. 

ايران رئژيمي گئت گئده گوجلنن آذربايجان ميللي حرکاتينا قارشي باسقيلارين يانيسيراسيندا ،آذربايجان ميللي حرکاتينا بنزر موازي و پارلئل يئني حرکتلر ،يا بعضاً سني (مصنوعی )  ليدئرلر يا سني مئديالار ياردير و اونلاري آذربايجان ميللي حرکاتينين ادبيياتي و  دئييملريله بزئير و میلی‌  حرکاتين  اوز شعارلاري  و رفتارلاري ايله سني حرکاتي  کاموفلاژ (استتار ) ائدير.

بئله‌ليکله اطلاعات آذربايجان ميللي حرکاتينين عوضولريني رئژيمين ياراتديغي سني (مصنوعی ) حرکاتين داليجا چکمه‌ي   ایللردیر امتحان ادیر و بونا شراييط يارادير، اوزامانا قدر کي اصيل آذربايجان ميللي حرکتيني اؤز ايچيندن۲-۳ يئرئ پارچالاييب و پارچالانان بؤلوملري رئژيمه و يا ايرانچيليغا باغلاييب و يا محو ائتميه‌ اپرنا قدر بونو ادجک . بو شيوه ايله ميللي حرکت هم اؤز ايچينده چاتيشما و پارچالانما ياشايار، همده رئژيم اؤز سونني حرکاتيله ، آلدادا بیلن ميلتي اؤزونه باغلايير يا ايسته‌ديغي يئره چکير   . 

سون ايللرده آذربايجان ميلي حرکتينه قارشي رئژيم کنترل بحران آدلي کئچيد سيياسئتيني چوخ گؤرمک اولار .(ازربايجان قيياملاريندا ،رئژيم اؤز سئچکيلرينده ،ميللي حرکاتين هساسييتي اولان مسله‌لر اورمو گؤلو يا کورد سورونو کيمي ) 
سون زامانلاردا”ايران تورکو ” ، ” ترک زبان فراکسيياسي ” آدلاري دا بو ايرنج اويونلارين نتيجه‌سينده اورتايا چيخيب. 

ایندی قایداق فراکسیون مسئله سینه !
  یوخاریدا اشاره اتدیغیم ایران سیستمی‌ و بوی سیستمده ایشلتیم مکانیزیمینه و بیزیم حرکتا قورولان اویون ایچینده اویون 

بوگون آوروپانين بعضي اؤلکه‌لرينده اولان ايشغالچيليق سيياستي “مدرن آسیمیلاسیون “شيوه‌سي  ایلا دیگر  ميلتلر سؤمورولور . 
مثال اوچون  بوگون بؤيوک بئرتانييا آدي آلتيندا ايشغالچيليق يورودن اينگيليتره،لئئز،ايرلاندا و يا ايسکاتلند ميلتلرينه قارشي بو سيياستي دواملي ايللردير ايشله‌دير. 
يئني  مدرن  آسیمیلاسیون سيياسئتينده ايشغالچي رئژيم اؤزونون ايرقچي سيياستلريندن دالي اوتورماسيني ،ميلتلرين کيمليک پارمئترلرينين يانليز بعضيلريني قبول ائتميش کيمي گؤرسه‌دير و آرتيق اونلارين ميللي وارليغيني اينکار ائتمکدن و يا قوندارما کيمليکلر آدي آلتيندا تانيتماقدان(“آذري کيمي “) ال چکير،ايشغاليندا اولان ميلتلرين ميللي حرکاتينا”سيز قازانديز من اودوزدوم” کيمي بير تصورو آلقي يارادير. بو ايشي ايله ميلتلره ظفر حسی کيمي بير حسی باغشلييب، بئله‌ليکله هم اونلارين ميللي حرکاتيني پارچالماق و يئني آدلاريلا تئکرار يوخ ائتمه‌سي اوچون فورصت قازانير و حرکاتين سورعتين آلميش اولور وئرديغي سونني ايمتييازلار ايله اونلارين ميللي حرکاتيندا اولان ايستيقلال دوشونجه‌سينين يولونا داش آتميش اولور،و نهايتن دئموکراسي آديلا اؤز ايشغالچيليغينين دواميني   هدف لير. 
اينديده ايران رئژيمي بو اويونلارا بنزر اويونلاريلا ميلتلرين ميللي حرکاتلارينا قارشي يئني چاپدا ساواش آچير. آلداتما ساواشی 

رژيم آذربايجان ميللي حرکاتينين کيمليک و حساس اولدوغو سياسي -ميللي مسله‌لري و اؤزه‌ليکله آذربايجانلينين کيمليک پارمئترلرينده يئر آلان ميلييتي و “تورک” سؤزلوغو  تحریف يله ائده‌رک ايشله‌دير. 

