/  
بیریمجی صحیفه » مقاله لر و باخیشلار » تۆرک یاراندیم، تۆرکلۆیۆمدن دؤنمه دیم – حبیب ساسانیان
تۆرک یاراندیم، تۆرکلۆیۆمدن دؤنمه دیم - حبیب ساسانیان

تۆرک یاراندیم، تۆرکلۆیۆمدن دؤنمه دیم – حبیب ساسانیان

اوغوزتی وی :آذربایجانلی شاعر حبیب ساسانیانین “وطنه” حصر ائتدیگی شعرینی تقدیم ائدیرک:


تۆرک یاراندیم، تۆرکلۆیۆمدن دؤنمه دیم
ائل دردیله آلاولاندیم، سؤنمه دیم
هارای چکدیم، اؤزگۆر وطن اوغروندا
اؤله نَه جَن زیروه لَردن ائنمه دیم.

چالیشدیم قوْرویام آنا دیلیمی
اَیمه دیم دوشمانا بیر آن بئلیمی
یاشاتدیم کؤنلۆمده سئوگیلر سایاق
آنا دیلیم، آزربایجان ائلیمی.

کیمسه یه کؤنلۆمده کین بسله مدیم
وطنین عشقیله نغمه لر دئدیم
منلیگیم قوْرودوم دوستاقلاردادا
بۆتؤو آزربایجان حسرتین یئدیم.

سن ائی بو دردلری دۆشۆنن اینسان
اؤز کؤلگندن قورْخوب اۆشۆنن اینسان
وطنی دۆشۆنمک چوْخ چتین دگیل
وطنسیز اؤزگۆرلۆک دۆشۆنن اینسان!!!

یئرسیز اؤلۆم گلیب توتسا یاخامی
دوْغرولمایان دیلکلره یانارام
باش داشیما یازین اۆرک سؤزۆمۆ
یاکاموزام تک وطنی آنارام.

Comments,Baxışınız
oguz gif telegram