/  
بیریمجی صحیفه » مقاله لر و باخیشلار » شوونیزم و اونون ایکی آشاماسی.

شوونیزم و اونون ایکی آشاماسی.

اوغوز تی‌وی:شوونیزم سیاست مئیدانیندا بیر سیاسی تئرمین ویا بعضا بیر سیاسی مکتب کیمی تانیملانیر. بیر قوم ویا بیر توپلوم ویا میلتین باشقا میلت و توپلوملارا اویغولادیغی غیری اینسانی بیر ده یر داورانیش، ماهیت بیچیمی دیر.
شوونیزمین ایکی آشاماسی اولار. بو آشامالار بیر بیرینی تعقیب ائده رک سونوجدا شوونیستلرین ایسته دییی نتیجه نی اونلارا وئره ر. بو آشامالاری بئله سیرالایا بیلریک.

۱.ائلیناسیون :
بو آشامادا محکوم اولان میلتین میلی وارلیغینی آغیر باسقی لارا اوغراییب، بو وارلیق جیدی یاشام ساحله لرینده ن حذف اولار. اؤرنه یین او میلتین دیلی علمی ادبی ساحه لرده اؤز اؤره تکه نلیینی ایتیریب آرتیق بدیعی و علمی اثرلرین یاراتماسیندان عاجیزلشر. دیل یاساقلاری، اؤیره تیم ساحه سینده ن میلی دیلین حذفی، و میلی دیلین یالنیز کوچه دیلینه چئوریلیب، شفاهی لشمه سی بو آشامادا اولار. بو بلا هنر، علم و… ده بیر میلی وارلیغین باشینا گلیر. بئله لیکله بیر میلت اؤز میلی وارلیغی ایله گونو گونده ن فاصیله آچار ایش او یئره گلیب چاتیر کی بیر میلت اؤز میلی وارلیغیندان اوتانج دویماغا باشلاییر. توپلوم اؤز کیملییینی یاخشی بیر یاشام اوچون بیر آلت یاپی یوخ مزاحیم و ایضافه بیر شئی کیمی گؤرمه یه باشلار و بو مزاحمتده ن بیر آن اؤنجه قورتولماغی ایستر. اؤز کیملیینده ن اوتانج دویماق، اؤزگووه ن حیسّینی ایتیرمک، باش آشاغی لیق، باشقالارینی اؤزونده ن اوستون گؤرمک و میلی خاصیتسیزلییه اوغراماق بو آشامانین محکوم میلته تؤحفه لرینده ن! حساب اولونور.
۲.آسیمیلاسیون (حل اولماق) :
ائلیناسیونون چیرکین سیاستلری سونوجو اؤزونو ده یرسیز و هئچ گؤره ن بیر توپلوم بو پسیخولوگییادان قورتولوب داها یاخشی و سویه لی بیر یاشام سورمک آماجی ایله مهاجیم سیستئمی قبول ائدیب اونا تسلیم اولاراق اؤنجه اونون بیر پارچاسی سونرا اوندا اریمک سونوجونا وارار. بونو ایسه شوونیزمه آنلاتماق اوچون هر گون داها اونون ده یر بیچیم و داورانیش لارینی منیمسه ییب و اونلار کیمی یاشاماقدا افراطی لشر. بلکه ائله بونا گؤره دیر فارسا یا روسا قوشولان تورکلر اؤز دوغما میلتلرینه داها آجیماسیز اولوب داها شوونیست-فاشیست اولورلار. ایکینجی آشاما یعنی باشقاسیندا حلّ و جذب بیتتدیکده ن سونرا، دئمک اولار کی بیر میلتین میلی یاشامی و میلت کیمی داورانماغی سونا چاتیب و شوونیزم گوجلر آماجلارینا چاتمیشدیر لار. بئله لیکله بؤیوک معنوی بیر سوی قیریم باش وئرره ک بیر میلت محو اولموشدور.
فارس شوونیزمی یوز ایلده ن آرتیقدیر بیز تورکلرین بو سیاستله تورکلویوموزو آزربایجانلی لیغیمیزی، محو ائتمه یی دؤولت آماجی کیمی آپارماقدا ایصرارلی دیر. رئژیملرین ده ییشیمینه باخمایایاراق بو فارسلار لاشدیر ما ایرانلی لاشدیرما بوتون گوج و سرعتی ایله بیزی محو ائتمک ده ن بیر آن دایانمیر.
 
آیدینلیق
Comments,Baxışınız
oguz gif telegram