رئژيم بو فراکسيوندا آذربايجانليلارين ميليتيني(تورکلوغون)قبولانميش کيمي گؤرسه‌دير.باخميياراق هر ميلتين کيمليک پارمئترلريده اونون “ميللييتي” قدر ” وطن” آنلياشيدا اؤنمليدير و کيمليک و هؤيت دئديغيميز  وطن+ميللييت ايله آنلام تاپير. 
آنجاق رئژيم آذربايجانليلارين يانليز ميلييت پارامئترينده اولان “تورک” سؤزلوغونو آليب اونا ايرانچيليق بزگي ووروب سونرادا قاباغيمزا قويور.بئله‌ليکله آذربايجانلي کيمليکينين اساس پارامئتري اولان”وطن” آنلاييشيني” ايران و ايرانچيليق” ايچينده اريتمک ايسته‌يير. 

رئژيم بو اويوندا باشاريلي اولورسا, ميللي حرکات کنترل   اولوب و يا ان آزيندان پارچالانيب و آذربايجانليلارين “آذربايجان  وطن آنلاييشي” “ايران وطن آنلاييشي”لا دييشيب و بو اويونا گلنلر نتيجه‌ده ، ايران رئژيميني رئفورم و سؤزده تورکلشديرمه کيمي خيالاريلا دئييشيب ایران و ایرنچیلیقین قوجاغینا دیغلانجاقلار. 

رئژيم نه يازيق کي بو پيلانيندا بو گونه کيمي باشاريلي و قازانجلي ايررلير? آنجاق  آذربايجان ميللي حرکاتينا اصلی‌  ضربه‌ني وورماسينا هله زامان واردير.
آذربايجان ميللي حرکاتينين بعضي عوضولري مسله‌نين درينليغينه ديقت ائتمه‌دن بو قورولوموش اويانا قوش گئتديلر. بو فراکسیون  پروژسي رئژيم طرفيندن باشلاديلان گوندن بري،تهلوکه‌لي و خطرلی  سورعتي ايله قاباغا گئدير و ميللي حرکتيميزه اؤز ايچينده باخيش پارچالانماسي ياشاداراق گئت گئده رئال پارچالانمايا آپارير. 

بعضي گئنج سويداشلار و يا فئدرالچي قوووه‌لر،رئژيمين بو اويونونا بيله‌رک يا بيلميه‌رک دستک وئرديلر. بو سويداشلار ايران ايسلام رئژيمينين ۳۷ ايل ماهييتيني، ايرانين ۸۰ ايل اؤنجه يارانيش فلسفه‌سيني، ايرانين ميلتلره قارشي ايداره ائتمه مئتودلاريني و داها اؤنمليسي، آذربايجان ميللي حرکتينين سون ۱۰۰ ايلده سياسي تاريخيني و اجی تجربلرینی  ياخشي بيله‌مه‌ديکلري اوچون بئله خطايا گليرلر. 
بعضي سويداشلار رئژيمين”تورک” سؤزونو ايشلتمه‌سيني بير اويون دئييل ،بلکه آذربايجان ميللي حرکاتينين بير باشاريسي و قازانجي اولاراق گؤرولر،کي بودا بؤيوک يانليشدير و يوخاردا قئيد ائتديغيم کيمي بو ظفر و باشاري حسی نی‌  رئژيم بير ايچي بوش  حس اولاراق اؤنجه‌ده مهنديسليک ائديب وميللي حرکتيميزي بو سني ظفر حيس يني پومپالايير. 

بو ظفری حس ائدن سويداشلارا سوروشماق لازيمدير: 
۱-سون ۳۷ ايلده (حتی شاه زاماني بئله )،ايران رژيمي باشي دارا دوشتوغونده ميلتلري اولدوغو کيمي قبول ائتديگيني گؤرسه‌ديب، فارسلار اؤز  حاکمیت لري تهلوکه‌ده گؤرندبيزي “تورک ” اولاراق سسلنديريب ،تورکلري ياهاتماق اوچون و قوللانماق اوچون”آذربايجان” و ” تورک ” سؤزونو ايشله‌دن بو رئژيم، نزمان کي دردي سؤووشوب تورکلري “آذري ،موحاجير،تورک ديللي،تورک اولموش”اولاراق آدلانديريب . 

