/  
بیریمجی صحیفه » مقاله لر و باخیشلار » روس آرشیوی آچیلدی: «ارمنی سویقیریمی» ایله باغلی – شوک سند
روس آرشیوی آچیلدی: «ارمنی سویقیریمی» ایله باغلی - شوک سند

روس آرشیوی آچیلدی: «ارمنی سویقیریمی» ایله باغلی – شوک سند

 اوغوزتی‌وی:بیرینجی دونیا محاربه‌سیندن اول ایمپریالیست دؤولتلر عثمانلینی بؤلوشدورمک اوچون بؤیوک پلان حاضیرلامیشدیلار. بو پلانین ان اهمیت‌لی حیصه‌سی ایسه ارمنیلرله باغلی ایدی. اونلار اللرینده توتدوقلاری «ارمنی کارتی»نی «کوزیر» کیمی عثمانلییا قارشی ایر‌لی سوردولر.

بو باره‌ده «صاباح» قزئتی روسییا آرخیولرینه ایستینادن آراشدیرما یازیسی درج ائدیب. یازیدا ارمنیلرین یاپونییانین و باشقا اؤلکه‌لرین اساس «آلت»لریندن بیری اولماسی حاقدا فاکتلارا یئر وئریلیب.

🔷یاپونییانین گیزلی «سلاح»ی

ارمنیلرین ان بؤیوک خیانتی ۱۹۰۴-جو ایلده روس-یاپون ساواشی زامانی اوزه چیخدی. همین واخت روسییاداکی ارمنی میللتچیلری یاپونییانی دستکله‌یه‌رک، ایمپراتورا صداقت آندی ایچمیشدیلر. بو ساواش عرفه‌سین‌ده اونلار یاپون ایمپراتورونا بئله بیر مکتوب یازمیشدیلار:

«سیزی سئون بوتون قافقاز و روسییا ارمنیلری معنوی باخیمدان سیزینله بیرلشرک، بوتون قدحلری ایمپراتور موتسوخیتونون شرفینه قالدیریرلار. یاشا، یاشا، یاشا!”

بو مکتوب روسییا دؤولت آرخیوینده هله ده قالماقدادیر. ارمنی لیدرلری مکتوبدا قودرتلی یاپون سلاحینین داغیلمیش روس عسگرلرینین اوزرینده اولدوز کیمی پارلاماسینی و یاپونییا بایراغینین روسییانین پورت آرتور ساحللرینده‌کی قوبرناتور ساراییندا دالغالانماسینی آرزولادیقلارینی یازمیشدیلار. اونلار ارمنیلرین اؤلنه قدر یاپونییایا صادق قالاجاقلارینا آند ایچمیشدیلر.

لاکین همیشه اولدوغو کیمی، یئنه ده ارمنی ایکی اوزلولویو اؤز ایشینی گؤردو. بیر نئچه ایل سونرا ارمنی لیدرلری همین مکتوبون بنزرینی روسییا چارینا گؤندردیلر. بو دفعه ایسه تورکییه‌یه قارشی… اونلار بو مکتوبدا روسییا اوردوسونون تورکلره غالیب گلمه‌سینی، روس بایراغینین ایستانبولدا دالغالاناجاغینا ایناندیقلارینی دیله گتیریردیلر.

🔷عثمانلییا قارشی ایکی میسییا

ارمنیلر ۲۰-جی عصرین اوللرینده حیاتا کئچیردیکلری بو ساتقینلیق پلانلارینی سونرادان دا داوام ائتدیردیلر. داشناکلارین اطرافیندا توپلاشان ارمنی قروپلاشمالارینا تورکییه‌نین ایشغالی یولوندا ایکی میسییا تاپشیریلمیشدی:

۱. تورکییه ارمنیلری آرخا جبهه‌ده اعتراض آکسییالارینا باشلایاراق، تورک اوردوسونو ضیفلتملی.

۲. تورکییه ارمنیلرین‌دن عبارت اولان کؤنوللو بیرلیکلر تورک اوردوسونو یاراراق، روس اوردوسو اوچون یول آچمالی.

خصوصاً بو ایکی میسییا قوندارما ارمنی سویقیریمی ادعالارینین ندن و هارادان قایناقلاندیغینی آیدین گؤستریر.

🔷هیتلرین اویونجاغی

ارمنیلر ۲-جی دونیا محاربه‌سین‌ده هیتلرین ده اویونجاغینا چئوریلدیلر. ارمنی قروپلاشمالاری هیتلر آلمانییاسینا دستک وئره‌رک، کؤنوللو بیرلیکلر یاراتدیلار و بؤلگه‌ده‌کی خالقلارا قارشی جینایتلر تؤرتدیلر.

🔷ماریونتلری گؤزله‌ین سون

اؤتن عصرین اوللرینده شرقی پارچالاماق اوغروندا موباریزه آپاران روسییا و آوروپا ارمنیلردن ماشا کیمی ایستیفاده ائتمه‌یه گؤره موباریزه آپاریردی. اونلار بعضا اینگیلتره‌نین، بعضا ایسه روسییانین الینه کئچیردیلر. عصرین باشلانغیجیندا اینگیلتره ارمنیلری اؤز طرفینه چکه بیلدی و اونلاردان عثمانلی ایله روسییا ایمپرییاسینا قارشی ایستیفاده ائتمه‌یه باشلادی.

بوتون بونلار ارمنیلرین تاریخین موختلیف دؤورلرینده بؤیوک دؤولتلر طرفیندن اویونجاق کیمی ایستیفاده ائدیلدیکلرینی بیر داها فاکتلارلا گؤز اؤنونه سریر. همین دؤورلرده و سونرالار ماریونته چئوریلمیین نتیجه‌سی‌دیر کی، بو گون سؤزوگئدن دؤولت بؤیوک خاوسون ایچینده‌دیر و بو خاوس تئزلیکله ارمنیستانی داها بؤیوک فلاکتلره سوروکله‌یه‌جک.

Comments,Baxışınız
oguz gif telegram
Play All Replay Playlist Replay Track Shuffle Playlist Hide picture