/  
بیریمجی صحیفه » مقاله لر و باخیشلار » تورکون یوردو آزربایجان،ممد میانلی

تورکون یوردو آزربایجان،ممد میانلی

اوغوز تی وی:عجایب بیر دونیادا و غریبه بیر زاماندا یاشاییریق. سانکی بو دونیادا بیریلری بو قرارا گلیب لر کی بوتون ده ییشیم و گلیشمه لردن آزربایجان نین پایی سکوت و رکود اولسون. هامی اؤز یولونو گئتمه لیدیر، هامی اؤز طالعیینی یاشامالیدیر آزربایجان دان باشقا. آزربایجانین پایی یالنیز سوسوب، کناردان یاشاما باخماقدیر بعضیلرینین فیکرینجه. بیزی سوسقونلوغا، یوخسوللوغا و شوونیزمین باتاقلیغیندا محکوم گؤرنلرده آز دئییل. 

آما بورا آزربایجان دیر. معجزه لر دیاریدیر آزربایجان. سکوتدان توفان یارادان بیر وطن دیر آزربایجان. یوخلوقدان وارلیغا بیر آندا قدم باسانلار یوردودور. قارانلیقدان، آیدینلیغا، گئجه دن گوندوزه بیر آندا آددیم باسانلار وطنی دیر بوراسی. بیر آندا سکوتو هارایا چئویره ن، گئجه نین گیله سینه ایشیغی ایلدیریم کیمی شاخدیران لارین یوردودور آزربایجان. 

جلاد کوروشلارین باشلارینی قولتوقلارینا وئره ن، اسکندر لری دایاندیران، عرب خلیفه لرینین ایشغالچی گوجلر ینه مئیدان اوخویان، روس آیی سینین آرزولارینی حسرته چئویره ن، فارسین زیرناچی شاعیرلرینین هیکل لرینی تانریلیق قاتیندان یئره سالیب اوشاقلارین اویونچاغینا چئویره ن آزربایجان دیر بوراسی. 

اؤلدورمکله بیتمز، توتوقلاماقلا توکنمز، د ه نیزینی قورودماقلا سویو قوروماز بو میلتین. داها گوجله نر، مئیدانی دارالتسان مئیدان یارادار اؤزونه و سونوندا آزادلیق بایراغینی ارک ده، قیز قالاسیندا، ساوالان دا دالغالاندیرار. 

قوی هامی بیلسین داماریمیزداکی تورک قانیندان گوج، ، بوز قوردودان الهام آلیر بو میلت. تئز یا گئج گونشی اؤز یوردونا قوناق چاغیراجاقدیر، ظالیملرین آجیغینا.

Comments,Baxışınız
oguz gif telegram