مثلا  ايللردير ايران رئژيمينين مجليس يا پرئزيدئنت سئچکيلرينده آذربايجانليلاري  جنگ یا صانديقا چکمک اوچون رسمي اولاراق “تورک” سؤزو یا  “آذربايجان” سؤزو ايشله‌ديبلر،يا ايران‌- عراق ساواشيندا” تورکلر قوشونو ” ، ” تورکلرين سنگرلري” آديني دفعه لرجه ايشله‌دن ائله بو رئژيمدير .رئژيم يئري گلنده بيزه “آذري” يئري گلنده‌ “تورک قهراماني” يئري گلنده‌ده ائله “تورک خر” (ائشک تورک)دئييب . 
رئژيم همان رئژيمدير ،نه دييشيب کي؟گؤره‌سن رئژيمين اؤزو دئييشيب و آذربايجاندا بو فراکسيونو دستکلينلردن باشقا کيمسه‌نين خبري يوخدور؟
نئجه اولدو رئژيمين ايللردي تورکلري تحقیر  اوچون يا ميلت ايويونا گتيرمک اوچون ايشلديغي “تورک” سؤزولوغو يئني بير دئييم کيمي حتّي باشاري کيمي گؤردوز؟بو قدرمي ميللي  حافظه  ميز اونوتقانليغا دوچار اولوب کي اوينانان تئکراري اويونلاري بئله گؤرموروک و دفعه لرجه تئکرار ائتديگيميز خطاني  تئکرار ادیریک ؟ ؟ 

۲-آذربايجان ميلتينين   ،تورک ميلتينين بير قولو اولاراق تانيلير وميلتي توکدور .آذربايجانلينين تاريخي، مدنييتي،دونيايا و ياشاما باخيشي،تورکلوغون تام اؤزودور. آما آذربايجانليلار توک ديللي ادلي ميلت (ميلييت باشقا،ديلي تورکچه اولموش ) دئييلدير. نیه کی‌ بيليريک  ايراندا فارس رئژيمي اؤز سيياستي و فارسين منفتلري اوچون بوتون کيمليکلري اينکار و اونلارا يالان کيمليک ياراتماسيلا ياناشي ،دونيادا مؤوجود اولان گرچک ميللي تئرمينلريده اؤز منفعت لری  اساسيندا معنی‌ ائديبدير. نئجه کي آذري سؤزو بئينالخالق بير سؤزدور و دئمک اولار بوتون اؤلکه‌لرين ديل سؤزلوکلرينده “آذري “سؤزو مؤوجودور ،و بوتون دونيادا آذري = آذربايجانلي نين قيساتيلميشي (“آذربايجاندان اولان بيريسي “) ولاراق معنی‌ اولور و اونو ميلييت اولاراق “تورک”و کيمليک اولاراق “آذربايجان تورکو” اولاراق تانيلير،اما فارس رئژيمي اونو ايراندا آذربايجان تورکونون کيمليکي و ميلييتي اولاراق تانيدير. آذربايجاندان گلن يا آذربايجانلي اولان تورک کيمي تانيدمير. آذري کيمليکيني فارس آريا ميلتينين بير قولو کيمي تقديم ائدير . الجده  ايراندا آذري سؤزو کيمي”تورک ديللي ” سؤزدئ ائله ترس  معنی‌ اولور . 

بوگون ايراندا “تورک ديلليلر”دئمک، ” تورک ميلتي” آنلاميندا اولماديغيني هرکس بيلير.ايراندا تورک ديلليلر دئمک،  یعنی‌ و ایرانلیلار (ایرانلی قوندارما کیملیک )کی‌ کؤکنلري و میلیت لری آریایی  اولوب آما ديللري، تورک سويلارينين ايرانا هوجوملاري نتيجه‌سينده   آسیمیله  اولوب فارسجادان  تورکچه‌يه دئييشيلميش دير. ۹۰ ايليک ايرانين يالان تاريخي بو اساسدا يازيليب و ايران مکتبلرينده اوشاقلارا تاريخي درسليکلرينده ده بو يالان تاريخ و  یلان میلیت آنلاملار درس وئريلير.( عثمانلی ،چينگيز خان ،سلجوقلارين ،…هوجوملاري نتيجه‌سينده ايرانين قوزئيي بؤلگه‌سينده ياشايان ايرانليلارين ديلي دئييشدي ،ونلار   آذری ديرلر ،آذريلر آرياييديرلر….) 

