/  
بیریمجی صحیفه » مقاله لر و باخیشلار » خوجالی سوی قیریمی/ آیدین مارالانلی

خوجالی سوی قیریمی/ آیدین مارالانلی

اوغوز تی وی:خوجالی فاجيعه سی ۲٠٠ايله ياخين بير زامان سوره سينده، ائرمنی ایرقچیلیغی نین و اونلارين يانداشلارينين آذربايجان میللتینه قارشی ائتنيك تميزله مه و سوی قيريم سياستيی نين نتیجه سیدی!. ائرمنی ایشغالچیلار ، قانلی قاراباغ ساواشی سیراسیندا ۱۹۹۲- جی ایل فئورال آیی نین ۲۵ دن ۲۶ سینا کئچن گئجه ده، ۱۹۹۱-جی ایلده قوشاتیلمیش (موحاصره اولان) خوجالیدا ، سوویت بیرلییی (شوروی) دؤنمیندن خانکندی شهرینده یئرله شن روسیانین ۳۶۶-جی موتوآتیجی (مکانیزه) آلایی ایله بیرلیکده. ۶۱۳ نفر، او جومله دن ۱۰۶ قادین، ۶۳ اوشاق و ۷۰ قوجانی، وحشیجه سینه قتل ائدیب و ۱۲۷۵ دینج (سیویل) ساکینی، اسیر گوتورولوب، ۱۵۰ نفر ایسه ایتگین دوشوب. بیر حالداکی ائرمنی جلادلاری نین توره تدیکلری بو سوی قیریم ،بوتون بشریتین گوزو قاباغیندا اوز وئریب و بیرلشمیش میللتلرین امنیت شوراسی، آذربایجانین ایشغال اولونموش تورپاقلارینین شرط سیز آزاد ائدیلمه سی باره ده دؤرد قعطنامه قبول ائتمیش ، ایشغالچی ائرمنیستان آرخاسینداکی گوجلره دایاناراق بوتون بین الملل حقوقی هئچه سایاراق نه سوی قیریمی قبول ائدیر ونه ایشغال اولونموش توپراقلاریمیزی ترک ائتمه نییتینده!! حورمتلی یوردداشلار ! بوگون خوجالی فاجیعه سی نین ایل دونومونده، اونو آنماقدان اونملی ،اوندان گئله جه یمیزه درس چیخارتماق لازیمدیر. آرتیق فاجیعه لرین ایل دونوم لرین قئید ائتمک یئرینه اونلاری اونلمه لییک. هئچ دوشوندوک ؟ ۱-نیه بوگونه قده ر تورک دولتلری خوجالی سوی قیریمینی رسمی اولاراق تانیمادیلار؟ ٢-نیه بو گونه قده ر تورک دولتلری و اوزللیک ایله تورکییه و قوزئی آذربایجان اورمو سوی قیریمینی تانیماسی یوخ یاد ائتمه سیندن بئله چه کینیرلر؟ ٣-نیه ایشغالچی ائرمنی لرین تاریخی توپرقلاریمیزدا (ایروان خانلیغیندا) یاراتدیغی قوندارما دولتی تورک دونیاسی، و حتی قوزئی آذربایجان قبولنمیش؟ ٤- باتی دونیاسی بو سوی قیریمی (اورمو و…) اوز پیلانلاری اولدوغو اوچون ، اونوتماغا چالیشماسینی آنلاماق ممکون! آما تورکیه، قوزئی آذربایجان و گونئی لی سیاسی تشکیلاتلارین بو سوی قیریمی اونوتمالاری و یا لازیم اولدوغو اونه مین وئریلمه مه سی هئچ ده عقل و ومنطیقه سیغان بیر شئی دئیل!؟ اسکی دونمده (سویوق ساواش ) فلسطین، باسک ، ایرلند، ظفار، اریتیره و سایره میللتلرین حاقلی اولاراق میللی ایستک لرین بوتون گوجوموزایله هایکیرکن، اوز میللتیمیزین دیل ، تاریخ و عنعنه لرینین محو اولماسی و اریتمه سیاستینه معروض قالماسی و داها قورخونج اورمو سوی قیریمی و اورمو گولونون قوروتولماسینا و …. گه ره کن دسته یی وئرمیریک!؟ * تاریخینی اونوتان میللت، اونو تکرارلاماغا محکومدور* و بونو هر کس دن چوخ گینه نه یازیق گونئی آذربایجانداکی سویداشلاریمیز بیلیرلر!؟ خوجالی قتل عامینی فاجیعه گوره نلر!، گونئی آذربایجانین باتیسینداکی کورد ایسستیلاسینا و هر ان یاخلاشان سیمیتکو جنایتیندن داها دهشتلی سوی قیریما (سورییه ده تورکمن و عرب لرگوزوموزون قاباغیندا) نه دئمه لیدیرلر عجبا! عزیز یورداشلار زامان چوخ آز ، دونیا و اوزللیک ایله بولگه میز کوکلی ده یشمه یه حاضیر. تورک دوشمانلاری داعش بهانه سی ایله کورد ترور گروبلارینا هم ائیتیم وهم لوجستیک دستگی وئریب و پراتیک ده حاضیر اولدوقلاری معلوم، و ایرقچی تهران رئژیمی و اوزللیک ایله سپاه قدس بو پروژه نین ان استراتژیک اویونجولاریندان . و بیز تاسف لر ایله رئژیمین قصدن یاراتدیغی گوندم لر ایله مشغولوق . آرتیق بو سورونلارین حلی اوچون ایش بیرلییی شرط ، شخصی و تشکیلاتی چیخارلاری بیر یانا قویوب بیرلیکده گونئی آذربایجانیمیزی بو آغیر شرطلردن قورتارالیم . میللی استراتژینین یارانیلماسی واویقولانماسی منفرد حرکت لر و یا کیچیک و غیر حرفه ای تشکیلات لار ایله اولان بیر ایش دئیل! میللی حرکت آدینداندا بللی اولدوغو کیمی بوتون آذربایجان تورک لرینین حرکتیدیر. ! یاشاسین گونئی آذربایجان قورتولوش حرکتی!

Comments,Baxışınız
oguz gif telegram
Play All Replay Playlist Replay Track Shuffle Playlist Hide picture