/  
بیریمجی صحیفه » مقاله لر و باخیشلار » تهران دا اوزله شدیگیم سورغو / ابراهیم نوری

تهران دا اوزله شدیگیم سورغو / ابراهیم نوری

اوغوز تی وی:نئچه گونلردی اهری تهران مقصدی ایله اوزاق لاشمیش اولموشام. گلدیگیم گونده ن کئچمیش لر دک تورک کؤکه نلی سویداش لاریمین تهران شهرینده چوخ سایدا اولدوغونو دوشونه رک ، بوتون یئرلرده ایلکین باشلانغیجدا تورکجه دانیشماغا باشلاییرام. بو قایدا بعضا اولورسا بیر فارس کؤکه نلی سی نن راست لاشاندا پوزولاراق دانیشیغیمیزین آردین توتمادان اؤنجه سورغو ایله سورغولانیرام : ” شما ترکید؟ ” (سیز تورک سوز؟)
بو سورغونون یانیت ین (جواب) دوغرو ایله بیتیره رک دانیشیغیمیزین آردین توتوروق. آنجاق انسان لاردان آیریلارکن سورغونون ایچ قاتینا واراراق دوشوندوگوم چیخیش فرکانسی بئیله اولور:
گئرچک دن تام دوغال دیرکی تورک لرین تهران دا سایی سی چوخونلوق دادیر، هابئله آنا دیلیم فارسجا اولماماغینا رغما باشقا دیلده دانیشارکن دئییم لی اولدوغوم گؤزه چارپیر. او تملده فارس کؤکه نلی لر وریندن ایلک جه سورغولانیرام : تورک سوز؟
آمما باشقا واریانت لارلادا بو سورغویا باخماق اولار. ائیله کی ایران آدلانان اؤلکه و اونون باش کندینده یالنیز فارس ایله تورک یاشامیر. بلکه باشقا ائتنیک لر او جومله دن عرب ، بلوچ ، لر و آیری لاریدا واردیر. بس ندن اونلارین آدلاری چکیلمیر؟
فارس کؤکه نلی اینسان لارین دیلیندن بو تورلو سورغونون ندنی لری بوندان آسیلی اولا بیلیر کی ایللرجه فارس شوونیزمی الینن آپاریلان سیستم ین چیزگی لریدیر کی یالنیزجا اؤز قاباغیندا تورک میللت ینین چوخ سایدا اولدوسونو بیر سد کیمی دوشونه رک بو گونده انسان لارین دیلیندن سورغو ایله بیلمه یه رک کانالیزه اولونوب. بو حالداکی باشقا ائتنیک لری یوخ حدینده حساب لایاراق سورغودا یئرلشدیریلمیر.
بس بو اوزره، “هانسی میللت دن سیز؟” سورغوسو اگر بو آدلانان اؤلکه نین تهران دا یاشایان فارس انسان لاری وریندن باشقا ائتنیک لر اوچون خطاب لانسایدی دوغرو دوزگون فارس توپلومونون شفاهی ادبیات یندا غیر فارس ائتنیک لر اوچون گؤروش آچی لارینین گلیشمه سی نی دوشونمک اولاردی.
یازار: ابراهیم نوری (ایتگین – قاراداغلی) 27/11/1395

Comments,Baxışınız
oguz gif telegram