چاغداش آذربايجان ميللي حرکاتينين ان اؤنملي و قوروجو شعاری “هاراي هاراي من تورکم” دیر . 
ميللي حرکات هئچ واخت”هاراي هاراي من تورک ديللي‌ام “من ايران تورکييم” شعار يني وئرمييب و يا سياسي ايستکلرده بئله بير شئي گؤرونمويوب.
عکسينه ميللي حرکات چوخ شفاف و آيدين اؤز ايستکلرينده و شعارلاريندا “آذربايجاني” اؤز وطني و اؤز ميلييتيني “تورک” اولاراق تانيدير و کيمليک پارمئتلرينين اساس فاکتلاريني اؤزو اورتايا قويور و قورور.

 
ايندي “تورک ديللي آدلي فراکسيون”دئمير بيز تورکوک یعنی‌ بيزلره وورولان قوندارما کيمليکلرين بيري اولان “تورک ديللي”قوندارما کيمليکي  بیزد یرلشدیریر  . 
بو مقدمه‌دن سونرا اساس سورو بوردا !نه زمان دان آذربايجان ميللي حرکاتي ايدييا و کيمليک دئييشيکليغينه گئديب و يا هاچاندان “تورک ديللي، آذري ،ايران تورکو..! ” کيمي قوندراما کيمليکلره آذربايجان ميللي حرکاتي ازون تعریف لییب کی‌  بو فراکسييونون آديني بئله باشاري و بير قازانج ساياق؟  حالا میلّت ندیر !میلیت  ندیر! کیملیک  پارامتلریندن اولأ تورک  میللتینین مشخّصه سی‌ اولأ تورک دییلی ندیر بیلمیریک می‌‌؟
۳- دونيا دا مخصوصاً  ایران آدلانان یرده هرکس   بيلير کي رئژيمين سئچکي سيستئمي بئله‌دير کي رئژيم بير نئچه نفر اؤز آداملاريندان آداي  و نماینده گؤسترير و ايستير کي ميلتلرده اونلارا سس وئرسين و آرالاريندان بيريلرينه سس وئرسين .”ها علی‌ ،‌ها ولي !ايکيسيده نؤکر‌  سئيد علی‌” نه فرق ادئر !
بو فراکسيوندا اولان نيماينده‌لر ايلللردير رئژيمده آيري پستلاردا قوللوق ائدن،ايران و ايرانچيليق ايديياسيني جاندان قبول ائدنلر ،ايران جينايتچي و ايشغالچي رئژيمينه  مشروعیت ين تانييانلار و حتّي بعضيلر او جينايتلرده ايشتيراک ائدنلردير.اوسته گل بونلار رئژيمه باغلي اولماقلاريلا ياناشي مجليسه گيرمک اوچون تئکرار تئکرار رئژيمين اؤز فيلتئره‌سيندن ( شوراي نئگاهبان)گئچيب و بونا صلاحيت آلانلاردير. سويداشلار سيز،بونلاري آذربايجان ميللي حرکاتين سسي و آذربايجان ميلتينين نيماينده‌سي اولاراق گؤرورسوز؟ بونلارين هانسي ميللي حرکاتي ايله اوازاقدان ياخيندان علاقه لري وار يا بوگونه کيمي اولوب کي بوگون ميللي حرکاتين ايستکلريني بونلارين اليله يئرينه گلمه‌سيني گؤزلوورسوز؟ بونلارين هانسي نورمال سيرادان بير آذربايجانلي وطنداش کيمي اولوب کي بو ميلتين درديني آنلاسين؟ 
آذربايجان ميللي حرکاتينين ايللردير اوغروندا جانلار وئرديغي، زيندالار و ايشگنجه‌لر گؤردوغو، اوغروندا اوسانمادا موجاديله ائتديغي “آنا ديلي ديلينده تحصيل” ايستگي نه زاماندان رئژيمين کونتورولوندا “تورکچه ديلينده بير واحيد درسليک” آنلاميندا اولدو کي بونودا حرکاتين باشاريسي ساييرسيز؟اويونلاري پوزماق اوچون ،حاديثه لره درين باخيب گئري آتديملامالييق، ميللي  حافظه ميزي ديري توتماليييق  ،۴-بعضي سويداشلار بئله دوشونولر کي فراکسيون نتيجه‌سينده ميللي حرکات بير آيري قازانج`دا الده ائتميشلر!گويا فراکسييا ياراناندان سونرا بير اونوئرسيته‌ده ايختيياري درس اولاراق تورک ديلينين ادبيياتي و اؤيرتيمي آزاد درس کيمي اؤيرنجيلره وئريليب ! بومو حرکاتين ايللردير موباريزه‌سينين باشاريسي و دئديگينيز بؤيوک قازانجي؟ 

