/  
بیریمجی صحیفه » مقاله لر و باخیشلار » تورکچولوک بایرامی

تورکچولوک بایرامی

اوغوز تی وی:بو گون ۳مای تورکچولوک گونو و بایرامی دیر . ۱۲۷۷ میلادی ایلده قارامان محمد، قارامانلیلار دؤولتینین باشچیسی بو گون تورک دیلینی دؤولتین رسمی دیلی اعلان ائدیب و باشقا دیللری دؤولت ده ایشله دیلمه سینی یاساقلادی. ۱۹۴۴ جو ایلده ایسه حسین نیهال آتسیز، آتا بو گونو تورکچولوک گونو و تورکچولوک بایرامی اعلان ائتدی. تورکچولوک تورک میلتینین یاشام فلسفه سی و غلبه قازانماق سیری دیر. تورکچولوک تورک میلتینین فیزیکی اولاراق یاشاماسینین معنوی رمزی دیر. هر بیر میلت کیمی تورک میلتی اؤز کوکونه آرخالاناراق بو دونیادا یاشاییب، یارادیب و ظفرلر قازانمالی دیر. بو وار اولماغین، یاشاماغین و ظفرلر قازانماغین رمزی تورکلویوموزو درک ائدیب و اونون ایشیغیندا حرکت ائتمه ییمیزده دیر. ائله بونا گؤره ده یاباجی لاشماغا قارشی و اؤزگه لره کؤله اولماغا قارشی اؤز میلی کؤکلریمیزه سؤیکنمک بیر حیاتی ضرورتدیر. بیزجه بیر سیرا ایدئولوژی لره آلدانیب تورکلویوموزه اؤنم وئرمه مک و یا اونا قارشی اولماق آیدینلیق علامتی یوخ غفلت، خیانت و مانقورتلوق علامتی دیر. هر بیر شرفلی میلت کیمی تورک میلتینین ده شرافتی، قورتولوشو و باشی اوجالیغی اؤزونو درک ائتمک اؤز کؤکونه اؤنم وئرمک یعنی تورکچولوک ده دیر. “میلی بیرلیک کاناللاری” اولاراق، بوتون تورکلوک یولوندا کی فداکارلیق لاری و بو قوتسال یولون شهیدلرینی و اؤندرلرینی شوکرانلا یاد ائدیب بو یولدا فداکارجاسینا چالیشان لارا اؤز سایغی و درین مینتدارلیغیمیزی سونماقدان غرور دویوروق.
یاشاسین شانلی تورک میلتی.

آیدینلیق

Comments,Baxışınız
oguz gif telegram
Play All Replay Playlist Replay Track Shuffle Playlist Hide picture