مثلا  “تورک ديلينده مدرسه”  ایستکی آذربايجانليلارين ان ايبتيدايي ميللي حاقي اولاراق بيلينير. هر ساوادسيزدا “تورک ديلينده مدرسه”نه آنلامدا اولدوغونو باشا دوشور:”تورک ديلينده مدرسه ” بوتون آذربايجانليلارا و ديگر اسير تورکلره “تورک ديلينده بيرينجي کيلاسدان عالي تحصيله قدر ،بوتون درسل آنا ديلينده ائييتيم و تحصيل دئمکديبو حاقين وئريلمه‌سي، آذربايجانليلارين اؤزونه عاييد تحصيل وزارتی (وزارت آموزش پرورش ) اولماسي و اؤزونه عاييد عاليملر و تاريخچيلر يئتيشديرمه‌سيله مومکوندور، بودا بو آنلاما گلير کي هم “ايرانلي” قوندارما کيمليکي، “ايران “ميللي ديلي کيمي تبليغ اولان فارس ديلي و ائلجه يالان ايران تاريخي چؤپه گئتمه‌لي  ،بو يالانلار و آسیمیلاسیون و اریتمه سيياستينه قويولان ۹۰ ايل ثروت و امک زيبيله گئتمه‌لي دئمکدير، یعنی‌  کي قيسساجا “تورک ديلينده مدرسه ” اؤزلوغوند، آذربايجانين اؤزونو ايداره ائده‌جک ايشاره‌سي،و تورکلره ميللي حاکمیتی  دولاسي يوللاريلا هدفلین  بير ايستکدير. بعضي سويداشلار بئله دوشونه بيلر کي بو رئژيمين اويونودا اولسا بيز اونو اؤز منفعتيميزه ايشلتمه‌لييک ،سيزجه بو اويونو قوران رژيم آذربايجان گرچک منفعتلرينه دوغرو حرکت ائدرمي؟بو اويونو قوران سيزين دوشوندوغونوزو دوشونمويب سانيرسيز؟ ۱% احتيمالي ايله قوياليم حرکات فايدالاندي بو اويوندان،ايران کيمي رئژيم ایرندا اوزه محوی نه‌ سبب اولأ بییر حرکته ايزين وئررمي؟ 
گوجلو اولان و عاغيلي حرکت ائدن ميللي حرکاتلار اؤزو اؤز سيياستيني،اؤز اويونلاريني اؤز سياسي هدفلری ينه گؤره قورار!دوشمنين قوردوقو اويوندا اوينماز!سياسي اويوندا اوتان بير طرف وارسا اودا اويونو قوران و اوینادان دير! 
اؤرنک اولاراق ۴ ايل اؤنجه روحاني پرئزيدئنتليک سئچکي کامپانياسيندا آذربايجانليلاري اؤز تاپدالانميش هاقلاريني طلب ائتمه‌لريندن يايارلاناراق،اؤز کامپانياسيني آذربايجاندا قولاغا خوش گلن سؤزلريل،و  گويا بو طلبلري قارشيليياجاقيالان ودلريله بعضيلريني اؤز داليجا چکه بيلدي .او ميللي حرکاتين بيرمجي و اؤنملي طلبي، “تورک ديلينده مدرسه” ايستگيني و  شعر يني قولاناراق اونو،”تورک ديلينده کولتور ائوي “(فرهنگيستان) اولاراق بزييب و آذربايجاندا ميلللتيميزين اؤنونه قويدو. او ميللي حرکاتين  حساسیت لريندن اولان اورمو گؤلونون قورتاريلماسي موضوع سوندان دا فايدالندي .روحاني يه اينان سويداشلاريميز اونون يالان وعده لرينه دستک اولاراق ايمضا کامپانياس بئله ياراتديلار. و میلّت تظاهراتی بیراخین امضأ ورین   روحانی‌ هر  مشکلیمیزی حل ادجک و بیزه حتی دیل ورجک  دییردیلر روحاني نهایت باشارا بیلدی  کی‌   اونا اينانلاري ايکي ايل اويناداندان سونرا تورک ديلي آدي آلتيندا اولان دئييشيني “فرهنگيستان آذرييئ” دئييشيب بیراز دا بو  آدلا مانور وردی  سونرادا ياواش ياواش گوندمدن قالديردي .اورمو گؤلو اوچونده وورديغي ۳ آيليق ودلر آرتيق ۴ ايل اولوب کي سؤزده قاليب و ۱ داملادا اولسون گؤلو قورتارمايا جهد گؤسترمييب. آنجاق بو اويون بيزه اؤز آراميزدا چاتيشمالار و حرکاتيميزي بير نئچه ايل گئريله‌مه‌سيندن باشقا هئچ نه وئرمه‌دي! اونا گؤره آذربايجانليلار ايراندا اولان هر سياسي اويونا و مسله‌يه درين باخمالي و ميللي حرکاتيميزين ايستکلريني و تاريخيني دوغرو باشا دوشمليديرلر.اونوتماياق کي حرکاتيميز گوجلنديکجه،”تورک‌ آذربايجان” کيمي سؤزلوکلري و ميللي حرکاتيميزين  ایستکلری و حساس   اولان اولايلاريني ، فارس ایران  رئژيميندن داهاچوخ گؤروب و ائشيده‌جگيک . نئجه کي کئچن ايرانين مجليس سئچکيلرينده ايران رئژيمي چوخ ياخشي بيليردي کي آذربايجان ميللي حرکتي کورد کؤچريلرينه و ائرمني ايشغالچيلارينا،آذربايجانا اراضي ايددالاريندان دولايي  حساسييتي وار . 
رئژيمده بو  حساسييتدن گؤزل فايدالاندي اورمييه‌ده کوردوه قارداغدا ائرمنيکؤکه‌ني و اؤزونه باغلي سؤزده ميلت وکيلري آدايي ليسته‌سي حاضيرلاييب ميلتين قاباغينا قويدو ،بئله‌ليکله او  حساسييتلر نتيجه‌سينده آذربايجانليلاري صانديق باشينا چکيب حتّي او حساسييتلري اؤزو قابارداراق اؤزونون سوندوغو آدايلاردان مصنوعی  قهرمانلار بئله يارادي .باخميياراق کي بو  حساسييتلرين قايناغي و يارانيش سببی يده فارس شؤوينيست رئژيمينين ائله اؤزودور (کوردلري باتي آذربايجانا کؤجوردن و اوردا قوللايان ، ائرمنيستانا آذربايجانا قارشي دوشمانليق ائتسين دئستئک وئرئن ايراندير). اونا گؤره هر حاديثه نين و سياسي اولايين کؤکونه و درينليغينه ايئنمکده چوخ فايدا وار.
 

 

سوندا دئمه‌لييم کي آرتيق چاغداش آذربايجان ميللي حرکاتينين ايستکلري شفاف و آيديندير و ايللردير بو ايستکلر اوچون موجاديله ائدن آذربايجاليلار،بو يولدا چوخلو جانلار و قانلار فدا ائتميشلر.داها اؤنمليسي آذربايجان ميللي حرکاتي تماميله باغيمسيز بير حرکتدير و بو حرکتين ايستيقلالي اوچون بو گونه کيمين چوخ هزينه‌لر وئريليب . 

اونا گؤره نه آذربايجان ميللي حرکاتيني گئري آپارماغا، نه ده اونون ايستکلريني تحریف  اولونماسينا، و نده حرکاتيميزي اونا بونا باغلي اولماسينا ايزين وئرممه‌ليک .بوگون تورک ميلتي، آذربايجانين گونئينده، گونئي آذربايجانين ايستيقلاليني و گونئي آذربايجان تورک جومهوريتينين يارانيشيني قارشيساينا مقصد قويوبدور و بو يولدا بوگون آغير موجاديله يورودور .ميللي حرکت چوخ چتينليکلنه، سانتيم سانتيم آذربايجان ميللي آزادليق حرکاتيني ايستيقلال مقصدينه دوغرو ايررله‌دير ميللي حرکاتين هر عوضوونون اوزرينه دوشن،ميللي حرکاتيميزلا ايررله‌مک و آياقيميزي مؤحکم باسماق و گئري آتديملاماماقدير . 
یاشاسین موستقیل گونی آزربایجان جمهوریتی 

یاشاسین تورک میللتی و  بوتو آزربایجان
آتاخان،ا – هلند  

 

 
Comments,Baxışınız
oguz gif telegram